الوسم: الشيف

السلام عليكم ورحمة الله وبركاته
دى طريقة تارت التفاح الاصلية

نبدأ بسم الله
المقادير للعجينة
ربع كوب ماء-بيضة(احمر)-ملعقة كبيرة خل-2كوب دقيق-نص ملعقة صغير ملح -ربع كوب زيت-ربع كوب سمن-كيس فانيليا
المقادير للحشو
5 تفاحات مقطعين مكعبات-كوب ونص سكر ابيض عادى-ملعقتين كبار قرفة(حسب
الرغبة ممكن تزودى او تنقصى)-ملعقتين كبار سمنة وبردو ممكن تزودى
اول حاجة هنجيب البيضة والفانيليا والخل والميه ونضربهم مع بعض
نسيبهم ونجيب بولا تانيه نحط فيها الدقيق وعليه الزيت والسمنة وندعكهم بايدينا
بصراحة انا لما عجنتهم لقتهم ناعمين اوى فزودت دقيق لغاية مابقت عاملة زى فتافيت العيش
بعض كده حطيت البيض والخل اللى ضربناهم على الدقيق ونعجنهم هنلاقيها ناعمة وسهلة التشكيل
نركن دلوقتى العجينة
نيجى للحشو نحط التفاح المتقطع مع القرفة والسكر والسمنة ونخلطهم بايدينا
خلى بالكم المقادير دى سواء العجينة او الحشو لصينية مقاس 24
نجيب الصينية وندهنها سمنة
ونقسم العجينة كورتين كورة عادية وكورة اكبر شوية
الكبيرة دى اللى هنغطى بيها الحشو
نفرد الكورة الصغيرة بالنشابة ونحطها فى الصينية ولو فيه زيادات نشيلها بعد
كده نحط الحشو ونفرد الكورة الكبيرة ونغطى بيها الحشو بأحكام يعنى تقفلى
على الحشو كويس اوى
وتخرمى الوش من فوق بالشوكة
نيجى بقى للخبز
انا خبزتها على حرارة 125
بتاخد ساعة تقريبا
وعايزة اقولكم سر
اى حاجة بخبزها فى الفرن عشان متنشفش وتتلسع من تحت بحط من تحت اقصد الصاجة اللى فوق النار صينية فيها ميه
بحيث انها بتبقى تحت الصينية اللى بنعمل فيها الحاجة
بتدى طراوة للحاجة اللى بنخبزها وتخليها متتحرقش
بعد نص ساعة هتلاقيها الحشو نزل منه صوص
هتطلعى الصينية وتاخدى الصوص ده بالمعلقة تسقى بيه الوش من فوق وتدخليها الفرن تانى
ولما تحسى انها استوت والوش احمر تطفى وتشغلى الشواية عشان تاخد لمعة من فوق
دلوقتى بقى هسيبكم مع الصور بالتفصيل

دى بعد ربع ساعة من مادخلتها الفرن واللى تحتها دى الصينية اللى فيها ميه اللى قلت عليها

دى لما طلعتها وحطيت الصوص على الوش

السلام عليكم ورحمة الله
احنا فى الشتا والبطاطا الحلوة مالية السوق واحنا دايما نشويها او نعمل فطيرة بطاطا فحبيت اغير واعمل بالبطاطا صنف جديد وللأمانة انا اتعلمت الوصفة دى من الشيف/نرمين هنو ةالصنف ده طعمه حلو وطريقته سهلة
مكوناته كالتالى:
نص كيلو بطاطا حلوة
لتر حليب
ملعقة صغيرة فانيليا
3 ملعقة صغيرة جيلاتين بودرة(بيتباع فى محلات خامات الحلويات او عند العطار)
4 ملعقة كبيرة ماء
30 جرام سكر(ملعقة كبيرة ونص)
50 جرام ماء(2 ملعقة كبيرة ونص)
ملعقة صغيرة لون طعام برتقالى(اختيارى وممكن نستغنى عنها)
2 كوب كريم شانتى خام
كوب وربع حليب بارد
5 ملعقة كبيرة سكر بودرة
وللتزيين:
وردات كريم شانتى
فستق مطحون
(او حسب الرغبة)
الطريقة
هنقشر البطاطا ونقطعها مكعبات ونحطها فى كسرولة

