مثل ماهو مكتوب بالعنون انا عندي تعرق زايد مع اني احاف اني اشيل منطقة الابط
دايم انحرج وبالدوام اكون متكتفه مابي احد يشوف البقعه الي تحت اباطي مويا
جربت كثير مزيلات عرق الطبي والتجاري والطبيعي حتى الليمون
لاتقولون لي ابره بوتكس مادري شنو لانه اخاف مضره واهلي مراح يسمحون 
جربيت مزيل بيزلين ركسونا ليدي سبيد موم مزيل وردي مزيل نكتار ومزيل زهور الريف
تخيلتوا كل ذا بروضوا فيه بقعه وانا عندي خوف شديد لو احد قال المكان فيه ريحه على طول اقول الريحه من باطي 🙁 ادري اني جرئه بس والله غير انه تعرقي زايد اخاف لا احد قال في ريحه بالمكان ومو مني عارفه بس اني اوسوس واقول اكيد مني انا اتروش يوميا وشيل المنطقه ب استمرار دائم , واتعطر واحط باودر بجسمي . بس مادري ليه عدم الثقه بالموضوع ذا يمكن لانه بقعه تحت اباطي مويا كثيره واتفشل باللبس الدومات قربت يعني بضل طول عمري متكتفه ؟ حتى رفيجاتي يقولون ليش تكتفين وانتي تمشي
ارجوكم ساعدو * 
تعبت نفسيتي سبب ذا الشى
مشكلتين عندي اذا ماعندكم حل ادعوا لي ربي يفرجها علي 
حبيبتي اول شي شيلي ابااطك بالحلاوه زيين
ثاني شي فيه شي عند العطار اسمه شبه جمييييل مايطلع ريحه ابدددد ابددد
شوفي جربيها يمكن تناسبك او لا والله جميله صحيح سمعت انها مومكن تسبب امراض ومدري ايش ! مع ان كثير يستخدمونها ماجاهم شي الحمدلله اقري عنها بقوقل اذا حابه وادعيييلي
الخل زييين مرة
حطي الخل بالابط قبل الشاور بخمس دقائق او عشر دقائق
وبعدين تسبحي راح تحسين بالانتعاش طول اليوم
ولا راح تعرقين ابدا
وان شاء الله افدتك
بالدوام لاتلبسين قمصان الوانها فاتحه
عشان لا يبين شي
و خلي ثقتك بنفسك قويه
لا تشكين بنفسك اذا قالو فيه ريحه
مو معناتها انه من عندك
دامك متسبحه و متنظفه لا تشكين بنفسك
الكل يعرق مو بس انتي
و انتي متتظفه وقتها ..
و شيلي المنطقه بالشيره انظف و احسن
التعرق الزائد احيان يكون نشاط بالغده الدرقيه
يعني مو من قل إهتمامك .. السبب داخلي
روحي المستشفى وسوي فحص .. وان شاءالله مافيك الا الخير
"دعواتك"
