الوسم: المولى

أنا متزوجه صار لي 5 سنوات ماأنجبت أطفال للحين !! الحمدلله على كل حال
المهم انا دورتي الشهرية مو منتظمه من قبل ماأتزوج وبعد ماتزوجت ازدادت حالتي سوء
فبدأت رحلتي مع المستشفيات كنت اروح المستشفى الحكومي يقولو عندي تكيس وأروح الخاص يقولو بس ضعف في التبويض إحترت وتعبت وبطلت أروح مستشفيات <<على طول يأست
وكملت سنتين بدون ماأعمل أي شي ولاحملت

المهم قلت لازم أروح المستشفى الحق عمري وكلمت زوجي وبدأت صفحه جديده مع المستشفيات المهم قالو لازم نسوي لكم تحاليل كلكم الإثنين.. وعلى طول زوجي ماأعترض ابداً والحمدلله طلع سليم بس أنا قالو عندي تكيس على المبايض .. ماأنصدمت لأني ماكنت ادري ايش يعني تكيس؟؟؟؟!!!!
مع انها شرحت لي هو بس ماأبديت إهتمام مدري ليش؟
ولما قلت لماما اني عندي تكيس تغير وجهها..
فقلت لها ليش هو خطير ياماما قالت والله انا ماأعرف عنه بالتفصيل بس أعرف انه ممكن يسبب تأخر للحمل
(وعلمتني ان بنت عمي عندها تكيس علماً ان بنت عمي عندها بنتين ماشاء الله أصغرهم سنه أولى متوسط
وماأنجبت بعدهم عيال.. الله يرزقها يارب .. وماأكتشفت ان عندها تكيس إلا بعد ماراحت المستشفى تشوف ليش
تأخر حملها؟!)
أما أنا فتقبلت الموضوع عاااادي وقلت يلاااا اللي تشوفينه زين يادكتوره اعمليه
طبعاً أول شي عملو لي أشعة صبغه عشان يتأكدو انه مافي انسداد في الأنابيب والحمدلله الأنابيب عندي سليمه
والغدد سليمه بس قالت لي الهرمونات ملخبطه شوي بسبب التكيس وعشان كذا الدوره مو منتظمه
وبدأت تعطيني كلوميد ومنظم للدوره الشهريه يعني استخدم حبوب التنظيم 3 أسابيع وأوقفها والأسبوع الرابع تنزل علي الدوره وأستخدم الكلوميد من ثاني يوم للدوره إلى خامس يوم وأستمريت عليها 6 شهور متواصله
لكن دون جدوى..
قالت لي للأسف مازال التبويض ضعيف عندك..
فجأه صحصحت !!! وقلت لها: دكتوره ممكن تشرحيلي وش هو التكيس بالضبط ؟!<< بدرررري
قالت لي الدكتوره:
# تكيس المبيضين يعني وجود سماكة في قشرة المبيضين وعدم استجابته بشكل طبيعي للهرمونات المحفزة للمبيض مما يؤدي إلى نمو العديد من البويضات في كل شهر بدلاً من بويضة واحدة وبالتالي عدم وصول أي من هذه البويضات للحجم المناسب وعدم حدوث الحمل.
# في حالات تكيس المبيضين تكون بطانة الرحم سميكة نتيجة عدم التبويض، وبالتالي عدم إفراز هرمون البروجستيرون في النصف الثاني من الدورة الشهرية.
# هرمون البروجسترون:هو الهرمون المختص بإزالة بطانة الرحم ونزولها، وهو ما نسميه بالدورة الشهرية.
# في حالة تكيس المبيض تظهر أكياس صغيرة داخل المبيض ويلاحظ كبر حجم المبيض وتضخمه.

