الوسم: المنتديات

تفضلوا

قصة واقعيه

قصة محزنة حصلت لي مع بنت من بنات المنتدى …

لاحظت في فترة من الفترات أن فيه عضوة من أعضاء المنتدى اللي أنا فيه مركزة
على مواضيعي وترد عليها.. وكانت ردودها ردود إعجاب شديد… لدرجة إنها صارت تدور مواضيعي كلها وترد عليها… حتى لو كانت قديمة…..

أنا جاني الغرور وبديت أشوف نفسي… إيه من قدي صار لي معجبات…
صرت أجلس على الإنترنت أكثر من جلستي مع أي شخص ثاني…

حتى إذا طلعت مع أخوياي ماأطول معهم وعلى طول أرجع للبيت وأجلس على الأنترنت وأبدأ بالأفكار والكتابة والتأليف كل هذا عشان المعجبين مايفقدون حسي في المنتدى….
يعني الغرور كان واصل حده عندي…

وفي يوم من الأيام كنت طالع للمقهى مع أخوياي وذاك اليوم كعادتي في الفترة الأخيرة مااطول معهم رجعت ذيك الليلة بدري يعني حوالي الساعة 12 بالليل…( حنا يالشباب الفاضي 12بالليل . يعتبر أول الليل عندنا )…

المهم وأنا راجع وقاعد أسولف مع نفسي وأغني وأهيجن وموسع الصدر على الآخر…
ويوم دخلت شارع حارتنا الرئيسي..وكان كالعادة في مثل هالأوقات فاضي تقريبا….
وفجأة…
لقيت وحده لحالها بالشارع وتأشر…
أنا حسبتها تأشر لليموزين وراي … بس يوم طالعت مع المراية ماوراي سيارات…
قلت في نفسي … وش عندها ذي…ووش قصتها…..
خلني أخذ فرة ثانيه بالشارع وأشوف وش السالفة…

خذت لي فرة وفرتين وثلاث…. وكانت كل مامرت سيارة أشرت لها… ومحد يوقف لها…

أنا قلت أبوقف لها.. بس خفت تكون رجال من ذا اللي يقطعون الطريق ويكون لابس عباية يعني مسوي تمويه ولا شي….

قلت أبجهز العجرا وامسكها بيدي وأوقف وأن شفت شي مريب نزلت عليه وجلدته بذا العجرا….

وفعلا وقفت….

قلت : نعم وش عندك تأشرين؟..

قالت: لو سمحت يااخوي أبيك توصلني للبيت….

أنا : ومتى المعرفة عشان أوصلك لبيتكم..

هي : أجل وشوله واقف لي….

أنا : أنا واقف أبشوف وش سالفتك… يعني بنت تالي الليل وفي شارع فاضي .. وش القصة..؟..

هي : ومو معنى هالشي إني أكون من اللي في بالك… أنا كنت راكبة مع ليموزين.. وبدأ يتحرش فيني وأنا بديت أزاعق واصارخ وهو خاف ووقفني هنا….

أنا : لاحوووووول ولاقوة إلا بالله… طيب طيب …بيتكم وينه فيه؟….

هي : قريب …يعني تقريبا ثلاث كيلوات من هنا….

أنا : طيب .. يالله أركبي خل نوصلك نكسب فيك أجر….

جت تبي تركب ورا وقلت لها : لا تعالي قداااام … رفضت ….. قلت لها : ركوبك ورا يجيب لي الشبهة تعالي قدااام ومايكون إلا كل خير…

وفعلا ركبت قداام…. وأول ماركبت ..

قلت : إسمعي يابنت الناس… أنا مابعد تأكدت أنك بنت.. أنا اخاف أنك من قطاعين الطرق واللي يتقنون أصوات الحريم.. وعشان كذا ماخليتك تركبين ورا… أخاف وأنا أسوق تجيني من ورا غدر وتسوي فيني شي…

ردت علي وقالت : والله بنت … وماني من ذا اللي تقول عنهم…صدقني..

قلت : إكشفي لي وجهك..

