الوسم: الشيف

دورت فى كل مكان ولقيت وصفات غريبه جدا ومش صح
منها اننا نحط دقيق ع المفتقه وطبعا ده مش صح خالص
فقعدت اسئل لغاية مالقيت الطريقه الاصليه واللى هكتبهالكم دلوقتى
بس بحلفكم بربنا كل واحد تدخل تسيب رد
اى رد حتى لو الطريقه معجبتهاش
معلش طولت عليكم شويه
هاتو ورقه وقلم
المقادير:-
5كيلو عسل اسود
ربع كيلو تحويجه
ربع كيلو سمسم
نصف كيلو جوزهند
ربع كيلو حبة البركه مطحونه
كتيره ضانى ب 10جنيه
حبه خضراء 6 جنيه
زجاجه زيت

بجنيه لبان قدحه ومسيحات

الطريقه:-

[size=21]نحمص الحبة الخضرا ونطحنها
ننقع الكتيرة الضانى فى ماء ساخن صغير فى مدة لاتقل عن 6 ساعات
نغسل حبة البركة ونحمصها ونطحنها ناعم
ناخد من زجاجة الزيت كوب نقدح فيه الحبة الخضراء ونصفيه
باقى زجاجة الزيت نقدح فيه لبان القدحة والمسيحات ونصفيها منه
ونحمر فيه التحويجة(المغات)وعليه العسل وحبة البركة المطحونة وعليهم كوب الزيت اللى قدحنا فيه الحبة الخضرا
ونحط عليهم الكتيرة المنقوعة بالميه ونسبكها كويس
ونصف ليمونة نقطة نقطة او ملح ليمون بسيط جدا
قبل ماتتعقد نحط السمسم المتحمص او اى مكسرات احنا بنحبها
وعلى فكرة انا جبت كل المكونات من عند العطار ولقيت عنده نفس الطريقة اللى بعمل بيها
هى عموما منتشرة جدا عندنا فى مدينة الاسماعيلية(مصر)

دى صورة التحويجة وعلى فكرة التحويجة دى هى المغات

شرح وافي وكافي .. ربنا يجزاك عنّا خير الجزاء بالمناسبة دي تتأكل ازاي ؟؟!!

ههههههههه عجبتني الوصفة بس ما بعرف ان البان والجاوي كذا نسمية يتأكل هذا مضر جداً

السلام عليكم ورحمة الله

من احلى انواع الايس كريم اللى عملتها هو ايس كريم الخوخ

والمكونات كالتالى:

كيلو الا ربع خوخ

كوب الا ربع سكر

كوب كريمة لبانى

نصف كوب حليب

فانيليا

الطريقة

هنحط الخوخ فى مياه مغلية عشان يسهل تقشيره

هنقشره ونشيل منه البذر وهنحطه فى المحضرة مع السكر

وهنشغل عليهم لغاية ماالخوخ يتهرس ويبقى بيوريه

ونضيفله الحليب والكريمة والفانيليا

وهنشغل عليهم لمدة دقيقة لغاية ماكل المكونات تمتزج كويس جدا وهنحطه فى علبة محكمة الغلق

ونحطه فى الفريزر واثناء التفريز نقلبه حوالى 3 مرات عشان ميكونش كتل تلجية

قدمته تانى يوم وزينته بشوكولاته سايحة


بالنسبة للكريمة اللبانى هى نفسها الكريمة السائلة وهي كريمة خاصة بالحلويات وتكون مصنوعة من الحليب الكامل الدسم وتستعمل في الطهي وتزيين الحلويات وهى نفسها كريمة الخفق وانا بشتريها جاهزة من السوبر ماركت وهى غير الدريم ويب وغير الكريم شانتى وطبعا هى بتبقى اساسية فى عمل الجناش اللى بنستخدمه فى التورتات
وممكن نستبدلها بحليب كامل الدسم بس فى الوصفة دى احنا استخدمنا حليب كامل الدسم فالاحسن نستخدمها نفسها وانا بحب اضيفها للايس كريم واى حلويات لأنها بتخلى الطعم غنى وانا مجربتش اى بدائل تانيه ليها لغاية دلوقتى

ندخل على سوربيه الخوخ والسوربيه هو ايس كريم خالى من الدسم يعنى مفيهوش لاقشطة ولا بيض ولا حليب ولا كريمة وفيه ناس بتعتبرها فاكهة مجمدة بس طريقته سهلة وطعمه حلو

