ورشة عمل مفرش طاولة رائع وسهل
السلام عليكم
عجبني هذا المفرش وحبيت اعمله واسوي ورشة حتى البنات يستفيدوا الي حابة تشترك بالورشة حياها الله وهذا هو المفرش والباترون تبعه :
راح نسوي سلسلة مكونة من 14 غرزة ونختمها بمنزلقة .
الصدفة 🙁 3 عمود بلفتين سلسلة 3عمود بلفتين )
السطر الاول : نرتفع 4 سلاسل وسلسلة ونسوي عمود بلفتين وسلسلة حتى يتكون 30 عمود بلفتين بينهم سلسلة نختم بمنزلقة بالسلسلة الرابعه لاول عمود .
السطر الثاني : نرتفع ( 4 سلاسل + سلسلتين ) يكون هذا بمثابة العمود الاول بلفتين ونسوي عمود بلفتين بالسلسلة البين العمودين من السطر السابق يعني سلسلتين وعمود بلفتين للنهاية ونختم بمنزلقةبالسلسلة الرابعة من اول عمود .
السطر الثالث : نرتفع 4 وسلسلة ونسوي بين كل عمودين يعني بالفراغ المتكون من 2 سلسلة بالسطر السابق ونسوي 4 عمود بلفتين ثم سلسلة ونكرر باخر فراغ نعمل 3 عمود بلفتين ونختم بمنزلقة بالسلسلة الرابعة من اول عمود بالسطر السابق .
السطر الرابع : 4 سلاسل بمكان اول عمود 2 عمود بلفتين سلسلة 3 عمود بلفتين يعني ونكرر الشغل بالفراغ الي بالسطر السابق ونختم بمنزلقة بالسلسلة الرابعة باول عمود .
السطر الخامس : نسوي 3 منزلقة عال 3 عمود حتى نصل للفراغ الاول نعمل 4 سلاسل بمكان اول عمود 2 عمود بلفتين في الفراغ سلسلة 3 عمود بلفتين سلسلة ( 3 عمود بلفتين سلسلة 3 عمود بلفتين سلسلة ) تكرر بالفراغ المكون من سلسلة بالسطر السابق
السطر السادس : نمشي 3 منزلقة مثل السطر السابق وفوق الصدفة نعمل 4 سلاسل و2 عمود بلفتين 2 سلاسل 3 عمود بلفتين 2 سلاسل ويكرر ونغلق بمنزلقة ب 4 سلسلة من السطر السابق .
السطر السابع : نمشي 3 منزلقة ونعمل صدفة 3 سلاسل صدفة للاخير ونختم بمنزلقة برابع سلسلة بالسطر السابق .
السطر الثامن : نمشي 3 منزلقة الصدفة هنا راح تكبر نعمل 3 عمود بلفتين 4 سلاسل 3 عمود بلفتين للاخير ونغلق بمنزلقة برابع سلسلة بالسطر السابق .
السطر التاسع : نمشي 3 منزلقة نعمل صدفة 5 سلاسل صدفة للاخير ونغلق بمنزلقة برابع سلسلة بالسطر السابق .
السطر العاشر : نمشي 3 منزلقة ونسوي صدفة 6 سلاسل صدفة للاخير ونختم بمنزلقة برابع سلسلة بالسطر السابق .
السطر الحادي عشر : مثل السطر العاشر صدفة 6 سلاسل صدفة .
هذا شغلي للسطر الحادي عشر
السطر 12 : ايضا نعمل 3 منزلقة نعمل 4 سلاسل بمكان اول عمود 11 عمود بلفتين 6 سلاسل وبعدين صدفة فوق الصدفة الاولى ونكرر ( 12 عمود بلفتين 6 سلاسل صدفة ) يعني 12 عمود بصدفة والصدفة تكون بالصدفة البعدها .
السطر 13 : 1 منزلقة 5 سلاسل بمكان اول عمود سلسلة وبين كل عمود سابق نسوي عمود ب 3 لفات و سلسلة يعني راح يكون 11 عمود ب 3 لفات وبين كل واحد والثاني سلسلة 6 سلاسل صدفة فوق الصدفة السابقة ونكرر(11 عمود ثلاثي 6 سلاسل صدفة ).
السطر 14 : ببداية السطر راح تكون الاناناسة راح نعمل بعمود عادي والصدفة عمود بلفتين ( نعمل منزلقة ثم 3 سلاسل مكان اول عمود 2 سلسلة 9 عمود عادي بين كل واحد والثاني 2 سلسلة ) والشغل في الفراغات الي بين الاعمدة السابقة ( 6 سلاسل صدفة فوق الصدفة السابقة )الصدفة ( 3 عمود بلفتين 3 سلاسل 3عمود بلفتين ) ونكرر .
السطر 15 : منزلقة ثم 3 سلاسل مكان اول عمود 2 سلاسل 8 عمود بين كل عمود والثاني 2 سلاسل 6 سلاسل صدفة ونكرر .
السطر 16 : في هذا السطر يكون بداية الاناناسة الجديدة ( 3 سلاسل 2 سلاسل 7 عمود بين كل عمود والثاني 2 سلاسل 6 سلاسل داخل الصدفتين التاليتين ( صدفة 3 سلاسل صدفة ) 6 سلاسل وبالصدفة التالية ( صدفة 3 سلاسل 3 عمود بلفتين )6 سلاسل ونكرر
الان نقطع الخيط ونركز عالباترون حتى نعرف نثبت الخيط بالمكان الصحيح .
