قريتها في منتدى وحبيت اشوف ارائكم
وهي قصة واقعية .. حصلت في ليلة الدخله
اليكم القصه ..
شاب راح يخطب وحده وتمت الموافقة على الخطبة ومن ثم الزواج المهم وش اللي صار ليلة الدخلة
بعد مادخل صاحبنا شقته مع زوجته وإلا جواله يدق ويقوم خوينا يرد على الجوال ويدور الحوار
التالي :
الزوج : الووووو
المتصل : السلام عليك، كيف حالك يا ( فلان) و ألف ألف مبروك
الزوج : وعليكم السلام وينكم يا انذال ماحضرتوا الحفل يا تعبانين المتصل : والله تعطلت علينا
السياره في الخط وحنا جايين عندكم ووصلنا وسألنا عنك قالوا انك رحت مع المدام والحين حنا
راجعين الديره
((طبعاً الديرة تبعد حوالي 300 كم))
..
..
الزوج : المهم تعشيتوا
المتصل : لا والله
الزوج : كم عددكم ؟
المتصل : عشرة
الزوج : اقولك (حرام وطلاق .. عشاكم الليلة عندي) قل تم
المتصل : يا ابن الحلال مايصير انت عريس جد و.. و..
/
" المهم مافيه فايده … الزوج مصر الا يتعشون عنده "
الزوج : يالله انا انتظركم .. مع السلامه !!
وقفل الخط
الزوجه المسكينه ما هي مصدقه اللي سواه زوجها ليلة الدخلة
..
..
ثم قال : يافلانه .. انا رايح السوق وراجع
..
" على بالها يبي يجيب عشاء جاهز "
..
..
بعد ربع ساعه رجع الزوج ومعه اغراض العشاء
قالت الزوجه : وش ذا ؟؟؟؟؟
قال : الله يسلمك قومي سوي العشاء لزملاي في العمل ،، جايين من بعيد وما بعد تعشوا
..
..
وفي أثناء الحوار،،، " الباب " يدق .. .. .. " دندن … دندن .. دندن "
/
قال : هذولا " هم " وصلوا ،، يالله همّه يا مره !!!!!!
وراح عند ربعه .. يقهويهم
/
المهم المسكينه في المطبخ تقطع " البصل والطماط " بفستان الزفاف ، وعيونها تدمع وتقول في
نفسها ( بكره بأرجع عند اهلي من الفجر واطلب الطلاق) المسكينه سوت العشاء ،، وتعشوا ..
وراحوا لديرتهم
/
العروس ..المسكينه .. متضايقه
..
..
والمفاجأة !!!!!!!!
/
/
يدخل زوجها عليها .. ويرمي لها ( 50.000 ) خمسين ألف ريال ،، قال : هذا حقك ،، قالت له : وش
حقه ؟؟؟
..
..
قال الرهان اللي بيني وبين زملاي العشرة ،، على كل واحد (5000) بأنك تطبخين " ليلة الدخلة "
وش يكون ردة فعلك موافقه والا .. لا
وانتي من كسب الرهان !!!!!!!!
..
..
وتمت " ليلتهم " على خير وصاروا اسعد زوجين
منقول لعنونكم
والله بنت أصل
مسكينة تريد رضا زوجها
بس ماعنده احساس صراحة ولا ما يعمل كذا بزوجته من أول ليلة بعده لو ثاني ليلة مو مشكلة
ماعنده احساس ولا ضمير ومشكوره على هالموضوع
اشكرك على المرور الحلو
أنا عن نفسي ماعندي مانع بالعكس هذا موقف يكبرها في عينه وش بتستفيد من قولة لا على شي لايذكر,,
وجة نظر اشكرك ياغاليه
مايخالف أكبر بعينه بس عاد حبكت وضاقت لازم ليلة العرس الي فيها أجمل ذكريات بين الزوجين وش هالرهان البايخ؛الظاهر إن الزوج همه المظاهر والفشخره الي مو بمحلها أو إن عقله ضارب يوم راهنهم؛الحمد لله الي ماحطنا محطها
لااسويها واذا سويتها يدخل هو يساعدني ولا يمش بوزه
بس دام المسأله فيها فلوس والله بطبخ وبطبخ
عاد اول ليله اخر ليله اهم شي اقبض
اللي بيصير بيصير لاحقين على البوس والتقلب
هههههههههههه