بعدها قررت تعمل لي عمل ثقوب على المبيض بالمنظار الله لايوريكم اللي شفته..
وأعطتني حبوب حمض الفوليك وإسبرين بعدها انتظمت الدوره كم شهر وبعدين رجعت زي ماهي وماحصل حمل ولسه التبويض ضعيف!!
تعبت مررره جسديا ونفسيا بس الحمدلله التهيت مع دراستي الين ماخلصتها..
ورجعت للمستشفى وقالت الدكتوره بتعطيني ابر منشطه أول وبعدها إبرتفجير طبعا هذا حصل قبل رمضان
عطتني الإبر واستخدمتها لأكن للأسف انفجرت البويضات قبل لاتعطيني إبرة تفجير وقالت نعيدها مره ثانيه
بس لازم أرتاح شوي..
طبعا أنا سافرت عشان كذا ماسويتها للحين بس الحين رجعت وعندي موعد عشان تعطيني حبوب تنظيم وإذا
نزلت الدوره أخذ الإبرمره ثانيه إدعو لي الله يسهل أمري ويسهل أموركم اللهم أميــــن..
الأربع سنوات اللي راحو كنت أدرس وكانت الدراسه شاغلتني شوي عن موضوع الخلفه والأطفال
بس الحين يابنات أحس روحي بتطلع مو قادره أصبر .. أستغفر الله العظيم ..

أخيرا ايقنت انه دواي هو اني اتقرب من ربي أكثر وأرجع له قبل كل حاجه أما الأدويه والمستشفيات فما هي
إلا أسباب وربنا هو الرازق (ربي لاتذرني فرداً وأنت خير الوارثين)
يمكن هذا ابتلاء من ربنا أنا كنت مقصره كثيييير …ومازلت ومهما عملنا راح نبقى مقصرين بس عالأقل الواحد
يتقرب من ربه ويتوب لله توبه نصوحا وبإخلااااااص النية له سبحانه…
أدعوا لي حبيباتي بالصلاح والتوبه وإن الله يرزقني بالولد الصالح ويلهمني الصبر…
الله يرزقكم جميعا بماتتمنون ياااااااارب.
حبيت أفضفض لكم شوي وأحكيلكم حكايتي اللي أتمنى ان تكون نهايتها سعيده بإذن المولى وتقر عيني بشوفة فلذة كبدي بين أحضاني ياااااارب… والله إني أتمنى لكم ماأتمناه لنفسي.
إن شاءالله سأوافيكم بجديدي
دعواتكم يالغاليات

أنا متزوجه صار لي 5 سنوات ماأنجبت أطفال للحين !! الحمدلله على كل حال
المهم انا دورتي الشهرية مو منتظمه من قبل ماأتزوج وبعد ماتزوجت ازدادت حالتي سوء
فبدأت رحلتي مع المستشفيات كنت اروح المستشفى الحكومي يقولو عندي تكيس وأروح الخاص يقولو بس ضعف في التبويض إحترت وتعبت وبطلت أروح مستشفيات <<على طول يأست
وكملت سنتين بدون ماأعمل أي شي ولاحملت

