الوسم: المادي

)" انا من طبقة غنيه وعاليه ومعروفه ابي غني يمتلك الكثير من الشركات و في الدول الاجنبيه 🙁
المهم نجي للمشكله هنا احنا تعودنا اي طلعه مع السواق اي جمعة اهل مع السواق يمكن بالسنة مره اطلع مع ابوي بسيارته اخواني يمتلكن سيارات خاصة وسواق ايضا خاص بهم ولا نذهب معهم الا نادر !
اشوف صديقاتي الي من طبقه متوسطه يطلعون مع اهلهم بالسياره ووناسه ويتكلمون بالسياره يروحون استراحات حتى احنا نروح بس هم فله يعني بسياره وحده سيارة بنات سيارة اولاد او طلعاتهم مع ابوهم واخوانهم وانا استمتع كل يوم وانا اسمع قصصهم وانا لا يوجد عندي الكثير لا اريد الغنى ولا الفقر ولكن الحمدلله ابي متوسطه ابي استمتع مع اهلي وماابي اي شي ابيه يجيني يعني صديقاتي يبون مثلا مثلا جوال اهلهم مايرضون واذا نجحوا بتقدير ممتاز يهدونهم هديه اما انا اي شي ابيه ابوي يرسل السواق ويجيني لو يكلف 6000 اشوفه قدامي ماابي بيت كبير اشبه بالقصر ابي بيت نشوف فيه بعض كلنا ماابي كبير نادر مااشوف اخواني خواتي الكبيره متزوجه والوسط الي اعتبرها الكبيره صابها الغرور من العز وانا مااحب الغرور ولله الحمد واختي الاصغر مني سنا تلحق باختي الوسطى تقلدها بكل ماتفعل في المشيه في الشكل في الاخلاق والاسلوب وحتى الشخصيه وارى بان امي لايعجبها الوضع فهي ايضا تصبح بنت عم ابي ولدت بنفس المستوى المادي في غنى و مال ابي اطلع مع اخواني استراحه او مطعم نجلس ف البيت نسولف ابي اشوف ابوي يجلس ويانا دائما مسافر منشغل بالشركات وعياله مااهتم فيهم دايما ادعي الله يقربنا و مازلت مستمره بالدعاء يمكن ربي بلحظه يستجيب دعاءي
انا لا اتذمر ولكن اود المحبه اكثر بيننا الحمدلله على مااختاره الله لي 🙂
#اختكم المحبه تولين "~

السلام عليكم
تقدم لخطبتي شاب ليس بيني وبين أي صلة قرابة شاب معروف بأحترامه وشهامته واخلاقه الرائعة ومحافظته على دينه وتم السؤال عنه والكل يمتدحه ويمتدح عائلته وان صفات الخير فيهم كثيرة من كرم وطيبة وغيرها
ورأها والدي واخوتي الشباب وامتدحوه
وانا استخرت ولكن ما زلت مترددة .. وضعي اهل خطيبي المادي متوسط واقل ايضا ونحن وضعنا المادي ممتاز ولله الحمد ووضع خطيبي كشاب بمقتبل العمر وببدايته الوظيفة وصغر عمره جيد جدا الحمدلله ولكن سؤالي اذا كان السكن والعلاج على الشركة فهل بأستطاعتنا العيش براتب 11 الف ونستطيع بنيان منزل لنا خلال السنوات الخمس عشر القادمة مع غلاء المعيشة والاجارات ! مع العلم انه يساعد اهله براتبه واهله لا يستطيعون مساعدته حتى بتكاليف الزواج .

فنصحية و طالما هو بهذه المواصفات فأقبلي و لا تحسسينه بهذا الفرق لأنها ما هى مصيبة و كارثة
حتى لو صادف بسبب هذا الموضوع بعض المشكلات .

المشاركة الأصلية كتبت بواسطة نبرة حنين صحيح ان المادة مهمة وهذا شئ ما احد ينكره لكن يا اختي طالما هو بالمواصفات ( صغير في عمره و كبير باخلاقه و شهامته و محافظ على دينه ) وفوق هذا يعمل مو عاطل و عنده راتب فو الله لا يرد . و الحبيب المصطفى صلى الله عليه و سلم يقول ( إذا جاءكم من ترضون دينه وخلقه فزوجوه، إلا تفعلوه تكن فتنة في الأرض وفساد كبير ). و مثل ما كنت معك واقعيه في مسألة المادة فخليك أنت كمان واقعية في مسألة الزواج اليوم كم بنت تتمنى تتزوج في هالوقت و أنا منهم ؟ صار عمري 30 من ايام والى الحين ما تزوجت و مثلي الكثير .. و صدقيني لو كبرت و بلغت سن الثلاثين و اكثر راح تسقطين مسألة فرق المادية و تتمنين أنك تكوني زوجة و ام مثلك مثل باقي البنات . فنصحية و طالما هو بهذه المواصفات فأقبلي و لا تحسسينه بهذا الفرق لأنها ما هى مصيبة و كارثة حتى لو صادف بسبب هذا الموضوع بعض المشكلات .

الله يقدّم الّي فيه الخير

بنات أنا بنت ملكة ولله الحمد سعيدة حيييييل مع خطيبي
لان محترم وطيب ويحترمني
بس قبل فترة صارحني انه مهري دين من اهله او نص مهري
أنا سويت حالي ما تضايقت وقلت له ربي يعوضك خير وتقدر ترده
بس يااخواتي احس ان دائماً المال يسبب له أزمة
لحد انه اعترف لي ان الزواج زاده قلقه لان صار مسوولي عني ولازم يكون معاه فلوس علشان يعيشني بطريقة جيدة
المهم يقول لأني نفسيته قبل احسن من الان
بصراحة أنا بداخلي حيل تضايقت وقلت المفروض مايقول هل الكلام بس أنا طبعا ماحسسته أني تضايقت بالعكس دعيت له وقلته ميخالف حبيبي لا تخاف ربنا كريم الحين شنو تنصحوني وياتره شنو رايكم فيه برغم انه مو صغير بالعمر**

ربي يوفقكم