إلاهي ياوسيع الفضل وجزيل العطيّه
==== ملك الكون بيدك ونت على الأمه وكيل
سألتك في الحياه الفانيه عيشه هنيّه
==== وفي يوم القضاء رحمتك والغفران والوجه الجزيل
بحق من نال في جنتك درجه معتليّه
==== وميّزته بطيب القلب والحال هو والخلق الجميل
سراج الليل ذي جلّى ظلام الجاهليّه
==== ونارت منه الدنيا وهي من جهلها ظلمه وليل
سلامي من صميم القلب صادر وتحيّه
==== على موطن ترابه مسك غالي مانبدل به بديل
كناني لا رعد راعدة في روس النشيّه
==== وضل الراس لاشرقت شموس الصيف من شمس المقيل
مطارح تشرح الأحوال وطبيعه نقيّه
==== نسيم الصبح لانسنس من الافات يصقلها صقيل
وكم ربت من نماره وهيج دوسريّه
==== إذا تحملن سارن بلفرح ماهو برشخات الصميل
سكنَاها وعشناها في صفى خاطر وطيب نيّه
==== وذقنا حلوها والمر في الحاضر وفي الزام الدويل
رعاك الله ياماضي سنيني الأوليّه
==== ويرعى الله ناس عشرتهم قواعدها المروة والجميل
على الأطلال ذي صبحت من اهلها خليّه
==== ذرفنا دمع غالي لو جرى في شعب بايمسي يسيل
لأن الولف له في طبعنا قيمه قويّه
==== ويبقى في الخواطر عندنا موجود إلى يوم الرحيل
والذي في الصبح ماننساه لا جات العشيّه
==== ومن عاداتنا من مد لنا شمروخ نزقل له بخيل
نعامل من عرفنا بشروع النامسيّه
==== ولازم بايصون الولف والمعروف من شرعه طويل
ورغم إخلاصنا جار الزمن وقسى عليّه
==== ورواني صنوف الظلم والتعذيب ذي ماهو قليل
يباني عيش في عالمة مجهول الهويّه
==== ونا معروف مابين العرب لي وزن في الكفه ثقيل
ولالوم الزمن والوقت ولومي والشكيّه
==== على الحض التعيس ذي يقلب الشاجع ذليل
وختمها صلو على سيد البريّه
==== عدد ماسارت الاعوام والاجيال جيل بعد جيل
الشاعر سالم بن سعيد السيباني
رررررررررررررراااااااااااااااااااائععععععععععععععه
تسلمي ويعافيك ربي.’
السلام عليكم ورحمة الله 