ومكوناته كالتالى:

نصف كيلو خوخ

ربع كوب سكر

ربع كوب عسل جلوكوز(ممكن نستبدله بعسل نحل)

فانيليا

الطريقة

هنقشر الخوخ بنفس الطريقة اللى قلناها قبل كده وهنشيل منه البذر وهنحطه مع السكر فى المحضرة

السلام عليكم ورحمة الله
كل عام وانتوا بخير
المكونات:
كيس خبز توست (فيه 19 واحده)
كوب فستق مجروش
نصف كوب عسل نحل
مكونات السيرب (القطر):
2 كوب سكر
كوب ونصف ماء
عصير نصف ليمونه
مكونات القشطه:
2 كوب حليب بارد
2 كوب قشطه بلدي(قشطة الحليب)
4 ملعقه كبيره نشا
ملعقه صغيره ماء زهر
الطريقه:

هنقطع العيش التوست

ونضربه في الفود بروسيسور

ونحمصه على النار لغاية ماياخد لون دهبي

ونحطه في القالب البيركس

وهنعمل السيرب هنحط كل مكوناته مع بعض ونسيبه على النار لغاية مايبقى لونه دهبي

ونحطه على العيش التوست اللي حمصناه لما يبرد

ونقلبهم مع بعض ونساويهم بايدينا فى القالب البيركس

وهنعمل القشطه في كسروله هنحط الحليب البارد والنشا

ونقلبهم لغاية مايختفي النشا وسط الحليب ونشغل عليهم النار مع التقليب لغاية مايبقى القوام كثيف هنطفي النار ونضيف القشطه البلدي وماء الزهر

ونقلبهم مع بعض

ونضيفها للتوست ونساويها بالاسباتيولا ونزينه بالفستق وعسل النحل
وده شكله النهائي

السلام عليكم ورحمة الله
كل عام وانتم بخير
المكونات:
6 كوب دقيق
2 كوب حليب دافئ
نصف كوب زيت
ملعقة كبيرة خميرة
ملعقة ونصف كبيرة سكر
رشة ملح
صفار بيضة
فانيليا
لدهان الوجه:
بياض بيضة
سكر
الطريقة:
هندوب الخميرة والسكر فى الحليب الدافى وفى اناء هنحط كل المكونات مع بعض

هنخلطهم ونضيفلهم الحليب اللى دوبنا فيه الخميرة والسكر

ونعجنهم والعجينة هتبقى طرية شوية

هنغطى العجينة ونسيبها تختمر فى مكان دافى لمدة ساعة وبعد ماتختمر هنقسمها قطع متساوية وناخد كل قطعة نفردها على شكل مستطيل ونعمل فيها بالسكينة فى النص شقوق بالطول

ونلفها على شكل رول

ونبرمها ونرصهم فى صينية مدهونة وندهن وشهم ببياض البيضة ونرش عليهم سكر

ودخلتهم فرن متوسط الحرارة ومسخن مسبقا لغاية ماإستووا وده شكلهم النهائى

السلام عليكم ورحمة الله
عملت تورتة عيد ميلاد بسيطة تقدرى تعمليها فى اى مناسبة بسهولة
مكونات الكيكة الاسفنجية:
5 بيضات كبار
فانيليا
كوب سكر
2 كوب دقيق ناقص معلقتين كبار
ملعقة ونصف صغيرة بيكنج بودر
2 ملعقة كبيرة كاكاو خام
(وطبعا الكيكة الاسفنجية مفيهاش حليب او اى مادة دهنية زى زيت او سمنة)
مكونات الحشو:
800 جرام شوكولاته مقطعة
400 مللى فريش كريم
مكونات التغطية:
كريم شانتى وهنحتاج لعمله:
كوب ونصف كريم شانتى خام
كوب ونصف حليب بارد
5 ملعقة كبيرة سكر بودرة
2 ملعقة كبيرة كاكاو خام
جناش وهنحتاج:
450 جرام شوكولاته مقطعة
200 مللى فريش كريم
وانا حبيت اعمله تقيل شوية بس الاساسي فى الجناش ان كمية الشوكولاته تبقى ضعف كمية الكريمة
وللتزيين:
كريز احمر
شوكولاته احجار
شوكليت شيبس
لولى الوان
لون طعام دهبى
وطبعا التزيين حسب رغبتكم
الطريقة:
اول حاجة هنعمل الكيك
فى اناء هنحط البيض والفانيليا

