حبيباتي كيف حالكم
يارب يسعدكم ويرزقكم من حيث لا تحتسبون
حبيت اسألكم
انا حاليا اجرب خلطة ( السدر مع الخروع وزيت الزيتون وماي البصل والثوم)
الخلطة وحدة من العضوات كاتبتها
ومن اسبوعين صرت ابشر الثوم والبصل وافرك فيه فروة الرأس
بعدين احط السدر والزيوت مع ماي عادي فوق البصل والثوم
إلى االان سويتها 3 مرات ..
وبين كل جلسه سدر واخرى احط ( زيت الحيا ) جابوا لي من مصر
وكان عندي ( زيوت الخلطة العجيبة) جبتها من العطار عبارة عن عدة زيوت
سؤالي :
أنا احط السدر وقبل الجلسة الثانية احط مرتين زيت
هل استمر على زيت الحيه فقط
أو عادي احط زيت الحيه مع زيوت الخلطة العجيبة ؟؟؟
تكفون ابي رأيكم
محتاجة للأمور هاذي قبل العرس
إلى الآن ما تحدد عرسي
وقلت بس يتحدد بترك الثوم والبصل واكتفي بماءه
لأن شوي في البداية ريحته قويه
الأمر الآخر
كنت استعمل شامبو صانسيلك وحاليا استعمل كلير مع البلسم تبعه ..
أوك كذا …
وعندي شوي فراقات من ورا ..
ويارب ينفع قبل العرس
اللي تدخل
تكفون طريقة الثوم والبصل صح مع السدر
والزيوت شلون عنها
واي نصيحه تكفون لاتبخلون علي
وبالتوفيق حبيباتي
بنات وينكم
حبيبتي الثوم معروف يطول بس ريحته قووية والسدر له فوائد للشعر كثثثثيرررة
انا مااعرف خلطتك بس مكونتها حلووة ودايم يمدحونها
ماجربت زيت الحيه ولاكن قرئت اكثر من موضوع يمنع ويحذر من خلط الزيوت
الله يسهل ويتمم زواجك على خير
ياااعمري
مشكووووووووووووووره على ردك
ماتقصرين
بس انا زعلانه على باقي خواتي
ليه مافي رد منهن
حبيبتى التزمى بخلطه وحدة فيك تستعملى زيت الحيه لوحده لانه نتائجه حلوووة مرة
وكمان خلطة البصل والثوم استعمليها لمدة شهر بس وبعدين غيرى لخلطه ثانيه
اما عن الشامبواستعملى النوع المناسب لنوعيه شعرك مع البلسم
واستمرى عليه لان التغيير كل فترة يسببلك التساقط
وعليك بزيت السمسم والخروع حلوين لششعر
محبتى
