ديوان الشاعر فهد المساعد
السلام عليكم
اليوم جايبتلكم
ديوان الشاعر فهد المساعد
وهذا اول موضوع لي وانشاالله ينال اعجابكم ..~
جميلة عباراته .. سلسة المعاني .. لنبحر سويا .. مع قلم الشاعر .. صاحب أعذب كلمات ..
شاعرنا .. فهد المساعد ..
أترككم مع قصائده الجزلة .. 00
*·~-.¸¸,.-~*الرسالة*·~-.¸¸,.-~*
يا صاحبي جيتك اشكي لك من احوالي … جيت وما دامك رفيقي ليه اطولها
العلم وما فيه يا أول واخر آمالي … عندي رسالة ولا ادري كيف اوصلها
للي سبتني وأنا من قبلها سالي … ابيك توقف معي وتروح تسألها
وش فيها تفتح علي أبواب عذالي … وتحمّل النفس حاجة ما تحملها
وش فيها رغم الوفاا تتركني لحالي … وأنا لجفاها تركت الدنيا بأكملها
ان كان هذا زعل علمها يالغالي … وما كان قصدي ورب البيت أزعلها
علمها واللي يخلي قلبك الخالي … عن ضيقتي وين وصلت من تجاهلها
علمها كم لي وأنا ماشلت جوالي … كله علشان ما أقلب رسايلها
وعلمها وشلون لا مرت على بالي … اروح وأضم صورتها وأقبلها
وعلمها وش لون انشغل عن كثرة أشغالي … وأسرح و أغمض عيوني وأتخيلها
علمها عني وعن همي وغربالي … علمها عن كل حاجة في تجهلها
وان شفتها دنقت تبكي على حالي … انسى الكلام وتذكر كلمة وقلها
قل شاعرك يعتذر ويعاهدك تالي … انه يرتب حساباته من أولها
ويقول حتى القصيد اللي على بالي … والله ما عاد اكتبه كانه يزعلها
[`~*¤!||!¤*~`][صالات المطار ][`~*¤!||!¤*~`]
قبل أسافر كنت جالس في زمان الانتظار .. ارتشف هم المكان وكل همي حاجتين
كنت خايف من يباس وكنت خايف من خضار .. كنت اخاف انك تجين وكنت خايف ما تجين
لين شفتك من ورا بيبان صالات المطار .. مقبلة من كثر شوقك كنت اشوفك تركضين
مرة ركضك يمين ونظرة عيونك يسار .. ومرة ركضك يسار ونظرة عيونك يمين
تايهه ما كنك الا ضحكة وسط انكسار .. ساكتة ماكنك الا دمعة فيها حنين
خايفة..وجله..حزينة..يعني كنتي باختصار .. تشرحين لكل عاشق معنى كلمة عاشقين
بعدها جيتك ولدّت عينك ودار الحوار .. من كفوفي دمعتين و من كفوفك دمعتين
كنت أصدّ وكنتي أنتي ثايرة مثل الشرار .. ما على لدغة لسانك غير كلمة ( وين؟ وين ؟ )
واذكر اني قبل ابديلك ايه اعتذار .. رحت حتى قبل اطيب خاطرك في كلمتين
لكن انتي عارفتني زين واللي صار صار .. سامحيني واذكريني قد ما انتي تقدرين
اذكريني لا انتهت للشمس رحلة مع نهار .. واذكريني لا صحى للصبح ورد الياسمين
واذكريني لا لمحتي في ليالي البرد نار .. واذكريني لا سمعتي للمطر صوت حزين
اذكريني واذكريني واذكريني .. باختصار .. اذكري فهد المساعد قد ماانتي تقدرين
[][§¤°^°¤§][][أنت زعلان][][§¤°^°¤§][]
أسمعك ياللـي تنادينـي يابـو قلـبٍ خلـي … بس أنا ماني خلي القلب لجل اسكت واجيـك
الخلي ماهـو بقلـبٍ مـن هيامـك ممتلـي … الخلي قلـب آدمـيٍ شافـك ولا هـام فيـك
انت زعلان لجفاي ومـا دريـت إن زعلـي …. يوم قلبـك مايبينـي قـد مـا قلبـي يبيـك
حتى لو عيت همومك فـي غيابـي تنجلـي … كل هذا ما يسـاوي لهفتـي يـوم احتريـك
وكان ما صدقت هرجي .. طيب اسمع ما يلي … ياحبيبي ياعسـى ربـي يحفظـك ويهديـك
جايز انك في غيابـي تقلـب الدنيـا علـي … بس أنا من قبل أعرفك قالب الدنيـا عليـك
§¤°~®~°¤§خلاصة §¤°~®~°¤§
يا صغيّر السن قدرك طاحت ابراجه … الجرح خلّى الصخر ينطق ونطقني
خلاص ما عاد تعني لي ولا حاجة … رح جعل ربي يوفقك ويوفقني
من بعد ما كنت نور العمر وسراجه … اليوم صرت الظلام اللي يطوّقني
عطيتك أكثر من اللي كنت تحتاجه … أسرفت فالحب لين الحب وهّقني
خلاص مالي ومال الحب وازعاجه … مالي ومال الدروب اللي تضايقني
تعبت أضم البحر وأهدّي أمواجه … تعبت أجامل و أشوف الوقت يسرقني
شكواي للي عليه الضيق وافراجه … اللي اذا شاء يرحمني ويرزقني
اما انت يا بو جبين عقّد حجاجه … لا عاد تسأل علامك منت طايقني ؟!