قالت: ( وبسرعة) مستحيل…

قلت : أجل إنزلي…

قالت: تكفى ياخوي أنا ماصدقت اني القى أحد يوصلني أرجوك لاتخليني في ذا الشارع المظلم لحالي…

قلت : أن لازم أتأكد أنك بنت..

قالت : والله بنت.. وأرجوك لاتستغل الموقف…

قلت : هذا حقي … انا ماقلت أبسوي معك شي حرااام لاقدر الله…. أنا أبي أريح نفسي بس….

قالت: أنا وكلت رب العالمين في أمري….

وكشفت نصف وجهها.. وشفت دموع تسيل من عينها….

أستغربت… بس جمعت قواي وسحبت لثامها كله… وشفت شي عجيب…..

شفت وجهها ….. شفت الحسن كله….شفت الجمال… سبحان الله صورها….وشفت دموع تسيل على خدها….. كانت تبكي بدون صوت… حتى مارفعت عينها بعيني……

غطيت وجهها وصديت.. ومسكت طريقي ومشيت فيه….

كان تفكيري يلعب فيني شمال ويمين…
هي وش طلعها من ليموزين تالي الليل..وش سالفتها… ياولد لاتكون من بنات الليل ….وقاعدة تمثل عليك….أطلع بها … اطلع بها محد داري عنك….
وبدأ إبليس يشاركني تفكيري….

بس كنت كلما تذكرت كلمتها ( وكلت رب العاملين في أمري )…. وكل ماتذكرت دموعها… أستغفر الله وأرجع عن الأفكار السوداء….

وبعد وقت قصير وصلتها لبيتهم … ونزلت بسرعة أختفت ورا الجدران… وأنا قاعد أتابعها…وأفكر في هالبنت العجيبة… ووش قصتها ….

ومادريت إلا وأبوها ينزلني من السيارة غصب … ويجلد فيني جلد… ومافكني منه إلا البنت…يوم حلفت له إني مالمستها بشر…..

الأب وقف وهو مازال ماسكني … وطالعني وقال : تنام هنا… وبكرة نروح للمستشفى ونتأكد من كل شي…فااهم..

وافقت مضطر يعني واحد في نفس موقفي وش يبي يسوي…

وأتصلت على أهلى وقلت لهم إني أبنام عند صديقي محمد اللي ساكن لحاله لأنه مريض وابغى أشوف طلباته….

والله ويدخلني أبوها للمجلس..ويقفل علي الباب….

نمت عندهم وأنا عيوني مفتوحة…أفكر في هالورطة اللي ورطت نفسي فيها بدون داعي….البنت أنا وش دخلني فيها أروح أوصلها كان خليتها ويرزقها رب العالمين من يوصلها…

كنت خايف ويزداد خوفي إذا سمعت خطوات أبوها وهو قاعد يمشي عند الباب رايح جاي……

وأصبح الصبح…وقبل كل شي… نقزنا للمستشفى…وسوينا التحاليل للبنت والفحوصات وكل شي…
والحمد لله طلعت البنت شريفة وأنها مازالت بكر… هالشي خلاني أشيل فكرة أنها من بنات الليل نهائيا عن بالي….

وحنا طالعين من المستشفى …

قال لي أبوها.. ياوليدي أنا اسف … بس العذر والسموحة يعني واحد موقفه مثل موقفي …يعني يطلع للحوش الساعه 1 الفجر ويلقى بنته تدخل عليه البيت… وواحد غريب هو اللي موصلها.. وش تبغا يكون تصرفي غير هذا….

قلت : ياعم .. أنا ماشرهت عليك… ومن حقك كل اللي سويته.. وتتطمن على بنتكم المصون…

قال : ياوليدي أنا أبسألك سؤال؟.

قلت : تفضل .

قال : أنت متزوج؟؟..

قلت : خلني أخلص دارستي واتوظف وبعدين أفكر بالزاوج..يا عم أنت عارف أن هالزمن صعب…

قال : الله يستر عليك زي ماسترت على بنتي… ويوفقك لبنت الحلال اللي تسعدك ان شاء الله….

قلت : اللهم أمين… أنا أبمشي اللحين توصيني على شي..