ونحط عليه لتر الحليب بس طبعا هنكون غليناه قبلها بمدة

ونشغل عليها نار هادية لغاية ماتستوى وبعدها نطلعها نصفيها من الحليب ونحطها فى اناء ونهرسها

ونحط عليها كوب من الحليب اللى سلقناها فيه مع رشة فانيليا

ونحضر السيرب (السيرب هو الشربات او القطر) هنحط ال50 جرام ماء مع ال30 جرام سكر على النار لغاية مايدوب السكر وهنحطهم على البطاطا والحليب

وهنحط الجيلاتين مع الاربع معالق مياه على النار لغاية مايدوب وهنصفيه على البطاطا والحليب ونضيفلها لون الطعام البرتقالى وهنضرب كل ده بالمضرب الكهربائى

ومش هتبقى فى درجة النعومة اللى احنا عايزنها فهنضربها تانى فى الخلاط ونصفيها
هتبقى ناعمة جدااااااااااا ومفيهاش اى شوائب

وهنحضر الكريم شانتى هنحط كوبايتين الكريم شانتى البودرة فى اناء معاهم الكوب وربع حليب والسكر بودرة والفانيليا ونضربهم بالمضرب الكهربائى وهيبقى قوامه سميك شوية وده اللى احنا محتاجنله فى الوصفة وهنضيفهم على خليط البطاطا بالتدريج

ونقلب برفق لغاية ماتختفى كل تكتلات الكريم شانتى ويمتزج كويس مع خليط البطاطا وكده بقى البارفيه جاهز عندنا
هنحطه فى اطباق التقديم وهنزينه حسب رغبتنا
وده شكله النهائى

من لا يعرف الشيف اسامة
الخبير و الاحترافي في الطبخ

اقدم لكن سيداتي كتابه الكبير بالهنى و الشفى

لتحميل الكتاب من هنا اظغطي على الرابط التالي

السلام عليكم ورحمة الله

النهارده ان شاء الله هقدملكم وصفة جاتوه حلوة وسهلة وشكلها جميل فى الضيافة

انا عملت الجاتوه بدقيق الاسبونش الجاهز وعايزة اقول حاجة على دقيق الاسبونش عشان ناس كتير محتارين هو بيختلف عن الدقيق العادى بيكون مضاف عليه السكر والبيكنج بودر والمحسن احنا بنضيفله البيض والماء فقط وبيستخدم للكيكات الاسفنجية بس وبنحط عليه البيض والميه ونخفقه بالمضرب لأن طريقته بتختلف عن الكيكة العادية وانا بشترى السايب من محلات خامات الحلويات التورتة بتاخد نص كيلو فيه جاهز فى السوبر ماركت الطحان وبيتى كروكر ونوع تونسى اسمه فنواز طبعا انا بتكلم على داخل مصر لكن خارج مصر الصراحة معرفش

المكونات:

نص كيلو دقيق سبونش

نصف كوب ماء

6 بيضات كبار

فانيليا

مكونات الحشو:

ربع كيلو كريم شانتى خام

10 ملعقة كبيرة حليب بودرة

10 ملعقة كبيرة سكر بودرة

2 كوب ماء مثلج او حسب مايحتاج الكريم شانتى

فراولة(لجاتوه الفراولة)

وممكن نستبدل الحليب البودرة والماء المثلج بحليب طبيعى

للتزيين:

فراولة

شوكولاته مبشورة

كريز

الطريقة:

فى اناء هنحط ربع كيلو من الدقيق الاسبونش اللى عندنا و3 بيضات كبار وربع كوب ماء وفانيليا

