وصفتي اللي مشيت عليها شهرين ونزلت 10 كيلو ولله الحمد

بالبداية انا عندي تكييس
واكيد هالمرض يسبب زيادة بالوزن
والحل المثل له إنقاص الوزن ..

المهم قررت اني أروح لأخصائية تغذية ورجيم ..
وعملت تحاليل وأخذت نظام غذائي مميز بصراحة لكنه ممل ..
مشيت عليه فترة وبعدها عملت شوي تعديل للرجيم وبلغت الدكتورة ورحبت في التعديل
ولله الحمد نزلت 10 كيلو بشهرين والحين وقفت راحه شوي <<< مفلته هاذي

وقررت خلاص ارجع انقص الــ10 كيلو الباقيه ..
وصفتي ::

1- فطور : بيضتين مسلوقة ( او جبنة منزوعة الدسم )+شريحتين توست أسمر + عصير برتقال( او شاي بسكر دايت )
2- غداء : شوربة خضار مسلوقة مشكلة فقط ملح وفلفل + دجاج او لحم أو سمك ( مشوي او مسلوق فقط )
3- العشاء : سلطة مشكله .
( بين الوجبات : حبة فاكهة أو قطعة شوكولاته )
( ممنوع المقليات والزيوت بأنواعها – ممنوع المشروبات الغازية إلا الدايت منها – ممنوع القهوة – ممنوع السكر العادي سكر الدايت فقط )