السلآم عليكم ورحمه الله وبركاته ..
انا ابدخل بمشكلتي ع طوول انا بنت ماعندي ثقه بنفسي ..الصراحه تعبت من الضغوط والله ودي ابكي بس كل مره اقوي نفسي عيال خالاتي دايم يعايروني يقولون يالسمراء يام شفايف كبار خلاص والله احسني مافيني ثقه خلاص كل مره اروح لازم يعايرون احسني ابشع وحده حتى العزايم الكبيره صرت ماروح اقول فيه هناك حلوات من بيطالع بوجهي وانا كثير اللي قالوا لي مملوحه وانا ماني حلوه وجميله بس مملوحه وكمان مره ابوي مدح اختي قدامي مادري ليش بكيت بس انا كنت مومقتنعه بشكلي واقعد اطالع بوجهي احس اني شينه انا الصراحه اللي يمدحوني فيه جسمي وشعري ..بس والله صرت اكره اروح عند خوالي 
مادري شسوي تعبت ..
مدري وش اقولك احس من مواصفاتك انك حلوة بس الناس اللي يعايرونك زالوا ثقتك بنفسك
ترى اذا قلتي عن نفسك انا شينة تنعكس للاخرين انك شينة بس اذا اقنعتي نفسك انك حلوة وقلتي انا حلوة بشوفوك حلوة
واهم من هذا كله العافية احمدي ربك على العافية وتذكري ان في ناس مريضين وناس معاقين وناس مشوهين والله لو تذكرتي هذا الشي راح تقتنعين وتزيد ثقتك بنفسكن
وانصحك بالدعاء ان الله يزيدك جمال
وتقبلي مروري
ياسلام عليك وتحبطين نفسك وتدخلين في هم وغم ومانتي رايحه لخوالك علشان قالو يالسمراء يام شفايف
وليش ماتردين عليهم حبيبتي وشفيه السمار اناس برا تتشمس علشان تبي اللون البرونزي وانتي ماشاء الله ربي وهبه لك
والحريم الحين تكبر شفايفها تبغا الجمال وليش ماتردين تقولين من اللي خلقني انتم تسبوني ام تسبو صنعه الخالق
تعوذي من ابليس وخليك واثقه انتي اجمل انسانه تدرين ليش لان الباري خلقك فاحسن الخلقه انتي كامله لم تنقصي خشم اوعين اوشي
احمدي الله وذكريهم بما قلت لكي والله يسعدك
هل الجماااال شرط لدخول الجنة؟؟؟؟
ثقي بنفسك مهما كنتي
يا أختي شوفي الشيطان أشغلك بنفسك!!!!!
يالغالية احمدي الله واشكرية على نعمه
عندك نعم كثيرة….
بعض الناس يتمنااااااااااها لو بالملايييييييين
لذلك…
اشكري الله …وأي أحد تكلم عليك ….
قولي الجماااال مو شرط لدخول الجنة..
تقبلي مروري بصدر رحب
انا اعرف وحده كانوا يقولوا عنها شيفه وفجااااااءه صاااااارت شيك لابعد الحدود بكل ماتعنيه هذي الكلمه وصاااارت بيضا وصار الكل يمدحها انتي اهم شي اهتمي بنفسك ولاتسمحي لاحد يأثر على نفسيتك
مشكوريين كلكم ع الردود الحلوه ..
والحمدالله ع النعمه اللي انا فيها ..والله فرحتوني بردودكم ..
ماشاء الله ردود بعض الأخوات قمة الروعة
لكن ياحبيبتي ماعليك من الناس أنا دايما يعلقوا علي صح أنه يحبط شوي بس أنا أحاول أرجع ثقتي بنفسي
لاتهتمي لكلامهم أنتي حلوة وصفاتك حلوة
وصدقيني ربما تقابلي فئة من الناس شغلها الشاغل أنها تحبطك وماتشوف فيك ولا نقطة جمال
بس رح تقابلي فئة راقية من الناس هي التي تدرك مدى جمالك صدقيني
لاتحكمي ع نفسك من خلال نظرة بعض الناس لك والذين ربما لايفقهون من الجمال شيئا …
….. ولايغلبن جهل الناس بك علمك بنفسك اي أنتي اعلم بنفسك لاتجعلي جهلهم بك وبجمالك يسيطر عليك وينزع ثقتك بنفسك
وفقك الله ياحلووة
السلام عليكم ورحمة الله وبركاته
ياعزيزتي انت
راح اقول لك كلمتين ثلاثه بالاضافه للكلام الرائع الذي لايعلى عليه والذي قيل من قبل السيدات الفاضلات من قبلي
خذيها قاعده وقانون
كل من يعيب في اشكال الناس هو انسان لايملك من الثقه بالنفس شيء
لا بل ويشعر بالنقص
لديك شعر جميل وجسم جميل ؟؟
وتريدين اكثر من ذلك؟؟
تاج المرأه هو شعرها
اما اذا اضيف عليه قوام جميل فهي تخطف الانظار بجمالها وروعتها
مايلزمك عزيزتي هو فقط العنايه بنفسك واختيار مايناسب لك والاعتناء باناقتك
اما الشفايف فياعزيزتي فالذي اعرفه ان موضة الشفايف المملوءه هي التي دارجه ومرغوبه الان
اما عن السمار فاعلمي ان من يعيبون شكلك انما يجدون فيك جمالا يثير غيضهم وغيرتهم
وفوق كل ذلك ياعزيزتي فالجمال جمال الروح
يكفي ان تغطي وجهك ابتسامه رائعه وبريئه لكي تضيف على جمالك جمال
دعك من سخافات بعض الناس وفضاوتهم
فان انتبهت على كل كلمه تقال فاعلمي انك ستعيشين تعيسه مدى الحياة
ثقي بنفسك واحمدي واشكري ربك على تمام الخلقه وحسن الصوره وعدم وجود عوق لاسمح الله في جزء من اجزاء جسمك
تحياتي لك غاليتي
