السلام عليكم ورحمة الله
زى ماقلتلكم ان شاء الله كل اسبوع هنزل وصفة من وصفات الأيس كريم وايس كريم الفانيليا بيتهيئلى محدش فينا مش بيحبه
المكونات كالتالى:
كوب كريمة لبانى
كوب ونصف حليب
نصف كوب سكر
ملعقة كبيرة نشا
ملعقة كبيرة عسل جلوكوز
2 ملعقة صغيرة فانيليا سايلة
الطريقة:
هندوب النشا فى شوية حليب بارد
وفى كسرولة هنحط الحليب والسكر والكريمة اللبانى
ونضيفلهم عسل الجلوكوز
ونقلب المكونات على النار لغاية ماتغلى وتذوب ونشيلها من على النار ونضيفلهم خليط النشا والحليب مع التقليب ونرجعهم تانى على النار ونقلبهم لمدة دقيقتين او اكتر لطبخ النشا والمكونات هتغلظ قليلا وهنطفى النار ونضيفله الفانيليا ونقلب ولما يبرد نحطه فى علبة محكمة الغلق
ونحطه فى الفريزر ونقلبه كل 3 ساعات عشان ميكونش كتل تلجيه
وانا قدمته تانى يوم وزينته بصوص الفراولة وده شكله
طبعا دى طريقة من طرق ايس كريم الفانيليا الكتييييييييييييييير جدا بس انا اخترت اسهل طريقة
وبالنسبة للكريمة اللبانى هى نفسها الكريمة السائلة وهي كريمة خاصة بالحلويات وتكون مصنوعة من الحليب الكامل الدسم وتستعمل في الطهي وتزيين الحلويات وهى نفسها كريمة الخفق وانا بشتريها جاهزة من السوبر ماركت
وممكن نستبدلها بحليب كامل الدسم بس فى الوصفة دى احنا استخدمنا حليب كامل الدسم فالاحسن نستخدمها نفسها وانا بحب اضيفها للايس كريم واى حلويات لأنها بتخلى الطعم غنى وانا مجربتش اى بدائل تانيه ليها لغاية دلوقتى
يارب موضوعى البسيط ده يكون عجبكم
تسلمي
تسلم دياتك ياقمر
ربي يعطيك ألف عافية
لاتحرمينا من جديدك
يسلموووووووووووو ي عسل انا اخذ ظرووف ايس كريم من شركة دريم فيه بنكهات زي ظرف المهلبيه بس تخفقيه مع حليب باااااارد وتعالي شوفي الطعم بس اكتبي بقوقل ايس كريم دريم ويطلع لك صورته
مازال الابداع حليفك حبيبتي
راح اطلب منك انك تجمعي وصفات الايس كريم كلهم في موضوع واحد وتضعي فيه روابط وصفاتك جميعا للتثبيت وحتى نجمع كل الوصفات في مكان واحد تكون اسهل للتصفح
بوركت مجهوداتك
روووعة يا موني
ممتازة عمايلك للايس كريم
شهيييييييية موووت
