يـا أنيقـه آسـف بشـده علـى هالحوسـه
غرفتي تشبـه كثيـر أوضاعـي المحيوسـه
مـا توقعتـك أبـد بتجـيـن ! فاجأتيـنـي
ع العمـوم الله يحيّـي الطلّـه المحروسـه
وقّفـي لحظـات بيـن عيونـي التعبـانـه
لين أرتّـب لـك أريكـة قلبـي المشموسـه
واجلسي بيـن الزرايـر والحشـا الافريقـي
وائذني لي للبكي .. بيذاكر معـاكِ دروسـه
شاعـرك .. فوضـاه علّمتـه يرتّـب حبّـه
أنتي .. ثمّ الحزن .. ثمّ دموعـه المحبوسـه
والدّموع اللي على وصلي ووصلـك تنـزل
ترفـع بنزولـهـا أعلامـنـا المنكـوسـه
هذا إنتي؟؟ ماني مصدّق .. ولا ني مكذّب !!
آه مـن بـرد الجفـا ورياحـه المتروسـه
وايه حنّا نـاس غيـر النـاس يـا حوريّـه
روسنا ما هيب لضعـاف البشـر مريوسـه
لي افترقنا نبتسـم ! ولـي التقينـا نبكـي !
ويـا فديـت جنوننـا واشياءنـا المعكوسـه
مرحبا .. ترحيبـة البـدو العزيـب الرحّـل
بالمطر .. لاوّل هشيـم الماحلـه المعبوسـه
صح هذا انتي ! وهـذا عطـرك السمياكـي
وهذي بوهة وجهك اللي بالضحى محموسـه
وهذي ربطة شعرك البيضا .. وذا خصلاتـه
كنّها في زيـت زيتـون الشفـق مغموسـه
وهذي الوانك .. وهـذا المعطـف العنّابـي
وهذي ساعة يـدّك المحظوظـه المنحوسـه
لا هي اللـي طالـت أصابعـك وتشابكهـا
ولا هي اللي قريبـه مـن عاتقـك وتبوسـه
وهذي مشيتك اللي من صغرك ما غيّرتيهـا
هالبشر يخجـل يضـر القـاع ولاّ يدوسـه
الجمـادات الـرذاذ .. تهمـس لا مرّيـتـي
مرحبـا يالناعـس المحشومـه الطاووسـه
قولي والله انك انتي معي ! ماني مصـدّق !
لا تلوميـن الحـواس الشـرّد المهـووسـه
كل ما غنى لـي الغيّـد بصـوت مواصـل
شلّهـا قلبـي وركّبهـا عـلـى منكـوسـه
صـورةٍ فـي البـال لـك معامـد اتخيّلهـا
أقرب احيانـاً مـن المحسوسـه الملموسـه
وانتي لـو مـا كنتـي فيـدّي ولا كنتيلـي
لحظتك عن عام .. كـل ليلـه مـع عوسـه
لانّـك الأفخـم إسـم .. والأبسـط انسانيّـه
ولانّك الوجه التقي .. والطيبـه المغروسـه
ولانّي أحبك محبة عمق .. مـا هـي نـزوه
أسمى من حب الجسـد .. وللهوى ونجوسـه
يا أنيقه .. آسـف بشـدّه علـى هالحوسـه
لهجتي تشبـه كثيـر أوضاعـي المحيوسـه
مـا سألتـك ليـه جيتينـي .. ولا ضيّفتـك
ما ابي أخرّب على جو الوصـل وطقوسـه
ليه جيتي؟ أسألك .. وانا اعرف وش جابـك
طاب شجر الغاب والحطّـاب قـرّب فوسـه
لا تقولين اني أرخصتك .. وانا ما ارخصتك
ولا تقوليـن اشتـراك المشتـري بفلـوسـه
ولا تقولين ان هالمره .. هـي آخـر مـره
اتركي لي حلـم بعـد احلامـي الميئوسـه
انا شاعر .. حلمه اللي سـوّا منّـه شاعـر
الذهـب والعالـم الجديـد .. دم ضروسـه
يا أنيقه .. لو خذوك وسافـروا بـك عنـي
الارض صدري .. والسفر من قوسه ليا قوسه
ليت صيت الجد مـا ينفـع سخيـف احفـاده
وليتها هالحيـن وان الكـل شـارب موسـه
وليت .. نقطه نقطـه نقطـه نقطـه نقطـه
ما ابي أغلط في الزمـن والعالـم المنفوسـه
ما اعرف شو اقول .. ولا اعرف ايش اسوّي
الحزن .. طلّت من ابـواب الليالـي روسـه
انسي كل اللـي حصـل هاللحظةوضمّينـي
يا خسارة عمري اللـي راح ويـا ناموسـه
والله ان امه دعت لـه تحـت بـاب الكعبـه
واحدٍ حطّـك فـي بيتـه يالغـلا عروسـه
يعطيك العافيه حبيبتي
ولا تقوليـن اشتـراك المشتـري بفلـوسـه
ولا تقولين ان هالمره .. هـي آخـر مـره
اتركي لي حلـم بعـد احلامـي الميئوسـه
دانة الشام رائعــة كعادة في اختيارك
سلمت يمينك وسلم ذوقك الراقي
والله ان امه دعت لـه تحـت بـاب الكعبـه
واحدٍ حطّـك فـي بيتـه يالغـلا عروسـه
صَــحٍ لِـسَــآن ـألـشَـآعِــرـر ..
و سَـعـد عَـلــوشٍ مِـن ـأروعٍ ـألـشُـعَــآر ..
و مُـبــــدعٍ ..
تـسـلـمـيـّن دآنـَــة ـألـشَـــآمٍ ..
عَـلـىآ ـإخـتـيَـآركـّ ـألـمُـمَـيـَــز ..
مَـآنِـنـحَــرمٍ يـَــآرب ..
و بـِ ـإنـتـظـَـآر ـألـجَـديــد ..
.
.
شـمُـوخٍ ـألـعِــز ..,,
تكرمو انشالله
وانتو اللي الله لا يحرمني من مروركم
والله ان امه دعت لـه تحـت بـاب الكعبـه
واحدٍ حطّـك فـي بيتـه يالغـلا عروسـه
قصيده جدا رائعه
تسلمى دانه
ويسلم ذوقك
الحلو
واناملك الحلوه
ماشاء الله عليك قصيده جدا رائعه
تسلمى دانه
