مستواي في الدراسه نازل ساعدوني

تكفون ابيكم تساعدوني و تعتبروني مثل اختكم او بنت من بناتكم "
انا بنت عمري 14 سنه , سنه ثاني متوسط انا مشكلتي اللي الحين اني احس ان مستواي بالمدرسه نازل مدري ليه مع اني في اول متوسط درجاتي كامله بالنصف الاول جبت نسبتي 99,29 و النصف الثاني كانت 99,57 ماشاء الله و الحين بثاني متوسط صرت متغيره مره نفسيتي تعبانه مره من الاختبارات و ما اذاكر مثل اول يعني تعبت وضميري الدراسي ميييت الحين احنا في ايام اختبارات الفتره الاولى ابلة العربي منقصتني درجتين من المشاركه تقول انتي كثرة كلام بس ما احس اني مره اتكلم و تقول معك مهله من هذا اليوم تغيرين من نفسك وتعدل الدرجه المهم ابلة الدين تنقصني من درجات المشاركه تقول انتي قليلة ادب بس و الله انا ما اسوي شيء يعني ممكن كلمتين مع وحده من البنات بعد ما تخلص الابله الدرس و صار لي موقف مع ابله الرياضيات خلصت شرح و انا شفت شعري بالمرايه عادي بسرعه يعني قامت اخذت المرايه و كسرتها و هزأتني و قالت كلام ما ينقال على مرايه و يعني مره احس اني صايره مدري كيف ويعني ساعدوني و الله احس اني مشتته قلت لصديقاتي قالوا انتي متغيره مره مدري ايش و امي تقول تعدلي مع الابلات لانك متغيره امانه انا خايفه كثير وكلهم حطوا اللوم علي و ادري انه الاهم درجات الثانويه لاكان مدري احس اني ابي اكون على طول متميزه ساعدوني مدري شسوي ساعدوني تكفون و معليش على الاسلوب لانه مدري كيف انا خايفه مره لا تخوفوني حاولوا تفهموني بهدوء الغلط مني ولا منهم ساعدوني ربي يسعدكم

اسال الله ان يوفقك لما يحبه ويرضاه