اذوب بعيونك الحلوه وسكرها..
أذوب بعيونك الحلوه وسكرها
وحتى الدنيا أنساها ولا أذكرها
انا أللي سكر عيونك يذوبني
دخيلك لا تذوبني وسكرها
أنا أدري ذوبتهم نظرت عيونك
وصاروا من حلاوتها يحبونك
وأدري أني لوحدي ساكن بكونك
ولعيوني جميع الناس تنكرها
تغار وتسعد أحساسي بهالغيره
واحس أني لقلبك موطن وديره
ولاغيرك شغل قلبي وتفكيره
يالذة دنيتي الحلوه وسكرها
تدلعني وفيك الروح ملتاعه
وأنا روحي لدلالك دوم طماعه
معاك ودي أوقف عقرب الساعه
وحتى عيوني ماودي اسكرها
إذا تهمس أحس بلهفت أنفاسك
واحس اني انا من دفوة احساسك
واحس بكل فكرة حب في راسك
قبل ما تقولها لي او تفكرها
وجودك في حياتي يامهنيها
يعوضني عن الدنيا وما فيها
وروحك لا عجزت بروحي أوفيها
على كثر المحبه ودي أشكرها
تدلعني وفيك الروح ملتاعه
وأنا روحي لدلالك دوم طماعه
كلمات رائعه لامست القلب
دومتي بود
يسلمو عالمرور العطر
الحمدلله والصلاة والسلام على رسول الله وعلى آله وصحبه أجمعين
شـكــ وبارك الله فيك ـــرا لك … لك مني أجمل تحية
موفق بإذن الله … لك مني أجمل تحية
الله ما اجملها من كلمات
تعليقي لن يوفيكي حقك