قال : سلامتك ياوليدي والله يحفظك…. وانا اسف مرة ثانية…

تركتهم ومشيت…. ورجعت لبيتنا…
والخوف و الروعة مازالت في قمتها..لدرجة أني ماطلعت من البيت أسبوع… إلا ما طلعت حتى من غرفتي….

وبعد هالأسبوع بديت على شوي شوي أطلع على خفيف.. ورجعت للأنترنت مرة ثانيه ..وتذكرت المعجبين…. إيه اللي يدورون مواضيعي…. واروح أشوف وش صار على المنتدى وعلى مواضيعي…. ويوم دخلت المنتدى …لقيت موجود رساله خاصة…. قلت أشوف منهي منه…

لقيتها من العضوة اللي دايم ترد على مواضيعي بأعجاب… وكانت تطلب في الرسالة… أن عندها قصة وتبغاني أكتبها بأسلوبي لأنه زي ماتقول معجبها الأسلوب…

أنا ارسلت لها وقلت هاتي القصه ونشوف وش نقدر نسوي….

المهم رجعت للمنتدى وقعدت أتصفحه … كنت مشتاق له حيل….

وبعد نص ساعه لقيت …. انه يوجد عندي رساله خاصة توها تجي …. فتحت الرسالة.. ولقيتها من نفس العضوة.. وترد على رسالتي…. وكاتبة القصة… قعدت أقرأ بطريقة الكبار يعني أدقق عند كل حرف واوقف عند كل كلمة…

بس…… هذي هي نفس قصتي…. إيه قصتي مع البنت اللي لقيتها بالشارع….

وش الكلام هذا…..

وشلون…. معقوله تكون هي نفسها البنت….. لالا ما أظن.. إذا أنا وأنا رجال… قعدت منهار أسبوع كامل… وشلون حالتها هي….

فكرت كثير .. وقررت إني أعرف منهي ذا العضوة…

ارسلت لها وطلبت انها تسوي اضافه بالماسنجر عندها عشان أناقشها على القصة…

وفعلا بعد يومين لقيت إضافه بالماسنجر..

——————————————————————————–

انا قرأت القصه في منتدى وحبيت انقلها طلبا من صاحبة الرساله
جميع من يقراء قصتي أرجو منه ان ينشرها فى جميع المنتديات
نداء عاجل لكل المتزوجات والمطلقات …اسمعوا قصتي أنا هدمت بيتي
بنفسي انا السبب فى كل شئ سمعت كلام أمي وهذا انا مريضة طريحة الفراش

حسبي الله ونعم الوكيل

تزوجت صغيرة لا اعرف معنا الزواج كنت ادرس واخبروني اني
مخطوبة ولا اعرف شي عن الخطبة كنت جاهلة بعض الشئ
ما اخذوا رايي فى الزواج رفضت ولكن لا حياة مع أمي
كان ابوي مالة كلمة مع امي كانت قوية هي تدير البيت
مثل الريموت تزوجت وعمري 17سنة وبدت حياتي طبيعية
تعرفت على زوجي اكثر واكثر عرفت معنى الزواج
عرفت كل شئ بدت امي ترسم لى وانا انفذ
امي كانت تعرف اني جاهلة وهي كل شي ما كان خواتي
الكبار يطن امي وجة من ناحية حياتهن الأسرية
ولا تتدخل امي في حياتهن ,اما انا فكل ما يدور فى بيتي
كانت تعرفة امي .جميع اسرار زوجي اخبر امي فيها
لا حتى كل البيت ,بس خواتي الكبار يمنعني من ذلك
ويقولن حرام استري على زوجك هو جنتك ونارك
لا تخبرين احد بأي شئ حتى لو يفقع عينك.كنت ما اصدقهن
كانت أمي تقول سيطري على زوجك خلية خاتم فى اصباعك
أطلبي منة اي شي حتى المستحيل خلية ما يبقى معة ولا ريال
عشان ما يتزوج عليك.

