سقالله يازمن من وين ذاك المنزل المهجور
بعد ماكان منزل عامر ٍ بأهله واحبابه .
. تهدم مابقى منّه سوى باب وبقايا سور
ولكن مع مرور الوقت باقي شامخٍ بابه .
. يسولف للزمن عن ماضي الذكرى وموت النور
وكنّ الشمس من خلفه تزول وتعلن غيابه .
. بقى خالي بعد ماكان بأهله شامخ ومعمور
ومن جرد السنين أصبح رفات وغادر أصحابه .
يروح العمر والمركب يسير وهالزمان يدور
وتفرقنا الليالي بس ذكرى الأمس تبقابه .
. صحيح الناس لا قالوا ذكر أهل الوفا مخبور
ترى حتى ولو زال الجسد يبقى على ترابه .
I. تغيب ايامهم لكن تسجلها القلوب حضور
وتبقى سيرة الغالين رغم الموت واسبابه .
. ذكرتك وانتهى عهد وبقى ذكرك بنا محفور
أبد مايختفي حبر الزمن من صفحة كتابه .
وأنا يالشعر لو صغت القوافي شاعرك معذور
عزيز ٍ ترقدالذكرى بوسط العين و اهدابه .
. ومدام القول عندي ماتحكمه غايه ودستور
هنا هديت بأحساس القصيد ونوخ ركابه .
. غني بشعري وعادي اكون بساحته مغمور
ولاهمتني الشهره ولافكرت بألقابه .
هنا والموقف أجبرني لعينك يالحنين اثور
وأعود لماضي أجدادي وأعيش الأمس وأحيابه .