وهنخفقهم بالمضرب لمدة من 3 ل5 دقايق لغاية مايتكاثف الخليط ويبقى كريمى

ونحط الخليط فى صينية مربعة على ورق خبز

دخلتها فرن حرارته هادية لغاية ماتستوى وطبعا كل شخص فرنه بيختلف عن التانى

وهنكرر كل اللى فات مع بقية دقيق الاسبونش اللى هو الربع كيلو التانى وهيبقى عندنا كيكتين

وهنحطهم فى التلاجة لمدة يوم كامل او 6 ساعات ع الاقل عشان يتماسكوا ونطلعهم ونبدأ نشتغل

هنجيب كيكة من الاتنين ونقسمها بالنص بالظبط

ونبدأ نحشيها بالكريم شانتى

ونجلسها من برة بالكريم شانتى ونساوى الاطراف بالسكينة

ونقطعها قطع متساوية بالطول وبعد كده بالعرض ونزينها بالكريز والشوكولاته المبشورة

واستخدمت الشوكولاته دى وممكن اى نوع تانى

كده خلصنا جاتوه الفانيليا والشوكولاته وهندخل على جاتوه الفراولة

السلام عليكم ورحمة الله

كل سنة وانتوا طيبين

المكونات:

كيلو دقيق

ربع كيلو سمنة بلدى سايحة بس مش سخنة

5 بيضات كبار

كوب حليب بارد

تلت كيلو سكر بودرة

ملعقة صغيرة بيكنج بودر

ملعقة كبيرة نشادر

ملعقة صغيرة فانيليا

الطريقة:

السلام عليكم
المقادير
نص كيلو بوفتيك
مستردة
بصل متقطع
ملح وفلفل
خل
صوص صويا
بابريكيا
زعتر
مقادير الحشوة
جزر وفلفل اخضر وبقدونس
اول حاجة طبعا هندق البوفتيك
وننقعه فى التتبيلة اللى هى البصل والملح والفلفل والخل والمستردة وصوص الصويا والبابريكيا والزعتر
لمدة يوم
نحضر الحشوة اللى هى جزر وفلفل وبقدونس
نطلعه من التتبيلة
ونحط كل قطعه على طبق ونحشيها ونلفها ونقفلها بالاعواد الخشب
بعدها نحط شوية دقيق فى طبق
ونغرق كل قطعه بعد ماتحشت بالدقيق
ونحطهم فى صينية او طاسة وعليهم سمنه
واسيبهم يتحمرو وطبعا اقلبهم عشان يتحمرو ع الجهتين
لقتهم اتحمرو
احط عليهم بقية الحشوة اللى فضلت وميه
واغطى عليهم لغاية مايستوى
وطبعا ساعتها هتكون الميه نشفت
وهيكون الصوص بتاعه خطير
دى صورته وهو لسه فى التتبيله قبل ماطلعه

دى صورة الحشو

السلام عليكم ورحمة الله
طبعا احلى حاجة انكم تحولوا اى فاكهة بتحبوها لايس كريم وخصوصا اللى عندها منكم اطفال لأن الاطفال مبيحبوش ياكلوا الفاكهة لوحدها
المكونات:

كيلو كيوي
كوب سكر
كوب فريش كريم
نصف كوب حليب
فانيليا
2 ملعقة كبيرة عسل جلوكوز(ممكن نستبدله بعسل نحل)
الطريقة:

فى الفود بروسيسور هنحط الكيوى بعد مانقطعه والسكر وعسل الجلوكوز مع بعض

ونشغل عليهم لغاية ماالكيوى يتهرس كويس

ونضيفله الحليب والفانيليا

والفريش كريم

ونشغل عليهم لغاية ماتمتزج المكونات والخليط يغلظ ونحطه فى علبة محكمة الغلق

ونحطه فى الفريزر نطلعه نقلبه كل 4 ساعات عشان ميكونش كتل تلجية

وقدمته لما جمد مع البسكوته اللى عملتها قبل كده ونزلتها فى موضوع لوحدها
وده شكله النهائى