السلام عليكم ورحمة الله وبركاته
كيف حالكم ياقمرات أنا ماراح أطول بأدخل في الموضوع على طول
بسم الله ابدأ….
7
7
7
7
7
أنا متزوجه صار لي 5 سنوات ماأنجبت أطفال للحين !! الحمدلله على كل حال
المهم انا دورتي الشهرية مو منتظمه من قبل ماأتزوج وبعد ماتزوجت ازدادت حالتي سوء
فبدأت رحلتي مع المستشفيات كنت اروح المستشفى الحكومي يقولو عندي تكيس وأروح الخاص يقولو بس ضعف في التبويض إحترت وتعبت وبطلت أروح مستشفيات <<على طول يأست
وكملت سنتين بدون ماأعمل أي شي ولاحملت
المهم قلت لازم أروح المستشفى الحق عمري وكلمت زوجي وبدأت صفحه جديده مع المستشفيات المهم قالو لازم نسوي لكم تحاليل كلكم الإثنين.. وعلى طول زوجي ماأعترض ابداً والحمدلله طلع سليم بس أنا قالو عندي تكيس على المبايض .. ماأنصدمت لأني ماكنت ادري ايش يعني تكيس؟؟؟؟!!!!
مع انها شرحت لي هو بس ماأبديت إهتمام مدري ليش؟
ولما قلت لماما اني عندي تكيس تغير وجهها..
فقلت لها ليش هو خطير ياماما قالت والله انا ماأعرف عنه بالتفصيل بس أعرف انه ممكن يسبب تأخر للحمل
(وعلمتني ان بنت عمي عندها تكيس علماً ان بنت عمي عندها بنتين ماشاء الله أصغرهم سنه أولى متوسط
وماأنجبت بعدهم عيال.. الله يرزقها يارب .. وماأكتشفت ان عندها تكيس إلا بعد ماراحت المستشفى تشوف ليش
تأخر حملها؟!)
أما أنا فتقبلت الموضوع عاااادي وقلت يلاااا اللي تشوفينه زين يادكتوره اعمليه
طبعاً أول شي عملو لي أشعة صبغه عشان يتأكدو انه مافي انسداد في الأنابيب والحمدلله الأنابيب عندي سليمه
والغدد سليمه بس قالت لي الهرمونات ملخبطه شوي بسبب التكيس وعشان كذا الدوره مو منتظمه
وبدأت تعطيني كلوميد ومنظم للدوره الشهريه يعني استخدم حبوب التنظيم 3 أسابيع وأوقفها والأسبوع الرابع تنزل علي الدوره وأستخدم الكلوميد من ثاني يوم للدوره إلى خامس يوم وأستمريت عليها 6 شهور متواصله
لكن دون جدوى..
قالت لي للأسف مازال التبويض ضعيف عندك..
فجأه صحصحت 
!!! وقلت لها: دكتوره ممكن تشرحيلي وش هو التكيس بالضبط 
؟!<< بدرررري
قالت لي الدكتوره:
# تكيس المبيضين يعني وجود سماكة في قشرة المبيضين وعدم استجابته بشكل طبيعي للهرمونات المحفزة للمبيض مما يؤدي إلى نمو العديد من البويضات في كل شهر بدلاً من بويضة واحدة وبالتالي عدم وصول أي من هذه البويضات للحجم المناسب وعدم حدوث الحمل.
# في حالات تكيس المبيضين تكون بطانة الرحم سميكة نتيجة عدم التبويض، وبالتالي عدم إفراز هرمون البروجستيرون في النصف الثاني من الدورة الشهرية.
# هرمون البروجسترون:هو الهرمون المختص بإزالة بطانة الرحم ونزولها، وهو ما نسميه بالدورة الشهرية.
# في حالة تكيس المبيض تظهر أكياس صغيرة داخل المبيض ويلاحظ كبر حجم المبيض وتضخمه.
بعدها قررت تعمل لي عمل ثقوب على المبيض بالمنظار الله لايوريكم اللي شفته.. 