زوجي طيب كريم ووسيم ودين .كنت ارتاح معة أذاشفتة
ولا يقصر معي بشئ,بس أمي جعلنتي اكرهه ,تقول انتي جميلة
شوفي فلانة كيف بيتها شوفى فلانة كيف لبسها شوفى فلانةكيف
شياكتها شوفى فلانة كل سنة وهي فى دولة شوفى فلانة ما تعرف
غير الماركات العالمية.انتي ضعيفة تعلمي هذة الحياة تجارب
استغلي الفرصة من بدري بعد كلام أمي صار راسي كبر الطيارة
من كثر كلامها.صرت اطلب زوجي ان يمشيني فى كل مكان اريدة
صرت أرفض اعمل لة غداء أقول مريضة رح للسوق وتغد انا ما
ابغى شي وانا اكذب علية.صار يروح للسوق ويحضر للي نفسي فية
كنت ما اترك معة ريال واحد حتى كنت ما ابغاة يروح لأهلة
ابغاة بجنبي.وأذا خرجنا للسوق أطلب منة ان يشتري لى الشي الغالي
حتى فى الأكل أدورأغلى شي عشان اشترية.وبعد الشرب او القهوة
بعد كذا صار يتضايق مني ,اخبرت امي قالت ما عليك أذا شفتية
مبسوط معك هددية بأي شي قولي لة طلعني خارج السعودية
ولا ودني لأهلى انت بخيل .او قولى طلعتي ليلتين فى أفخم فندق
او يكتب الأرض بسمك او البيت .هذا اسلوبي مع ابوك .صرت أنفذ
كل شي حتي اذا رفض رحت لأهلى واقول هذا بخيل هذا ما يسوى
شي حتى كرهوا اهلى وهم ما يعرفونة,صار أهلى ما ينادونة عندي غير البخيل
حتى نسيت اسمة وكرهتة.بس خواتي الكبار دائما ينصحوني فى زوجي
ويقولون أصبري معة هذة الحياة تبي صبر وتعب وتفاهم ما تبي مشاكل
انتي ما تضمنين نفسك يمكن اليوم فى بيت أهلك وبكرة فى القبر.بس كنت اطنش
ولا عمري سمعت وحدة تشتكي لأمي أما انا ضعيفة ما ادري جاهلة
حتى شهادة الجامعة ما نفعتني ,كانت امي تقول يا خسارة
ياليتنا زوجناك واحد ثري انتي تستاهلين غني مثل فلانة
ومثل فلانة.قالت امي ماعليك راح ازوجك واحد غني ولد فلانة صديقتي
او ولد جار صديقتي فلانة.خلاص توقعت أن أمي عندها كبينة أغنياء
وأثرياء العالم وبديت مع زوجي كنت أطرح علية أسئلة
أقول انت تحبني ؟ويقول نعم .اقول انا ما احبك ما اعرفك زين
وأذا قال أنا ما احبك او سكت شهر ما قالها اتجنن وأدفع دم قلبي
عشان يقولها وأغار علية أذا طلت للسوق .وكنت أقول خسارة تزوجتك
وياليتني ما تزوجتك .وكان يسكت .حتي طفشتة وطلقني.
أول ما طلقني أحس اني كنت *****ة او فى غيبوبة ما صدقت
انصدمت أغمي على بكيت بحرقة على الطلاق .كان الشيطان حريص على هذا
ولا ما كنت ابغاء أتطلق.وداني اهلى ولما شافتني امي
أنصدمت وقالت لية عملتي كذا قلت انت السبب.زعلوا اهلى على بعض الوقت
بس كانوا ما ينادوني بسمي يقولون المطلقة جات المطلقة راحت
حتى أمي للى كانت تحبني صرت حمل ثقيل على قلبها.تقول وش جاب اليوم هذا
عندنا جلست عند اهلى وأنا احمل شعار المطلقة ,كل زويلاتي تزوجن
وعاشن وانجبن اطفال وبنات عمي وخالي ايضا الصغار .وانا اتعذب
صار امي اللى توعدني بالزوج الثري ما عندها سالفة دائما تقول
لصديقاتها انا بنتي جميلة ومؤدبة وجامعية وخلوقة زوجناها من واحد بخيل
والحمدلله تطلقت منة ولأن حالفة بنتي ما تسكن غير قصر وتعيش أحلى
حياة مع زوجها وتسعدة.وانا كنت أبكي حرقة أتعذب من كلامها
ما همها غير الفلوس حتى أنا مثلها , راحت زميلات امي يبحثن عن ثري
يعني بداء يمشي سوقى .جلستي عند أهلى اليوم الواحد يساوي الف يوم
طفشوا مني أهلى .لقت أمي زوج ثري كان ما همها غير الفلوس حتى انا
تزوجت منة وهو خارج القبيلة ولا اعرف عنة اي شي بدت حياتي على ما يرام
صار امي تدق على كل يوم تشوف اخباري اول بأول بس كل لا تعلمينها بشئ المرةهذى,,,,

