الوسم: الشيف

السلام عليكم ورحمة الله
دى اكلة سهلة للعرايس والمبتدئات وبتبقى حلوة اوى فى العزومات
بس قبل ماكتب اى حاجة عنها
متنسونيش فى الدعاء ان ربنا يفرجها عليا ويرزقنى بالزوج الصالح
نبدء بقى ياقمرات
المكونات
فرخة بلدى

4 بطاطس

مقادير التتبيلة
بصلة

م ك مستردة

2 م ك صويا صوص

ملح وفلفل

م ك بابريكيا

2 م ك خل

ليمونة

بشر جزر اختيارى

قليل من الزعتر الناشف

هنخلط مقادير التتبيلة مع بعض ونتبل بيها الفرخة كويس وندعكها كويس ونتبل مابين الجلد والعضم

هنسيبها يوم بايتة فى التتبيلة

هنجيب صينية نقطع فيها 4 بطاطس وعليهم رشة ملح وفلفل

نحطها ع النار يعنى البطاطس بس لونها يتغير هنشوحها يعنى

بعد كده نجيب الفرخة نحطها هى والتتبيلة على البطاطس

نغطى الصينية ونسيبها ربع ساعة على البوتاجاز لغاية ماالفرخة تجيب ميتها بعد كده قلبت الفرخة بعد كده ندخلها الفرن

انا عملتها فى فرن الكهربا على حرارة 180

هتقعد حوالى ساعة فى الفرن

بعد ساعة الا ربع نجيب شوكة عشان نشوف الفرخة استوت ولا لسة

ان كانت استوت هنطفى

وهندخلها فرن البوتاجاز ونشغل الشواية عشان تاخد لمعة من فوق

ونغرف وتتاكل بالهنا والشفا

هسيبكم مع الصور بالترتيب والتفصيل

ما شاء الله يا شيف موني روعة تسلم يمناك

والله شكلها روعة والفرخة بتشهي كثير

يعطيك العافية

السلام عليكم ورحمة الله
البان كيك من الوصفات السهلة والخفيفة على الفطار وكمان عشان نغير شوية الفطار التقليدى
المكونات:
2 ونصف كوب دقيق
2 ملعقة صغيرة بيكنج بودر
2 الا تلت كوب حليب
2 ملعقة كبيرة زيت
2 بيضة
فانيليا
6 ملعقة كبيرة سكر
رشة ملح
شوكليت شيبس
عسل نحل
الطريقة:
هنفصل بياض البيض عن الصفار وهنضرب بياض البيض مع رشة الملح لغاية مايبقى مارينج

فى اناء تانى هنحط صفار البيض مع الفانيليا والحليب والسكر والزيت

ونضربهم بمضرب البيض

ونضيفلهم الدقيق والبيكنج بودر

ونقلبهم مع بعض برفقة بأى معلقة او بالاسباتيولا لغاية ماكل المكونات تتجانس مع بعضها

ونضيفلهم خليط المارينج اللى عملناه

ونقلبهم مع بعض من تحت لفوق برفق لغاية مايمتزج الخليط مع بعضه

ونحضر مقلاة تيفال او سيراميك(غير لاصقة) ندهنها زيت ونسخنها على النار ونبدأ نقلى فيها البان كيك

وشوية نضيفلهم شوكليت شيبس

ونقلب البان كيك على الوش التانى عشان يستوى من الناحيتين بشرط الضهر يكون بنى فاتح عشان ميتحرقش مننا

وقبل كل مرة نحط بان كيك فى المقلاة هنمسحها بزيت عشان ميلصقش فيها وحبيت اقدمه بشكل مختلف عن المعتاد
وده شكله النهائى

