السلام عليكم ورحمة الله
كل سنة وانتو بألف خير وصحة
النهرده عملنا عاشوره والطريقة دى قديمة جدا وهى الاصلية جدتى هى اللى معلمهالنا
نيجى للمقادير:
ربع كيلو قمح مقشر
6 ملاعق كبيرة سكر
كوبايتين ونصف لبن حليب
كيس فانيليا
ملعقتين كبار نشا
مكسرات للتزيين وممكن معاهم قرفة
اول حاجة هننقع القمح ساعتين قبل مانسلقه وبعدها نسلقه بس بعد 10 دقايق نرمى مية السلق ونحط ميه جديدة لأن هيبقى لونها اصفر ومش حلوة
هيستوى بعد ساعة تقريبا ودى صورته وهو بيتسلق
بعد مايستوى هناخد حوالى معلقتين كبار نعينهم فى طبق على جنب
بعد كده نضرب اللى استوو بالخلاط اليدوى او بالخلاط العادى
وده وبعد ماتضربو
بعد كده نصفيهم
بعد كده نضيفلهم نص كمية اللبن يعنى كوباية وربع ونضيفلهم السكر ونقلب
ونرجعهم تانى ع النار ونسيبهم يغلو واحنا بنقلبهم وممكن نغطى عليهم المهم انهم يغلو
فى اثناء والقمح المخلوط هو واللبن بيغلو هنجيب بقية كمية اللبن ونضيفلها النشا ونقلبهم
ونضيف عليهم الفانيليا
فى اثناء واحنا بنعمل كده هيكون القمح المخلوط باللبن اللى
سبناه ع النار غلى هنضيفله اللبن بالنشا مع التقليب المستمر عشان النشا
متكلكعش
بعد كده هنحطله القمح الصحيح اللى سبناه فى الاول فى طبق على جنب
ونقلب لمدة دقيقة واظن باين من شكله انه بقى غليظ جاهز على الغرف
وبالهنا والشفا
مشكورة على الطريقة
يعطـــــــــــــــــــــــــــ ــــــــيك العافـــــــــــــــــــــــــ ــــــــــــــية ابـــــــــــــــــــــــداااا اااااااااااااااااااع والله يجــــــــــــــــزاك خيــــــــــــــــــــــــــــ ـــــــــــــــــــــــــر
يمي يمييييييييييييييييي امووووت على هالاكلة
ونحنا بسوريا يوم عاشوراء لااازم هالاكلة واسمها عندنا حبوب ههههه
ياي شو طيب تسلم ايديكي
تقييمي
تسلمو ياقمرات
نورتو موضوعى
يسلموووووووووووووووووو ايديكي
|
المشاركة الأصلية كتبت بواسطة يمامة القدس
 يسلموووووووووووووووووو ايديكي
|
تسلمى ياقمر
روووووعة
تسلمين حبووووبة