ونضربهم بمضرب البيض لمدة متقلش عن دقيقتين

وهيعملوا رغاوى ونضيفلهم كوباية السكر

ونضربهم على اعلى سرعة لمدة متقلش عن 10 دقايق متواصل

لغاية الخليط مايبقى لونه فاتح ويتكاثف وكريمى ويعمل علامة زى الشريط او رقم 8 لما نشيل من عليه المضرب

وهنضيفله الدقيق والبيكنج بودر والكاكاو بعد ماننخلهم

السلام عليكم ورحمة الله
النهرده جيبالكم طريقة حلوة اوى وسهلة لعصير قمر الدين فى البيت بمناسبة رمضان
اللهم بلغنا رمضان على خير
وموفرة كمان
والاهم من ده كله ان طعمه احلى بكتيييييييييييييييييييييير من قمر الدين الجاهز وكمان مضمون ومفيهوش حاجة صناعية
المقادير
3 كيلو مشمش
2 كيلو سكر
كوب سكر
بس هى دى مقاديرنا
ندخل بقى على الطريقة
هنغسل المشمش ونشيل منه البذر وطبعا هنرمى البايز
وهنحطه فى حلة

ونحط عليه ال2 كيلو سكر ونحطه فى التلاجه حوالى 3 ساعات عشان يجيب ميته

وبعد كده هنحطه على النار لغاية ماتحسى انه اتهرا
وطبعا مش هنحط اى ميه هو هيستوى فى ميته وهيجيب ميه تانى وهو على النار

السلام عليكم ورحمة الله
المكونات:
كوب حليب
فانيليا
كوب فريش كريم
كوب الا ربع سكر
3 ملعقة كبيرة عسل جلوكوز(وممكن نستبدله بعسل نحل)
2 ملعقة كبيرة نسكافيه
نصف كوب ماء
الطريقة:

,*

تسسسلم الـآيـآدددي هذا وقت الايس كريم المنزلي ربي يسسعدكك على هذذي الطريقةه ,

السلام عليكم ورحمة الله
كل عام وانتوا بخير
الكنافة النابلسية طبعا اصلها مدينة نابلس فى فلسطين(اللهم فرج عن فلسطين واهلها)والمفروض كمان تتعمل بالجبنة النابلسية بس هى مش متوفرة فبنعملها بالحلوم او بالعكاوي وممكن بالموزاريللا
ومكوناتها كالتالى:
نصف كيلو كنافة
2 ونصف كوب جبنة عكاوي مبشورة
كوب سمنة سايحة
نصف كوب سيرب(السيرب هو الشربات او القطر)
ملعقة صغيرة لون طعام برتقالى بودرة
2 ملعقة كبيرة مياه
والمكونات للسيرب:كوب ونصف سكر وكوب مياه وعصير نصف ليمونة
وللتزيين:فستق مطحون
الطريقة:
اول حاجة هننقع الجبنة العكاوي في مياه سخنة عشان الملح اللى فيها يروح لمدة متقلش عن 6 ساعات

وهنضيف لون الطعام للمعلقتين الكبار مياه ندوبهم فيهم
وطبعا لون الطعام اساسي لأن النابلسية لونها برتقالى وبيتباع عند اى عطار وفى محلات خامات الحلويات

وهنضيفهم للسمنة السايحة

وطبعا احنا لو ضفنا اللون على طول للسمنة مش هتتلون عشان كده دوبناه الاول في ميه
هنضيف السمنة للكنافة وهنقلبهم في بعض لغاية ماتتلون كل الكنافة بلون السمنة

هنساوي الكنافة بايدينا في صينية مدهونة مقاس 26 وممكن اصغر او اكبر

وهنبشر الجبنة العكاوي بعد ماشلنا الملح اللى فيها

وهنحطها على الكنافة بس نبعدها عن الاطراف عشان متتحرقش

واحنا مش هنحط طبقة كنافة تانيه انا شفتهم فى قناة فلسطينية بيعملوها كده وكمان بيساووها على البوتاجاز من فوق لغاية ماتسيح الجبنة
بس انا دخلتها الفرن لمدة ربع ساعة وطلعتها قلبتها على طبق التقديم وحطيت عليها السيرب والسيرب فى النابلسية بحبه يكون قليل عشان نحس بطعم الجبنة مع الكنافة لو عايزين تزودوه حسب رغبتكم
وده شكلها النهائى