الوسم: الشيف

السلام عليكم ورحمة الله
وصفة سهلة وموفرة وممكن تتعمل في الخلاط ومش هتاخد منك خمس دقايق
المكونات:
كوب سكر
كوب حليب
3 ملعقة كبيرة كاكاو خام
كوب زيت
2 بيضة
فانيليا
كوب دقيق
ملعقة صغيرة بيكنج بودر
وللتزيين:
لولي الوان او حسب الرغبة
الطريقة:
فى الخلاط هنحط الزيت والكاكاو والحليب والسكر ونشغل عليهم لغاية مايتجانسوا

وناخد من الخليط ده كوباية ونركنها على جنب

ونحط بقية الخليط في اناء ونضيفله البيض والفانيليا

ونخفقهم

واخر حاجة نضيفله الدقيق والبيكنج بودر

ونضربهم بالمضرب لغاية ماتتجانس المكونات

ونحط عجينة الكيك في قالب مستطيل او مدور حسب رغبتكم

وندخله فرن حرارته هادية ونطلعه لما يستوي ونحط عليه وهو سخن كوباية صوص الشوكولاته اللي ركناها على جنب في الاول

وده شكلها النهائي

المقادير
كيلو ونص رز
طماطم وصلصه حسب الرغبة
بقدونس وكسبره خضرا حسب الرغبة
وطبعا بصل
وتتبيلة الخلطه اللى هى فلفل اسود وملح وبهارات وكسبره ناشفه
الطريقة
بنقلى البصل فى حتة سمنه وشوية زيت بس منسيبوش يصفر
وبعدها نحط عليه الخضرة لغاية ماتدبل
ونحط عليها الطماطم والصله ونقلب
ونطفى النار ونضيف الرز
ونحط التتبيلة بتاعتنا ونقلب طبعا
وبعدها نستنى لما الخلطة تبرد ونحشى الممبار
ونسلقه
انا سلقته ع النار لمدة ساعتين
بس فيه ممبار بياخد اقل من كده شوية
على حسب عمر العجل
بعد ماسلقته طلعته حطيته فى حلة صاج وعصرت عليه ليمون ودخلته التلاجه
وتانى يوم حمرته فى الزيت
معلش انا مش كاتبة مقادير الخلطة بالظبط لانى مش بحسبها يعنى حسب مابتحتاج بزود
هسيبكم مع الصور من اول ماحشيته لغاية ماحمرته
دى الخلطه

ده بعد ماحشيته وطبعا مش بخيطه لانه بيتقفل لوحده وهو بيتسلق

ده بعد ماتسلق قبل ماطلعه من الحله