عنق الرحم عند الشهر التاسع
حبيباتي شنو سالفة عنق الرحم معاي انا حملت اخر حمالتين وعنق الرحم بالتاسع يكون عندي مرتفع يعني شنو مرتفع والله العظيم ماأدري وبعدين يقول الدكتور البيبي مانزل بالحوض هذه ثاني حمله جذي ياربي والله مادري ليش شنو الاسباب الي تخلي البيبي ماينزل بالحوض 
أبي تجاربكم ما أبي بس كلام والي ماعندها خلفيه ابي دعوه من كل قلبها 
الله يسهل ولادتك حبيبتي وتقومي بالسلامه انت وجنينك وما تحتاجي للقيصريه
انصحك بالمشي ثم المشي ثم المشي
افضل شيء لك الأن هو المشي وان شاءالله ما بيجي موعد ولادتك الأ والجنين نازل الحوض
نفس كلام اختي الفراشة لأنة المشي لها دورمهم للمرأه في شهر التاسع واكل التمر كمان
والله يسهل عليكي يارب
موفقة
تحياتي دمتي بخسر وسلامة
اختك هــيما
شكرا يا بعد عمري للفراشه وهيما ما قصرتو والله بردودكم بس أبي أقول ان التمر ياربي أنا يعني ما قاعده أكله كلش والمشي الحين بديت فيه والله الحين صارلي ثالث يوم أمشي بس عاد شنو ما أقدر أمشي هذاك المشي الي ساعه أو أكثر لا بصراحه والله امشي نصف ساعه والله واحس عيوني تطلع من التعب لاني واااايد ثقيله وانتو يمكن عارفين الي فيها بنوته اشلون حالها بس أبي أسال عادي كل يوم امشي نص ساعه استفيد يعني والله واذا قدرت امشي اكثر يابختي هذا حدي لاني ثقييييييله حدي ماتتصورون اشلون ثقل بالافخاذ والمقعده
أختي حاولى تتمشي كثيرا …أكثر من ساعة في اليوم …وان لم تقدري ممكن نصف ساعة في الصباح ونصف ساعة في المساء ولكن اعلمي أن المشي الكثير وأكل التمر سيفيدك ان شاء الله.
ادخلي لهذا التجمع…وأي سؤال ضعيه هناك …والبنات هناك سيفدنك وأنا سأدخل مرة على مرة هناك …ولكن ان كنت مستعجلة على الجواب ممكن ترسليه لي على الخاص وأنا سأجيبك عليه بحول الله في أقصى مدة *48 ساعة*…وهذا رابط التجمع الخاص بحوامل ال3 شهور الأخيرة .
http://forum.sedty.com/t325047.html
يا رب يسهل طلقك وولادتك ويرزقك بطفل سليم معافى…ويا رب يرزق كل منتظرة ويرزقني.