المهم قلت لازم أروح المستشفى الحق عمري وكلمت زوجي وبدأت صفحه جديده مع المستشفيات المهم قالو لازم نسوي لكم تحاليل كلكم الإثنين.. وعلى طول زوجي ماأعترض ابداً والحمدلله طلع سليم بس أنا قالو عندي تكيس على المبايض .. ماأنصدمت لأني ماكنت ادري ايش يعني تكيس؟؟؟؟!!!!
مع انها شرحت لي هو بس ماأبديت إهتمام مدري ليش؟
ولما قلت لماما اني عندي تكيس تغير وجهها..
فقلت لها ليش هو خطير ياماما قالت والله انا ماأعرف عنه بالتفصيل بس أعرف انه ممكن يسبب تأخر للحمل
(وعلمتني ان بنت عمي عندها تكيس علماً ان بنت عمي عندها بنتين ماشاء الله أصغرهم سنه أولى متوسط
وماأنجبت بعدهم عيال.. الله يرزقها يارب .. وماأكتشفت ان عندها تكيس إلا بعد ماراحت المستشفى تشوف ليش
تأخر حملها؟!)
أما أنا فتقبلت الموضوع عاااادي وقلت يلاااا اللي تشوفينه زين يادكتوره اعمليه
طبعاً أول شي عملو لي أشعة صبغه عشان يتأكدو انه مافي انسداد في الأنابيب والحمدلله الأنابيب عندي سليمه
والغدد سليمه بس قالت لي الهرمونات ملخبطه شوي بسبب التكيس وعشان كذا الدوره مو منتظمه
وبدأت تعطيني كلوميد ومنظم للدوره الشهريه يعني استخدم حبوب التنظيم 3 أسابيع وأوقفها والأسبوع الرابع تنزل علي الدوره وأستخدم الكلوميد من ثاني يوم للدوره إلى خامس يوم وأستمريت عليها 6 شهور متواصله
لكن دون جدوى..
قالت لي للأسف مازال التبويض ضعيف عندك..
فجأه صحصحت !!! وقلت لها: دكتوره ممكن تشرحيلي وش هو التكيس بالضبط ؟!<< بدرررري
قالت لي الدكتوره:
# تكيس المبيضين يعني وجود سماكة في قشرة المبيضين وعدم استجابته بشكل طبيعي للهرمونات المحفزة للمبيض مما يؤدي إلى نمو العديد من البويضات في كل شهر بدلاً من بويضة واحدة وبالتالي عدم وصول أي من هذه البويضات للحجم المناسب وعدم حدوث الحمل.
# في حالات تكيس المبيضين تكون بطانة الرحم سميكة نتيجة عدم التبويض، وبالتالي عدم إفراز هرمون البروجستيرون في النصف الثاني من الدورة الشهرية.
# هرمون البروجسترون:هو الهرمون المختص بإزالة بطانة الرحم ونزولها، وهو ما نسميه بالدورة الشهرية.
# في حالة تكيس المبيض تظهر أكياس صغيرة داخل المبيض ويلاحظ كبر حجم المبيض وتضخمه.

بعدها قررت تعمل لي عمل ثقوب على المبيض بالمنظار الله لايوريكم اللي شفته..
وأعطتني حبوب حمض الفوليك وإسبرين بعدها انتظمت الدوره كم شهر وبعدين رجعت زي ماهي وماحصل حمل ولسه التبويض ضعيف!!
تعبت مررره جسديا ونفسيا بس الحمدلله التهيت مع دراستي الين ماخلصتها..
ورجعت للمستشفى وقالت الدكتوره بتعطيني ابر منشطه أول وبعدها إبرتفجير طبعا هذا حصل قبل رمضان
عطتني الإبر واستخدمتها لأكن للأسف انفجرت البويضات قبل لاتعطيني إبرة تفجير وقالت نعيدها مره ثانيه
بس لازم أرتاح شوي..
طبعا أنا سافرت عشان كذا ماسويتها للحين بس الحين رجعت وعندي موعد عشان تعطيني حبوب تنظيم وإذا
نزلت الدوره أخذ الإبرمره ثانيه إدعو لي الله يسهل أمري ويسهل أموركم اللهم أميــــن..
الأربع سنوات اللي راحو كنت أدرس وكانت الدراسه شاغلتني شوي عن موضوع الخلفه والأطفال
بس الحين يابنات أحس روحي بتطلع مو قادره أصبر .. أستغفر الله العظيم ..

أخيرا ايقنت انه دواي هو اني اتقرب من ربي أكثر وأرجع له قبل كل حاجه أما الأدويه والمستشفيات فما هي
إلا أسباب وربنا هو الرازق (ربي لاتذرني فرداً وأنت خير الوارثين)
يمكن هذا ابتلاء من ربنا أنا كنت مقصره كثيييير …ومازلت ومهما عملنا راح نبقى مقصرين بس عالأقل الواحد
يتقرب من ربه ويتوب لله توبه نصوحا وبإخلااااااص النية له سبحانه…
أدعوا لي حبيباتي بالصلاح والتوبه وإن الله يرزقني بالولد الصالح ويلهمني الصبر…
الله يرزقكم جميعا بماتتمنون ياااااااارب.
حبيت أفضفض لكم شوي وأحكيلكم حكايتي اللي أتمنى ان تكون نهايتها سعيده بإذن المولى وتقر عيني بشوفة فلذة كبدي بين أحضاني ياااااارب… والله إني أتمنى لكم ماأتمناه لنفسي.
إن شاءالله سأوافيكم بجديدي
دعواتكم يالغاليات