السلام عليكم ورحمة الله
كل عام وانتوا بخير ان شاء الله ده اخر موضوع هنزله فى المثلجات عشان نستعد مع بعض لوصفات رمضان انا عارفة طبعا ان ده مش موسم المانجو بس انا بخزنها عندى فى الفريزر بالسنة
والمكونات كالتالى:
3 وربع كوب مانجو مقطعة
كوب ونصف حليب
فانيليا
كوب فريش كريم
كوب سكر
نصف كوب شوكليت شيبس(اختيارى)
الطريقة:
فى الفود بروسيسور هنحط المانجو المقطعة مع السكر
ونشغل عليهم عشان يمتزجوا مع بعض
ونضيفلهم الحليب والفانيليا والفريش كريم
ونشغل عليهم على اعلى سرعة لغاية ماتمتزج المكونات كويس ويغلظ القوام ونحطهم فى علبة محكمة الغلق
ونضيفلهم الشوكليت شيبس وطبعا خطوة الشوكليت شيبس دى اختيارية بس انا حبيت اعملها للتغيير وفعلا ادت طعم حلو
ونحطه فى الفريزر ونقلبه كل 4 ساعات عشان ميكونش كتل تلجية
وقدمته تانى يوم لما اتجمد
وايس كريم المانجو طعمه متميز جدااااااااااااااا بعتبره احلى ايس كريم عملته وبدون مبالغة طعمه احلى من ايس كريم محل قويدر جربوه وهتشوفوا بنفسكم
واللى مش متوفر عنده الفريش كريم ممكن يستبدله بقشطة الحليب الطبيعية
وبالهنا والشفا
يا سلاااام
يسلموووووو
دائما عودينا على جديد ك