وأعطتني حبوب حمض الفوليك وإسبرين بعدها انتظمت الدوره كم شهر وبعدين رجعت زي ماهي وماحصل حمل ولسه التبويض ضعيف!!
تعبت مررره جسديا ونفسيا 
بس الحمدلله التهيت مع دراستي الين ماخلصتها..
ورجعت للمستشفى وقالت الدكتوره بتعطيني ابر منشطه أول وبعدها إبرتفجير طبعا هذا حصل قبل رمضان
عطتني الإبر واستخدمتها لأكن للأسف انفجرت البويضات قبل لاتعطيني إبرة تفجير وقالت نعيدها مره ثانيه
بس لازم أرتاح شوي..
طبعا أنا سافرت عشان كذا ماسويتها للحين بس الحين رجعت وعندي موعد عشان تعطيني حبوب تنظيم وإذا
نزلت الدوره أخذ الإبرمره ثانيه إدعو لي الله يسهل أمري ويسهل أموركم اللهم أميــــن..
الأربع سنوات اللي راحو كنت أدرس وكانت الدراسه شاغلتني شوي عن موضوع الخلفه والأطفال
بس الحين يابنات أحس روحي بتطلع مو قادره أصبر .. أستغفر الله العظيم ..
أخيرا ايقنت انه دواي هو اني اتقرب من ربي أكثر وأرجع له قبل كل حاجه أما الأدويه والمستشفيات فما هي
إلا أسباب وربنا هو الرازق (ربي لاتذرني فرداً وأنت خير الوارثين)
يمكن هذا ابتلاء من ربنا أنا كنت مقصره كثيييير …ومازلت ومهما عملنا راح نبقى مقصرين بس عالأقل الواحد
يتقرب من ربه ويتوب لله توبه نصوحا وبإخلااااااص النية له سبحانه…
أدعوا لي حبيباتي بالصلاح والتوبه وإن الله يرزقني بالولد الصالح ويلهمني الصبر…
الله يرزقكم جميعا بماتتمنون ياااااااارب.
حبيت أفضفض لكم شوي وأحكيلكم حكايتي اللي أتمنى ان تكون نهايتها سعيده بإذن المولى وتقر عيني بشوفة فلذة كبدي بين أحضاني ياااااارب… والله إني أتمنى لكم ماأتمناه لنفسي.
إن شاءالله سأوافيكم بجديدي
دعواتكم يالغاليات
أختكم atyaf
يسعدني اني اكون اول وحدة ترد ….. الله يرزقني ويرزققك الذرية الصالحة ….. ويشافنا من التكيس ومشاكله ومن الامراض ….. اشربي حبيبتي البردقوش واكثري شرب الماء …. واسال الله ان يعوض علينا صبرنا بذرية صالحة اميييييييييين يارب
الله يشفيكى ويعفو عنك ويشفينا جميعا انا ايضا اعانى من هذا الداء والذى لاادرى لماذا ينتشر هذه الايام بكثرة ولكن اريد ان اسالك هل عملى تحليل من تانى يوم الدورة fshوlh واذا عملتيه فما نتيجته وهل اخذتى عقار الميتفورمين فهو ينظم الهرمونات والله هو الشافى انا كنت مثلك ولكنى حملت ونزل الحمل بس كنت اخذ الميتفورمين لمدة سنة ثم تركته من نفسى لانى تعبت نفسيا وتوكلت على الله
الله يشفينا جميعا ويقر اعيننا بالذرية الطيبة انه ولى ذلك والقادر عليه
الله يفرجها عالجميع لكن شيئ ايجاابي جدا التوكل على الله والاخذ بالاسباب واقصد بالاسباب الطب الحديث والطب الشعبي ويكثر اللي يستفيدو بعد الله من الطب الشعبي …… ثانيا اختي الكريمه التكيسات بمشيئه الله لاتمنع الحمل والله ان طبيبتي وهي استشاريه كبيرة قدله اكثر من15 سنه تقول انه جات لها مريضه معاها تكيسات شديده جداجد من المستحيل في الطب ان يحدث معها حمل وذهبت دون ان اعطيها ادويه وجات المراجعه الجاايه وكانت المفاجئه انها حامل وتقول عملت لها سونار وكان الجنين واااضح سبحان الله .