السلام عليكم ورحمة الله
كل عام وانتوا بخير ان شاء الله ده اخر موضوع هنزله فى المثلجات عشان نستعد مع بعض لوصفات رمضان انا عارفة طبعا ان ده مش موسم المانجو بس انا بخزنها عندى فى الفريزر بالسنة
والمكونات كالتالى:
3 وربع كوب مانجو مقطعة
كوب ونصف حليب
فانيليا
كوب فريش كريم
كوب سكر
نصف كوب شوكليت شيبس(اختيارى)
الطريقة:
فى الفود بروسيسور هنحط المانجو المقطعة مع السكر

ونشغل عليهم عشان يمتزجوا مع بعض

ونضيفلهم الحليب والفانيليا والفريش كريم

ونشغل عليهم على اعلى سرعة لغاية ماتمتزج المكونات كويس ويغلظ القوام ونحطهم فى علبة محكمة الغلق

ونضيفلهم الشوكليت شيبس وطبعا خطوة الشوكليت شيبس دى اختيارية بس انا حبيت اعملها للتغيير وفعلا ادت طعم حلو

ونحطه فى الفريزر ونقلبه كل 4 ساعات عشان ميكونش كتل تلجية

وقدمته تانى يوم لما اتجمد

السلام عليكم ورحمة الله
كل عام وانتم بخير
حلاوة الجبنة السورية نشأتها مدينة حماة فى سوريا واول عائلة عملتها هى عائلة سلورة وكمان مشهورة بيها مدينة طرابلس فى لبنان
مكوناتها كالتالى:
3 كوب جبنة موزاريللا
3 كوب جبنة شلل حلوة مبشورة (بدون مالحة)
كوب دقيق سميد ناعم جدا(يستحسن استخدام دقيق سميد فرخة)
كوب سكر
2 الا ربع كوب ماء
ربع كوب ماء ورد
الحشو:
ربع كيلو قشطة حليب
بندق مطحون(ممكن نستبدله بأى مكسرات تانيه)
2 ملعقة كبيرة ماء ورد
وهنحتاج سيرب لدهن الترابيزة ونحط حاجة بسيطة منه على حلاوة الجبنة بعد مانقطعه(السيرب هو القطر او الشربات)
والمكونات للسيرب:
كوب ونصف ماء وكوب سكر وعصير ربع ليمونة
وللتزيين:
فستق
ومربى زهر الليمون او النارنج ان كانت موجودة
الطريقة
فى كسرولة هحط المياه والسكر ودقيق السميد وماء الورد وممكن نستبدل المياه بحليب ودقيق السميد لو ملقيناش دقيق سميد فرخة هنطحن دقيق السميد العادى عشان يبقى ناعم

ونشغل عليهم نار هادية واول مايبدأوا فى الغليان بمجرد ان المياه يبقى فيها فقاقيع

هنضيفلهم الجبنة

ونقلب لغاية ماالجبنة تمتزج مع المياه والسميد وتوصل لمرحلة الكرة الصلبة يعنى الخليط ينفصل عن الكسرولة ويبقى كتلة وطبعا هيمط عشان الجبنة

اول مانوصل للمرحلة دى نطفى النار ونكون محضرين نايلون وحاطين عليه سيرب ننزل عليهم حلاوة الجبنة

نسيبها دقيقة عشان هتبقى سخنة جدا ونحضر الحشو
فى اناء هنحط القشطة والبندق وماء الورد

ونخلطهم كويس

وهنفرد حلاوة الجبنة ولازم نفردها وهى سخنة لأنها لو بردت مش هتتفرد معانا ونحط الحشو فى اولها

ونلفها زى مابنلف السويسرول بس هنلف مرة واحدة ونقطعها

وممكن نقطعها مربعات متساوية ونلف كل مربع لوحده

وبالنسبة لحشوة القشطة الطبيعية ممكن تستبدلوها بقشطة بوك
وبالنسبة للجبنة الشلل الحلوة هى حادقة بس انا خليت صاحب المحل يعملهالى حلوة مخصوص وممكن تستبدلوها بجبنة موزاريللا يعنى تعملوا حلاوة الجبنة كلها بجبنة موزاريللا
وفيه طريقة تانيه اننا نحط الجبنة الاول مع الميه والسكر لغاية مايدوب السكر وتسيح الجبنة وبعدها نضيفلهم دقيق السميد بس انا عملتها بطريقة محلات الحلويات وطبعا حسب رغبتكم
وده شكلها النهائى بعد ماحطيت عليها القطر وزينتها بالفستق

