وحش الثالثه والخمسون
#video_mainContainer{position:relative;width:320px;height:180px}#video_adContainer,#video_content{position:absolute;top:0;left:0;width:320px;height:180px}#video_contentElement{width:320px;overflow:hidden;height:180px}
بسم الله الرحمن الرحيم
بحكيلكم اليوم الي في قلبي وقصتي وقصت اكثر بنات
في مدرسة …….53..
مع الوكيله الله ينتقم منها خديجه الطااائفي اقولها بكل حرقة
كنت في يوم من الايام احترمها واقدرها لكن من بعد الي حصلي انا وصحباتي
عرفت انها بجد وحش المدرسه زي مايقولو
كنت اسمع انها تضرب الطالبات وتتعدى حددوها عليهم بأهناتهم قدام البنات البقيه
والابلات والى اخره لكن ما كنت اتوقع انهالهاذي الدرجه تغلط عليه وعلى اهلي عشان كنت حاطه
روج خفيف زي اي بنت بريئه تحب تكون بمضهر حلو كل الي سار انها قالتلي امسحيه ياقليلة الادب قدام
كل صحباتي وانفعلت وقلتلها مابغى امسحه قالتلي انتي اهلك ماربوكي وضربتني على وجهي
وسحبتني لغرفتها وكتبتني تعهد وحلفتلي حتقعدلي
وسارت كل يوم تشوفني فيه تهزئني بسبب او بدون وانا طالبه ثالث ثانوي يعني اي غياب يأثر عليه
ومع ذلك قلت حعمل المستحيل عشان ما اخلي شي يخليني اغيب
لكن حصل الي عمري مااتوقعتو ابويهـ مات الله يرحمه وغبت اسبوع وكانت نفسيتي مايعلم فيها الا ربنا
والاسبزع هذا كان قبل الاختبارات وانتو عارفين الايام هاذي بدرجتين زي مايقولو بس والله اعرف بنات
بالاسبوعين ماجو ونقصتهم من 4 ل 5 درجات من المواضبه عارفين انا كم نقصت ؟؟
قسما بالله انها 20 درجه شي ماااا يخش العقل وطبعا اثر على معدلي وانا دحين داخله انتساب بالكليه
مع اني نسبتي ب الثمانين وما اقول غير حسبي الله على كل ضالم
اما صديقتي التانيه كانت لابسه شوز اصفر زي المريول يعني ما اضن في شي مخالف لهاذي الدرجه
فسختلها الشوز الله يكرمكم وخلتها تمشي حافيه غير انها ضربتها بالمسطره الخشب بأقوى ماعندها
على عضام يدها من قدام قمة القسوه والوحشيه وتلفضت عليها بالفاض دونيه ماتليق بوكيله او حتى استاذه
في مدرسة انا والله اخجل من اني اقولها
وموقف اخر مع عاملة كانت تكنس الفصل وهيا وضيفتها بس الساحه
جات دخلت قالتلها انتي ايش جابك هنا يلا اطلعي برا
انتي مكانك تحت تنضفي مو هنا فاهمه ولالا ودفتها قدام كل البنات تستوقي على حرمه كبيره
ضعيفه ليه ليه مو ضلم ؟؟؟
هاذي المفروض ما تكون وكيله
او حتى بمدرسة
وياما مواقف ومواقف وماااااااا خفي كان اعضم
انا اتمنى من كل من يقرا رسالتي يدعي عليها لانها اهانتنا واحنا مالنا قوه غير انو نسكت وندعي عليها
ماعندنا سند يجيبلنا حقنا منها
اتمنى يوصل موضوعي لشخصيه هامه تقدر تتصرف بالموضوع انشرو القصة لحد ماتوصل لاكبر عدد
وان شااء الله يارب يوصل لكلامي لمدير التربيه والتعليم ابغى اعرف ايش فايده انهم يقولو الضرب ممنوع
والغلط على الطالبات بسبهم وسب اهاليهم ممنوع وفي اشكال هاذي الوكيله موجودهـ بالمدرسه
لانو والله كل البنات عندنا بالدور تعبانين نفسيا بسببها
ولكم كل الشكر
((بجد حسبي الله ونعم الوكيل معقولا في ناس بتعمل كدا ..ان شاء الله توصل رسالتكم للمسؤلين وتاخد عقابها ))
منقوووول
ربي يقومنا بالسلامه