بداْةحياتي مع زوجي الجديد ولا اعرف عنة شي كان كبير فى السن
وكان مشغول عني دائما اربعة وعشرين ساعة ما سك الجوال يكلم
فى صفقات وفى اي شي كنت مثل الحجر امامة كان كل وقتةمشغول عني
عندي كل شي ما ينقصني حاجة بس كنت تعيسة فى الداخل
قلت فى نفسي خليني اغيرة بعض الشئ ما يعر فكلمة الحب ولا الرومنسية
ولا شي كان جلف جاف بعض الشئ حتى الفراش ما يأتي الية غير فى الشهر مرة
أذا تعطرت عندة وتكشخت وانتظرتة عند الباب يقول على وين انشاءاللة
وين رايحة مع هالليل واقول على شانك بس ما يرد او يضحك
كنت اتفجر فى داخلي وأذالبست عندة ملابس قصيرة يقول من قص لك هذا
ياشاطرة روحي للخياط خليهم يكملونة لك .وكنت اتجنن من كلامة.ابكي
……………….. اللى تسوي كذا حتى اذا جاء من سفر ما يمر على
ينام فى البيت واذا دقيت علية يقول انا فى البيت خلي أخوك يجيبك
او السواق.كانوا اهلى يعتقدون لااني سعيدة فى حياتي ولكن هذا غير
صحيح الله سبحانة وتعالى أنتقم لزوجي السابق.لآني ظلمتة وكان تفكيري
الفلوس وليس الزوج الصالح .كنت أقول أنا اهم شئ عندى الزوج الصالح
بس الفلووووووس أهم بكثير هي الأساس …وهذا خطاء
دائما فى البيت أتذكر زواجي الأول وأبكي لأنة كنت سعيدة معة
كان أذا مرضت يساعدتي حتى أذا جاتني الدورة يقوم يسوي لي
الأكل ولا يخليني أقوم من على السرير يخدمني حتى فى المطبخ
كان نفسة خفيفة ومثقف وذكي وفاهم كل شئ اي شي يخطر فى بالي واسألة
يجاوب علية حتى لو تخص المرأة ويستر على كل ما يشوف ..
بس أنا هدمت البيت بنفسي وأستاهل ,,,,,,,سمعت اخبار عن زوجي
الأول بأنة تزوج والأن سعيد مع زوجتة وأصبح يدخل فى التجارة
حتى زوجي يمدحة قدامي وكنت مقهورة من هذا الشئ……..
انا الأن مريضة ونفسيتي تعبت مرة ما عاد لى خلك اكل ولا اشرب
وافكر فى الطلاق بس وين اروح أهلى ما يريدوني وانا ما اريد زوجي
خلاص تعبت تعبت ما استحمل العذاب هذا بس انا السبب فى كل شئ
كل هذا ذنوب زوجي الأول اللى ما رحمتة ولا قدرت ضروفة ولا راعيت
مشاعرة حتى اسرارة صار كل واحد يعرفها وهذا جزاي"""""""""