الناس كلٍ على دربه ومنهاجه … و أنا عن الناس ما به شئ يفرقني
الا اني دايم احب الصدق واواجه … مخلوق والله على هالوضع خالقني
حتى رفيقي ضماد القلب وعلاجه … على كثر ما اتمسك فيه صدقني
لو أدري انه مرافقني على حاجه … لأمسكه حاجته و أقول فارقني
~-.¸¸,.-~*أعز أنسان *·~-.¸¸,.-~
صوّت حبيبي وقبـل أقـول ياعونـك … شكا جروحه ورحت اشكي له اطعونـي
يقول ما اقدر أعيش اليوم مـن دونـك … وأقول حتى ولو ماعشت مـن دونـي
يمكن أنا أكون اعز إنسـان فـعيونـك … بس انت والله كـل النـاس فـعيونـي
يكفيني إن انت لامـن قلـت وشلونـك … تطيب كل الجـروح ويختلـف لونـي
وان كان منت بـمصدقني على هونـك …تعال طالـع ادروبـك ويـن ودونـي
اصبحت اجامل اعداي اللـي يحبونـك … واكره مشاهد اعـداك اللـي يحبونـي
ومن كثر ما أحب واكره عنك واصونك … اصبحت دفتر مشاعر وأنت مضمونـي
إن غبت عني شعـرت بلـذة طعونـك … وان شفت زولك شعرت بقيمة عيونـي
*~-.¸¸,.-~*المدينة والغريب*·~-.¸¸,.-~*
جا يشوف الحال كيفه بعد ما هزه حنينه … وقبل يسألني سألته كيف حالك يالحبيب
قال أنا كني غريب ضيع دروب المدينه … قلت أنا كني مدينة تنتظر رجعة غريب
قال أجل وش فيك تكره سيرة الحب وسنينه … قلت أجل وشلون ما اكره سيرته دامك تغيب
أنت لامن غبت حتى مرايتك صارت حزينة … كيف ماتبغاني أحزن وانت لي حظ ونصيب
الهدايا والرسايل والمكاتيب الثمينه … والليالي والقمر والريح والكون الرحيب
كل ماتبعد تجيب الشعر ليه من يدينه … وتقعد جروحي تودي في الطواريق وتجيب
يابعد كل القصيد ونزوة احداه وانينه … لاذكرتك لاح بيت وطاح ورد وفاح طيب
وان نسيتك ما نساني صوتك المبحوح لينه … ياخذ لجرحي بثاره من خطاياك ويطيب
وبعد هذا جاي ترمي ذنبك بوجه المدينه … ما دريت ان المدينة كلها شمعة غريب
*·~-.¸¸,.-~*ثلاث سنين*·~-.¸¸,.-~*
ياعين هلّي دموع الوجد وانهمري … محتاج لي دمعتين تعيد ترتيبي
نويت دمر الزمان اللي نوى دمري … بايعك يا طيبتي شاريك يا طيبي
و الدانـة التـي تغنّـج كنها القُمـري … أمـنتكم بلغـوها يا مناديبـي
لا عاد تشفق على نخلي وعلى تمري … ولا عاد تشره عليّ في قل ترحيبي
ان كان ربي عطاها لونها الخـمري … الله بنفسي معوضـني فقـر جيبي
أمـنتكم بلغـوها تـحتري جـمري … ومادام ما فاد معها حسن تهـذيبي
ان عشت والله لأمشـيها تحت أمري … وأحس فيها تعـذّب كثر تعذيبـي
هـذريت فيها ثـلاث سنين من عمري … وان قالـها الله لخـليها تهذريبـي
|–*¨®¨*–|لا تسافر |–*¨®¨*–|
قلبي له اليوم ثالث اليوم موجعني … وعيني لها اليوم ثالث تجمع طيوفك
والبـال كنـه على دربك يوزعني … ولسـاني ما كـنه الا خـلق لحروفك
لا النوم نافع ولا التفكير نافعني … أنام وأصحى على الباقي من وصوفوك
بالله قلي شعوري هذا وش يعني … طمّني الله يطمّن همّك وخوفك
بيني وبينك ترى اللي صدق ضيعني … ان انت فآخر لقا شارح لي ضروفك
مدري وش أقول لكن تدري ؟ اسمعني … خابرك وافي وأبيك إتمّ معروفك
ان كنت ناوي تسافر لا تودعني … بس أنت لا تسافر قبل ما اشوفك
،فاذا كان زوجك من هذا النوع ((وانا اعتقد انه كذلك لان اكثر الرجال الذين يرتكبون تلك الحماقات هم من اصحاب مقولة اعمل ماشئت وخليها على الله )وانت تحبينه ولست قادره على ماسيترتب على تلك المواجهه من نتائج،انسي الموضوع ولا تكلميه اساسا لان النهايه ليست في صالحك، واتركي للزمن اصلاح الامور فهو الكفيل دائما بذلك،اما اذا كنت (كدها)كما يقولون وقادره على مقاضاته واصدار عقوبات يستحقها وبدون ان ياْن او يرق قلبك لزعله
