##ياليت الاقي لو وحده تكون خاضت هالتجربه##

مساااااااااااااااااااء الخير يالغوالي
ابي استشيركم في شغله انا لي متخرجه من الثانويه لي 15سنه ونفسي ارد اكمل تعليمي بس ماراح يقبلوني غير انتساب او التعليم عن بعد في جامعة الامام محمد بن سعود…….
وانا بحكم اني متزوجه وعندي عيال وماراح يناسبني الا كذا
بس متردده ماني متخيله اني برجع اذاكر واحفظ واحس اني سايره نسايه مره ماتتخيلون
وزوجي يقول ادخلي المعهد التقني بس ماعندي خلفيه عنه وعن تخصصاته
فايش رايكم واذا فيه احد خاض هالتجربه يشجعني
وكمان ودي استشيركم في التخصصات السهله اللي ممكن اجتازها
الله يجزا والديكم الجنه افيدوني في هالموضوع

أكيد ما بتكون لك رغبه للمذاكره ما شاء الله لك فتره وإنت متخرجه .. بس جربي
وعن رجوعك للجامعه بترجعي بس منتسبهـ أكيد و عندك بعد المعاهد أنا أشوف بما ان لك رغبه للدراسه
فلا تطوفينها …..

موفقه ياااارب

بصراحه انا دخلت معهد تقني
والتجربه كانت روعه ايضا الدروس سهله
يعني مو صعبه حيل صحيح المعلومات بتكون جديده
بس اذا انتي تحبين تكتشفين الجديد بتكون الدروس ممتعه كثيير
وطبعا المعاهد بالكثير سنتين .. انا دخلت دبلوم سنه
واتمنى تتكرر هالتجربه بجد روعه روعه !
بس لازم توفقين بين دراستك واطفالك انتي روحي وشوفي الجدول
تبع المعهد ونظمي وقتك وبنفس الوقت خذي فكره عنه
وشوفي اذا تقدرين او لا غير ان المعاهد لها فترتين اختاري الي يعجبك
اما صباح من 8 لحد 12 الظهر او مساء من 4 العصر لحد 8 العشاء
.. شوفي انتي روحي واستفسري من اقرب معهد عندكم ..

الله يوفقك يارب
.
.

الله يعينك وانا كمان نفسك متخرجه وجالسه عند عيالي لي ثلاث سنوات وش اسوي ادخلي انتساب احسالك اداتبغي

حبيبتي انا تخرجت من الجامعة انتساب قسم دراسات اسلامية
والسبب اني اجلت سنة بعد الثانوي لظروف فمارضيوا يقبلوني انتظام
وجميع التخصصات التربوية سهله
دراسات تاريخ عربي e
المهم تحافظي على متابعة المحاضرات للمنتسبات وتاخذي الملخصات اول باول
ونصيحتي كملي تعليمك الله يوفقك يارب

انا صارلي سنتين من خلصت ثانويه ومفكره ان شا الله اكمل السنه الداخله جامعه او اي شي يفيدني لان ودي اشغل نفسي بشي يفيدني

الله يكون بعونك ان شاء الله
ادخلي معهد…
لانه المدرسه لو تروحين مافي الا انتساب
روحي شوفي المعهد والاوقات اللي يناسبك
والله يكون بعونك

الله يفتح علي وعليكم بصراحه رفعتو من معنوياتي
الله يكتب اركم ويفرج همومكم يارب
واجازه سعيده باذن الله
يعطيكم الف الف عافيه

اترك تعليقاً إلغاء الرد