وانا شخصيا كان عندي تكيسات خفيفه واستعملت البردقوش وماشاء الله بارادة الله اختفت والحمدلله
توكلي على الله واستخدمي خلطه طلح النخيل .
حبيبتى الله يعوض صبرنا خير يارب ويعطى كل محتاج حبيبتى مفيش ولا دكتور اعطى لك حبوب منع الحمل انا عندى قريبة ليا اخدتها لان عندها تكيس وحملت على طول بعد ما اخدتها حبيبتى اسالى الدكتور وان شالة خير يارب
الله يشفيك ويرزقك ويرزقني ويرزق كل محرومه
انالي اربع سنوات ماحملت وانا وزوجي مافينا شي بس ربي ماأمر اني أحمل ..(ان مع العسر يسر)..
سبحانك أني كنت من الظالمين
اكثري من الاستغفار وقرات سورة البقره
والصدقه فهي تجلب الرزق حبيبتي
وربنا كريم
مشكورات ياأخواتي مروركم حيييييل أسعدني
ودعواتكم اللي تبرد القلب الله يسعدكم ويرضى عليكم دنيا وآخره ويرزقكم بالأموال والبنين ويديمها عليكم نعمه ويحفظها من الزوال…آميـــــــــــن
فجر العفاف اللهم آمين ربي يسمع منك حبيبتي وأنا توي بدأت اشرب بردقوش صار لي إسبوع أما الماء فأنا أعاني معاه ومايجي على بالي الا اذا عطشت لاكن قاعده أحاول الله يعين
مي عادل الله يشفينا جميعا حبيبتي ومايضيع لنا تعب يااااارب .. أختي بالنسبه لهذي التحاليل هي تحاليل هرمونات وأنا عملتها والنتيجه للأسف انها ماهي مضبوطه عندي .. ومعليش ياعمري نسيت أذكر اني استخدمت عقار الميتفورمين كنت استخدمه مع الكلوميد لاكن أعطتني إياه لمدة 3 شهور فقط.. 3شهو الأولى استخدمت كلوميد و3 شهور الأخيره كلوميد وميتفورمين.. والميتفورمين عباره عن منظم للسكري لأن اللي يعانون من التكيس يفرز هرمون الأنسولين بصوره مفرطه وبالتالي يؤثر سلبيا على وظائف الهرمون fshوlh وهؤلاء النساء معرضات للأصابه بداء السكري والميتفورمين يؤدي الى ضبط إفراز الأنسولين ويستخدم إلى جانب عقار الكلوميفين في تحسين نتائج التبويض والحمل في متلازمة تكيس المبيض.
اليك هذا الرابظ ان شاءالله تستفيدي منه وسامحيني على الإطاله..
http://www.alinany-clinic.com/khosob…d=209&Itemid=2
زوجة مرابط أشكرك حبيبتي ..ونعم بالله سبحان الله ربنا قادر على كل شيء..(ان الحكم الا لله عليه توكلت وعليه فليتوكل المتوكلون)..
بالنسبه لـ الطب الشعبي نصحوني بالتمريخ بس أنا جبانه حبتين بس أفكر أعمل حجامه إن شاءالله .. انا اشتريت طلع النخل ولسه ماأستخدمته بس تنصحيني استخدمه مع العسل كتحاميل وإالا لا؟! خايفة استخدمه من تحت!!