طلبت من زوجي الثاني أني أذهب لأهلي لمدة يومين ما قصر وافق بسرعة
.اول ما دخلت البيت وشافتني امي خاصمتني وسبتني وبكيت بكيت تعتقد
بأني مطلقة .بس علمتها وارتاحت
قالت خلاص ما نبغاء فضايح استري علينا .قلت لية ما قلتي فى اول زواجي
ولية انتي معي انا بالذات وخواتي لا قالت خلاص انسي الموضوع.عيشي مع
زوجك ولا تطلبين الطلاق حتى لو تعيشي فى جحيم ما ناقصنا فضايح
ولا ترى بزوجك اي واحد بعدين ..صرت اكرة امي واكرة اخواني وكل واحد
لأني هدمت بيتي بنفسي ولا اعرف شئ وأنا جامعية متعلمة بس ما نفع هذا معي
كبر فى راسي الغرور والكبرياء والمضاهر الخداعة حتي أغيض زميلاتي وقربياتي
بس ما عندك احد راح كل هذا الوعود الكذابة, بعد سنتين من العذاب مع زوجي الثاني
تزوج على وطلبت الطلاق ووافق ولآن انا عند اهلى اقاسئ الآلآم
والحسرة والندامة على ما فات ؟؟؟؟؟

ارجوا من جميع كل متزوجة او مقبلة على الزواج أن لا تهدم بيتها بنفسها
ولا تجعل أمها تتدخل فى حياتها الخاصة .تجعل عندها شخصية وكلمة مسموعة
نصيحة يا خواتي أبتعدن عن المظاهر الكذابة والغرور.وتقربن من الله تعالى
ومن يتق الله يجعل لة مخرجا ويرزقة من حيث لا يحتسب….

من بص لعيشة غيره , تحرم عليه عيشتــه

شكراا علي القصـــة , كلها عبرة وعظـة

السلام عليكم

المشاركة الأصلية كتبت بواسطة softbabyo رسوم رائعـــــــــــــــــــــــــــه مشكوره حبوبـــــــــــــــــــــــه

العفو

السلام عليكم ورحمة الله وبركاته
اللهم صل على محمد وعلى آله وصحبه أجمعين
أولا هالرمسه اللي بقولها من باب النصيحه و مثل ما يقولون : (النيه مطيه)

اي وحده حطت صورة طفلها او طفلتها من هذي اللحظه تكف لان فيه بنات يستغلوون صور هالاطفال طبعا بتستغربوون وبتقولون الا هي صوره بس بخبركم بشي غفلتم عنه.
في بعض البنات يرمسون شباب وطبعا الوحده ماتقول قصتها الحقيقيه تكذب وتقول انها معرسه او مطلقه او او او وطبعا ماشي منه واذا قالها الشاب طرشي صورة بنتج او ولدج عسب يصدقها تسير تاخذ صور اطفال من المنتديات وتطرش للشباب والشباب يتفاخرون جدام بعض ويفضفضون حق بعض!!! ف تخيلي ان زوجج ربيع شاب وصلته صورة ولدج بهالطريقه وسار الربيع وقال لزوجج هذ ولد ربيعتي شو يكوون مصيرج؟؟؟ النهايه مفتوووحه بخليها

بترك لكن الجواب وكل وحده حطت تتخيل نهايتها ….

وغير هذا يا بنات ما تخاافون من الحســـــد!!!!!!!!!! ترى والله العين حق وهذوول أطفال

وهذه النصيحه لوجه الله واتمنى تتقبلوونها وما تزعلووون وما قلتهاا الا من حبي لكم

بالصدفة دخلت منتدى حتى اني نسيت اسمه من الصدمة

يوم شفت نك بنت الله لايكثر من امثالها

نكهااعتبره جريمة في حق امها

النك
هو (موت امي ولادمعة حبيبي)

وش رايكم بهذا النك وصاحبةالنك

كيف تتوقعواتفكيرها؟؟؟؟؟

حسافه التربية في هذا البنت

انها تفضل حبيبها على امها

لاحظوا: حبيبها مو زوجها

( حتى ولو زوجها مايستاهل انو يكون اغلى من امها بس بيكون اخف من حبيبها)

وشلون تقول كذا عن امها اللي حملتها تسعه اشهر

وربتهاوتعبت عليها واللي ما ترتاح الا لما تشوف بنتها

مرتاحه هذا جزاها انها جابتك على الدنيا

من جد به الزمان الأولا د ماعاد ينفعون وعدمهم أحيانا يكون أفضل بكثييييييييييييير من أنهم يكونون موجودين بالدنيا

