المعكرونة بالدجاج وصلصة البندورة . من عمايل ايدي بالصور

بسم الله الرحمن الرحيم

السلام عليكم ورحمة الله وبركاته

امبارح بالليل كنت قاعدة بأمان الله

ولا ما احسلكم غير بالجوع عم يقرص معدتي

فقلت خليني اعمللي اكلة معكرونة عالسريع

وحبيت اصورلكم اياها ولو انها مش محرزة

خلينا نبدا بسم الله

اكيد الكل بيعرف كيف بتنسلق المعكرونة

بس الصورة مو واضحة كتير

بعدين متل ما بتعرفو مستحيل اني اطول جاج واقطعه

شفت عنا بالفريزر برجر جاج قمت قطعته وقليته

المهم لما تنسلق المعكرونة منيح بتشيلي عنها معظم الماي بتخلي شوي فيها

ومتل ما كلنا بنعرف انو انا لما افوت المطبخ لازم تصير مصيبة

المرة وانا عم اقيم بالماي من المعكرونة كبيتها على ايدي وكانت سخنة كتير

وكبيت نصها عالارض

المهم غسلت ايدي بماي باردة وكأن شيئا لم يكن والحمدلله

وبعد هيك حطيت 3 مكعبات ماجي

وحوالي 3 ملاعق رب بندورة ( او معجون الطماطم )

وبهارات اشكال الوان يعني ما تخلي من بهارات طبيخ لبهارات كبسة وكاري واللي بدك اياه

وبتحطي فوقهم الجاج المقلي

وبتخلطيهم منيح كتير وبتخليهم يغلو مع بعض عالنار حوالي 5 دقايق تقريبا

وصحة وهنا

من قريب

بس جد طلع طعمها رووووووعة