السلام عليكم ورحمة الله وبركاته
حبيت اطرح موضوعي بهذا القسم لانه حسيته مناسب
قصتي مع كوفيرات المنازل
طفشت من انتظار المشاغل
وقلت خليني اقرأ في النت واللي ارتاح لها اخليها تجيني البيت
طبعا اخواتي عارضوني كل المعارضه كيف تاخذين وحده ماتعرفين عنها شي
قلت قلبي دليلي
المهم
اتصلت على وحده وقلت ارسليلي مكياجك بالصور
عين وحده حتى احكم عليك
طبعا ارسلتلي وطلع شغلها حلو ووريته اخواتي واعجبهم بس مو واثقين منها يمكن مو شغلها
طبعا حجزتها وتوكلت على الله
وقبل زواج اختي باسبوع قلت اراسلها من جوال ثاني تراها تجيني نفسها او ترسل وحده
راسلتها من جوال ثاني
وقالت خلاص اجيك باليوم اللي تبغينه
طبعا نفس اليوم اللي بتجيني في الموعد اللي راح
ورجعت راسلتها من جوالي
قالت مين انتي
ياسلاااااام
اللحين مو حجزتك؟؟ يعني انتي ماسجلتيني
معناها مو انتي اللي راح تجيني
طيب الشغل اللي ارسلتيه شغلك ؟؟
قالت عندي اكثر من وحده
قلتلها ماعلي منك كيف تواعدين اكثر من وحده في نفس اليوم
قالت كلنا زي بعض
قلت انا ابغى الشغل اللي في الصوره
انتي ماعندك امانه
خلاص بكلم غيرك وبحجزها
طبعاً ماتبت لازم اتلقى ضربه اخرى
كلمت ام فلان قالت خلاص اجيك بالموعد المحدد
وقالت ارسليلي رساله
وارسلتلها ورجعت اتصلت علشان ااكد الموعد
تخيلو
قبل الزواج بيوم واتصل عليها قالت مين انتي؟؟؟؟!!!
ياااسللااام كمان ضربه
كيف مين انا
انا اللي اكدت الموعد
وعصصصبت وقامت تهدي فيه وطبعا كسابقتها قالت كلنا زي بعض وشغلنا واحد وارسلك وحده شغلها مثلي
قلت يالله خليني اثق فيها للمره الاخيره
لان مافيه مجال اروح مشغل
وطبعا جات وحده تشاديه على الساعه 4 واعطيتها صوره وقلت سوي مثلها
الصوره طبعا حلوووه جدا
وقامت تشتغل
وانا في قلبي قلت الله يستر
خلصت المكياج
رحت اطالع في شكلي
ياااسللااااااام تححححححفه
كني مهرج
قلت اخواتي اللحين بيتريقوا عليه
ويقولوا محد قالك ماتسمعين كلامنا
ياخت عدلي فيه
وجهي كله يلمع
عدلته وهي معصصصبه
طيب حواجبي سويها عدليها
قالت مافيه مجال تقول خبرتها 15 سنه طيب طول هالمده ماتعلمتي تتقني المكياج وتمشي مع الموضه
حتى الظل اقول عدليه تقول مافيه مجال
اللي في المشغل تقدر تدمج الالوان وتخليها حلوه لو كانت خربانه
شعري بني وحطته اسود واضافت بني فوقه
طلع تشكيله بني واسود
في المشغل اذا قلت عدلي تعدل بس هذي تقول لا
نجي للشعر
قلتلها انا مستشوره شعري يعني خفضي في السعر
قالت السعر واحد محد قالك تستشورين شعرك
ياسلام
اذا ماتبغي عادي نروح
قلت خير وين تروحين
سويني وتوكلي على الله
واخذت كامل سعرها مع سعر توصيل السياره
بالرغم ان السياره لهم
ماعلينا
شفتو قصتي
اتعضوا منها ولاتفكروا تجيبوا كوفيرات للبيت
ترى اصابعك مو سواء في منهم بنات حلال ويلتزموو بي الموعد
لااااا انا اللحين تأكدت انهم مثل بعض
اهم شي فلوس
موفقة عزيزتي
موفقة
ادخلي انستقرام بس وقت يكون مافي مناسبه بس تجربه جربي وشوفي في ناس كويسه في انستقرام يعني انا اسوي عندهم يعني يجو البيت ويسوو
صح اصابعك مو سوا
جتني وحده و ربي سوتني قلت لها عدلي و قالت اهم شي رضاك
لين اتقنت اللي ابيه
و فيه ناس ماعندها لا ذمه و لا ضمير حسبي الله عليهم
لااله الاالله