يالله بعد ماقريتوا النك نيم عطوني أرائكم وردودكم بكل صراحه

السلام عليكم اخافني هالموضوع …فنقلته لاخوتي

اخواتي الحبيبات جمعت لكم بعض التحذيرات من مواقع مختلفه طبيه ونسائيه
وتجاربي من بعض الكريمات والخلطات وتجارب الاخوات والمعارف والصديقات
وانتهيت بجمعها في ملف متكامل ان رايتم انه مفيد فارجوا تثبيته لتعم الفائده بين البنات

واعلموا ان اعداد هذا الموضوع قد استغرق مني اياما ومجهودا كبيرا ليظهر متكامل بالشكل المطلوب واحببت ان افيدكم بما قرات

1-كريمات التعرق ومن اخطرها
Lady Speed Stick

هو منتج ضار .. لكن معظم الأطباء ينصحون بالابتعاد عنه كونه يحبس العرق وقد تأذى منه العديد وأنا شخصيا لدي صديقة تأذت منه وقد ظهرت لها حبة صغيرة في منتصف الصدر وعند الفحص قالت لها الطبيبة ان هذه الحبة سببها مزيلات العرق التي تستخدمها وقد أغلقت مسامات الابط ومنعت العرق من الخروج مما أدى الى ظهور حبوب وكتل في الصدر وتحت الابط وقد خضعت لجراحة بسبب هذه الحبة ..

2- كريمات التفتيح للبشره
مثل كريم ديانا وروز وفير اند لافلي
الكريمات الضارة لانها تحتوي على نسبة كبيرة من الزئبق الذي يؤثر على الكبد والكلى ومع ذلك لم يصدر مرسوم طبي بمنع هذه الكريمات الضارة الا مؤخرا .. ومعظم الأخوات ابتعدن عن هذه الكريمات نظرا لمضرتها والتجارب التي سمعنا عنها وقد تكررت القصة نفسها مع مزيلات العرق بالذات ليدي سبيد والذي يسبب السواد وانا شخصيا لاحظت ذلك وحذرت منه في موضوع سابق لي في المنتدى

3-الشامبوات اللتي توجد فيها ماده اس ال اس
قرات انها خطيره وتسبب السرطان على المدى البعيد

4-كريم رتن اي للتبييض والتقشير
والذي لايخلو منتدى من التوصيه عليه ضمن خلطات
اقول لكم انه يستخدم لتقشير اليدين والمناطق الداكنه فقط
اما بعض البنات هاهم الله يضعونه ضمن خلطات للوجه وهو خطر على الوجه جدا
اخبرتني احدى صديقاتي انها قرات الخلطه ثم طبقتها ووجدت بقع داكنه حبوب في وجهها وهي تقول حسبي الله على من كتبت هذه الخلطه عندما ذهبت للدكتوره اخبرتها بانه خطر ولايستخدم للوجه مطلقا ولم تنصح باستخدامه مطلقا

5- الفكس
قرات خلطه ايضا لتبيض الوجه تحتوي على الفكس صحيح هو مبيض لكنه حار جدا وخطر
ولايستخدم للوجه احدى الاخوات استخدمته وسبب التهابات لبشرتها واحمرار وحكه
وهي الان تعالج عند اخصائيه ونادمه على اتباعها لهذه الخلطه

6-السفيداب
مقشر مميز الجميع يثني عليه للاكواع والركب ولكن قرات انه يسبب السرطان لاحتوائه على مواد سامه تتغلغل في الجسم

7-كريم الساكتول
لازاله السواد احدى معارفي تقسم انه احرق بشرتها واصبحت اكثر سوادا من قبل
وقرات ايضا احدى الاخوات تشتكي منه في احد المنتديات

8-خلطه منتشره مكونه من بودرة الورد والجلسرين السائل
واللتي تجعل البشره مبقعه وملونه وذلك عن تجربه صديقتي

ما هو الحل أخواتي ؟
الحل هو البحث عن البديل الطبي او الطبيعي ..