لا استطيع العيش مع امي
سلام عليكم
بدخل في صلب الموضوع بدون مقدمات
انا نفسيتي تعبت و السبب امي
مو من ناحية انه امي تضربني ولا تحرمني من اشياء
بالعكس امي مو مقصره علي
بس امي اهي نفسيتها تعبانه
عشانها ماتقدر تجيب اطفال
الحين بتقولون ليه شدخلك انتي؟
انا بجاوبكم
الحين امي نفسيتها تعبانه ودايم تفكككر
والدكتور يقوول في ناس استيعابهم بطيئ بسبب انه يفكر في 100 شي في دقيقه وحده
و انا لا جيت اسولف مع امي عن بنات
سالفه عادي بسيطه
تقولي دقيقه دقيقه .منو تقصدين
اقولها يمه هذي الفلانه
تقولي طيب ليه ماتقولين كذا وكذا توضحين
هالمره لا جيتي تشرحين سالفه قوليها هالفلانه اهي سوت كذا وكذا
عشان نعرف
تحسسني انه انا كأنه ما اعرف اشرح سالفه و ولا اتكلم
معنى السالفه الي اقولها واضحه
اجي انا اقولها يممه اناا قلت كذا
تقولي لا انتي قلتي الموقف ما ذكرتي الاسم
هالمره قولي اسم فلانه الي سوت هالموقف
و واناا هنا يتعكر مزاجي
اهون ما اقول السالفه
او احاول اختصرها
ودايم تنتقد امي
اعرف انتقادها يعني نصيحه
بس ما صرت اتصرف تصرفات ع طبيعتي
خلتني اتحسس في كل حركه و كلمه اقولها
و وربي بصيييح الحين
صرت عصبيه و السبب هالشي
و صرت احياناً افضل الصمت
و بعد احياناً لا صار لي موقف مع احد
تجيني ردة فعل طبيعيه
اعصب و اقول كلام ..مو سب ..كلام ثاني
تجي امي تحاسبني ع هالشي
تقولي ميخالف لا كنتي قلتي كذا لا كان سويتي كذا
و وربي صار حقي ينوكل و اشوف ناس تغلط علي
واسكت والسبب امي
واحياناً إذا شافتني اسوي شي غلط
لا بد من الانسان يغلط خصوصاً انا مو كبيره دارسه الدنيا عدل
عمري 17
ماتجي تنصحني
تنتقدني ليه انتي كذا هالتصرف مو حلو مو زين قلة ادب وصاخه
شبيقولون الناس عنك انتي مو متربيه و و و
و وربي صرت اعصب على امي
و وانا مو عاجبني هالشي
بنت تعصب على امها
بس والله غصبً عني
نفسيتيييييييي تعببببببببببببت
انا بروحي حساسه
وامي تقولي كذاا
و وربي احياناً اقول ليت ابوي يتزوج على امي
عشان امي تطلع من البيت
امي نفسيتها من قبل تعبانه
و الحين الحمدلله امي بعد علاجات انجبت ولد
بس انا للحين هالشي مأثر فيني
و للحين امي تنتقد بطريقة تهجم
ما اقدر اعيش مع امي
عطوني حل ؟
^ تابع للكلام اللي كتبته انا فوق
..
المفروض انج تروحين تعتذرين منها وتبوسين ادينها ورجولها على الكلآم اللي قلتيه عنها
المشاركة الأصلية كتبت بواسطة مشكلتي
صج انج غبيه بصراحه وتافهه وسخيفه يعني ماتبين تعيشين مع امج بس عشآن هسبب التافه اجل لو صايره لج بلوه عدله شسويتي انا ادري انه امج غلطانه وتصرفها مب صح بس مو لدرجة انج ماتبينها شنو وين احنا فيه نسيتي معروفها لج ربتج وتعبت عليج وسوتج عجله شكبرج !! سمحيلي بس بصراحه انتي وحده ماتستحين !!
|
( وقولوا للناس حسنا ) ,, يا أختي إذا ماعندك كلام طيب مو ضروري تردين ,,
قسما بالله يابعض الناس سكوته افضل بمليون مرة من كلامه ,, لي عودة ,, كلامك رفع لي ضغطي
المشاركة الأصلية كتبت بواسطة مشكلتي
صج انج غبيه بصراحه وتافهه وسخيفه يعني ماتبين تعيشين مع امج بس عشآن هسبب التافه اجل لو صايره لج بلوه عدله شسويتي انا ادري انه امج غلطانه وتصرفها مب صح بس مو لدرجة انج ماتبينها شنو وين احنا فيه نسيتي معروفها لج ربتج وتعبت عليج وسوتج عجله شكبرج !! سمحيلي بس بصراحه انتي وحده ماتستحين !!
|
عمري صاحبة الموضوع حلليني على الكلام اللي قلته لك
حقج علي مادري شلون انا كتبت لك جذا !
وانا بصراحه حسيت بتانيب الضمير على الاسلوب اللي تكلمت معاك فيه
وادري انه اللي فيك مكفييك
اتمنى انكتسامحيني وتحلليني بصراحهانا مو ضامنه عمري وخايفة من عذاب ربي ومابي اخلي في ذمتي شي ..