السلام عليكم ورحمة الله وبركاتة

السلام عليكم ورحمة الله
زى ماقلتلكم ان شاء الله كل اسبوع هنزل وصفة من وصفات الأيس كريم وايس كريم الفانيليا بيتهيئلى محدش فينا مش بيحبه
المكونات كالتالى:
كوب كريمة لبانى

كوب ونصف حليب
نصف كوب سكر
ملعقة كبيرة نشا
ملعقة كبيرة عسل جلوكوز
2 ملعقة صغيرة فانيليا سايلة
الطريقة:
هندوب النشا فى شوية حليب بارد

وفى كسرولة هنحط الحليب والسكر والكريمة اللبانى

ونضيفلهم عسل الجلوكوز

ونقلب المكونات على النار لغاية ماتغلى وتذوب ونشيلها من على النار ونضيفلهم خليط النشا والحليب مع التقليب ونرجعهم تانى على النار ونقلبهم لمدة دقيقتين او اكتر لطبخ النشا والمكونات هتغلظ قليلا وهنطفى النار ونضيفله الفانيليا ونقلب ولما يبرد نحطه فى علبة محكمة الغلق

ونحطه فى الفريزر ونقلبه كل 3 ساعات عشان ميكونش كتل تلجيه
وانا قدمته تانى يوم وزينته بصوص الفراولة وده شكله

طبعا دى طريقة من طرق ايس كريم الفانيليا الكتييييييييييييييير جدا بس انا اخترت اسهل طريقة

السلام عليكم ورحمة الله
كل عام وانتم بخير

مكونات عجينة البقلاوة:
2 كوب دقيق
رشة ملح
نصف كوب ماء
3 ملعقة كبيرة زيت
نشا للفرد(حوالى ربع كيلو)
تلت كيلو سمنة بلدى سايحة
مكونات الحشو:
ربع كيلو فستق مجروش
2 ملعقة كبيرة سكر
2 ملعقة كبيرة سمنة سايحة
2 ملعقة كبيرة ماء ورد

مكونات السيرب:(السيرب هو الشربات او القطر)
كوب ونصف سكر وكوب ماء وعصير نصف ليمونة
الطريقة:
اول حاجة ده نوع الدقيق اللى استخدمته وممكن اى نوع تانى طبعا

فى اناء حطيت الدقيق والملح والزيت

قلبتهم وضفتلهم نصف كوب المياه

وعجنتهم كويس والعجينة هتبقى طرية شوية

قسمت العجينة 12 قطعة وقلبت القطع دى فى النشا وسبت العجينة ترتاح تلت ساعة
وغالبا فى محلات الحلويات بيقسمو عجينة البقلاوة ل12

وحضرت الحشو ضفت للفستق السمنة السايحة والسكر وماء الورد وقلبتهم مع بعض كويس

بعد ماسبت العجينة ارتاحت هحط القطع فوق بعض وبين كل قطعة والتانية كمية كافية من النشا وضغطت عليهم بإيدى

وهبدأ افرد العجينة من كل الجهات بنشابة البقلاوة او بالنشابة العادية لو نشابة البقلاوة مش متوفرة ونحاول نرقق العجينة على قد مانقدر وطبعا قبل ماأفرد العجينة هرش نشا على الترابيزة

وهتبقى على شكل مربع
هنحط فى بداية العجينة كمية كافية من الفستق

ونلفها مرتين

وده شكله بعد ماطلع من الفرن



وده شكل حشوة العجمية جوة المعمول

دى طريقة من الطرق الكتير للمعمول انتو اختاروا الاسهل بالنسبالكم