المكان الي راح نثبت الخيط فيه مكون من ( 3 عمود 3 سلاسل 3 عمود 3 سلاسل 3 عمود ) راح نثبته بال 3 سلاسل الثانية وراح نبدأ السطر ب 3 سلاسل مكان اول عمود 2 سلاسل ) سبع مرات نسوي عمود و 2 سلاسل هذا شغل الاناناسة يعني عمود عادي بعدها 6 سلاسل راح نقابل اول صدفة نعمل فيها ( 3 عمود بلفتين 3 سلاسل 3 عمود بلفتين 3 سلاسل 3 عمود بلفتين 3 سلاسل 3 عمود بلفتين ) يعني صدفة 3 سلاسل صدفة بعدها 6 سلاسل ونشتغل تحت الاناناسة مثل الاولى 8 عمود بين كل واحدة والثانية 2 سلسلة بعده 6 سلاسل .
السطر 17: 4 سلاسل مكان اول عمود 2 عمود بلفتين 3 سلاسل 3 عمود بلفتين 5 سلاسل 7 عمود ( ع س ) 5 سلاسل صدفة .
نلف الشغل ونطلع للسطر 18 ونعمل : 3 منزلقة 4 سلاسل مكان اول عمود 2 عمود بلفتين 3 سلاسل 3 عمود بلفتين ( صدفة ) 5 سلاسل 6 عمود س 5 سلاسل صدفة .
السطر 19 : نلف الشغل ونعمل 3 منزلقة ( 4 سلاسل 2 عمود بلفتين 3 سلاسل 3 عمود بلفتين )= صدفة 5 سلاسل 5 عمود س 5 سلاسل صدفة .
السطر 20 : نلف الشغل ونعمل 3 منزلقة ( 4 سلاسل 2 عمود بلفتين 2 سلاسل 3 عمود بلفتين )صدفة 5 سلاسل 4 عمود س 5 سلاسل صدفة .
السطر 21 : نلف الشغل ونعمل 3 منزلقة ( 4 سلاسل 2 عمود بلفتين 3 سلاسل 3 عمود بلفتين )= صدفة 5 سلاسل 3 عمود س 5 سلاسل صدفة .
السطر 22 : نلف الشغل ونعمل 3 منزلقة ( 4 سلاسل 2 عمود بلفتين 3 سلاسل 3 عمود بلفتين )= صدفة 5 سلاسل 2 عمود س 5 سلاسل صدفة .
السطر 23 : نلف الشغل ونعمل 3 منزلقة ( 4 سلاسل 2 عمود بلفتين 3 سلاسل 3 عمود بلفتين )= صدفة 5 سلاسل عمود 5 سلاسل صدفة .
السطر 24 : 3 منزلقة 3 عمود بلفتين 3 عمود بلفتين بالصدفة الثانية س ونقطع الخيط
راح نثبت الخيط بمكان حرف B الموضح بالباترون ونكمل ونبدأ .
السطر 25 :4 سلاسل مكان اول عمود بلفتين 2عمود بلفتين 3 سلاسل 3 عمود بلفتين صدفة 5 سلاسل 7 عمود س ( شغل الاناناسة )صدفة بأول صدفة صدفة في ال 3 سلاسل صدفة في الصدفة الثانية راح يكون عندنا 3 صدفات وبعدين 5 سلاسل 7 عمود س ( شغل الاناناسة )نعمل 3 صدفات مثل الفاتوا صدفة بأول صدفة صدفة في ال 3 سلاسل صدفة في الصدفة الثانية وبعدين 5 سلاسل 7 عمود س (شغل الاناناسة ) صدفة في ال3 سلاسل التالية .
السطر 26 :نلف الشغل نبدأ السطر ب3 منزلقة 4 سلاسل محل اول عمود 2 عمود بلفتين 3 سلاسل 3 عمود بلفتين ( صدفة )5 سلاسل 6عمود س صدفة 2 سلاسل صدفة 2 سلاسل صدفة 5 سلاسل 6 عمود س 5 س صدفة 2 س صدفة 2 س صدفة 5 س 6 عمود س صدفة .
السطر 27 : نلف الشغل وراح نعمل مثل السطر السابق لكن بين الصدفات ال3 4 سلاسل وشغل الاناناسة راح يقل نعمل 3 منزلقة 4 سلاسل محل عمود بلفتين 2 عمود بلفتين 3 سلاسل 3 عمود بلفتين صدفة 5 سلاسل 5 عمود س صدفة 4 سلاسل صدفة 4 سلاسل صدفة 5 سلاسل 5 عكود س صدفة 4 سلاسل صدفة 4 سلاسل صدفة 5 سلاسل 5 عمود س صدفة .
السطر 28 : نلف الشغل ونبدأ 3 منزلقة نعمل صدفة طبعا اول عمود عبارة عن 4 سلاسل 5 سلاسل 4 عمود س 5 سلاسل في الصدفة نعمل (4 عمود 3 سلاسل 3 عمود ) 6 سلاسل 13 عمود بلفتين 6 سلاسل صدفة 5 سلاسل 4 عمود س صدفة6 عمود 13 عمود بلفتين 6 سلاسل 3 عمود 3 سلاسل 3 عمود 3 سلاسل 3 عمود 5 سلاسل 4 عمود س صدفة .
~ 
