السلام عليكم
انا تعرفت ع شخص لي 3 سنين وكنت احبه والشيطان زينه بعيني مدري فضاوه ولا عشاني مغتربه
المهم انه كان يخونني حيل ومع بنات كثير
اخر مره تركته بشهر رمضان وصار لي شهرين ماكلمة ومحظرته بالجوال مكالمات والواتس حاذفه حسابي فيه
ومشاكلي معه كثيره
لكن صار لي يومين يرسل ع ايميلي وانه ندمان وووو
وانه مافي احد بحياته غيري ويحبني ومدري ايش من هالكلام الفاضي
المهم ي بنات تكفون انا افكر اغير باسوورد ايميلي واقطع علاقتي فيه ابداً
وش رايكم ؟ ولو عندكم طرق اخرى
انا الحمدلله تبت لله واحس ارتحت من توبتي وعقلت وحسيتها نزوه وراحت ومابيه للعموم هو ماعمري ارسلت له صوري ولا شي الحمدلله ولا حتى يعرف شكلي ابداً 3 سنين ماعمره شافني
انا قررت اتفرغ لدراستي عشان ربي يوفقني كنت متفوقه ومن الاوائل وداخله تخصص طبي بس من عرفته حسيت ربي حارمني التوفيق بسببه والراحه النفسيه وكل شي
بس احس الشيطان يوسوس لي انه ممكن يضرني بنشر رقمي وحتى معلوماتي غلط اللي معطته اللهم اسمي يعرفه وتخصصي وعمري
ساعدوني الله يستر عليكم ويتوب علينا اجمعين
تكفون ي ادراه نزلو موضوعي
حبيبتي خذيها قاعده كل الرجال بذا الزمن غدارين وكذابين ويضحكون ع الوحده بالكلام المعسول .. انتي الحين ماشيه بالطريق الصحيح دامك تركتيه هو اصلاً دامه كلمك معناته رح يكلم غيرك .. غيري شريحتك وايميلك وكل شي واختفي فجاءه من حياته رح يمل ويروح .. الله يثبتك على دين الله ويقبل توبتك ..اهم شي لاتستمرين معاه وترجع حالتك اصعب بعدين ذا شي حرام وانتي ذكرتي ان الله حارمك التوفيق بسبب هذا الشي المحرم اللي انتي تعملينه لاترجعين له وغيري كل شي والله ترتاحين .. الله يوفقك ويريح بالك
|
المشاركة الأصلية كتبت بواسطة فرح.
 حبيبتي خذيها قاعده كل الرجال بذا الزمن غدارين وكذابين ويضحكون ع الوحده بالكلام المعسول .. انتي الحين ماشيه بالطريق الصحيح دامك تركتيه هو اصلاً دامه كلمك معناته رح يكلم غيرك .. غيري شريحتك وايميلك وكل شي واختفي فجاءه من حياته رح يمل ويروح .. الله يثبتك على دين الله ويقبل توبتك ..اهم شي لاتستمرين معاه وترجع حالتك اصعب بعدين ذا شي حرام وانتي ذكرتي ان الله حارمك التوفيق بسبب هذا الشي المحرم اللي انتي تعملينه لاترجعين له وغيري كل شي والله ترتاحين .. الله يوفقك ويريح بالك
|
والله نصيحه من اخت لاختها
اتركيه وكان شي ماصار حتى مجرد ذكرى لاتتذكرين ابد
ولايوسوسلج الشيطان وترجعين ديري بالج
وخلي ايمانج بالله قوي
وادعي الله بصلاتج يقويج وينسيج ويوفقج اهم شي
والله ماورا هالسوالف غير الضياع والدمار
انهدمت بيوت وتفككت علاقات واااايد بسبب هالاشياء
ساعات اقول الله لايرحم من اخترع التكنلوجيا والتواصل الاجتماعي
وصل لسهوله مو طبيعيه الواحد يقدر يتكلم ويتعرف ويتقبل
صار شي عادي وعلني
والله ياان من هالسوالف البنات اندمروا وانحرموا مدرسه وجامعات واشياء وايد
والله مايسوى كملي طريقج الصح انتي صح
وكل ماتذكرتي تعوذي من ابليس وروحي صلي واستغفري
والله يوفقج وويوفقنا 🙂
من ترك شئ لله عوضه بخير منه
أختي كل ما تذكري استغفرك الله وأن شاء الله ييسر أمورك
الحمد لله يابنتي انك فقتي من الغفلة اللي كنت فيها
استمري على توبتك وربنا يعوضك بالزوج الصالح
وغيري كل ارقامك وابتدي حياتك من جديد وبدون ذنوب بعيدا عنه وعن كذبه
واهتمي بدراستك وربنا يوفقك يارب
ممتازه وانتي كذا ارضيتي ربك ووالدينك ونفسك اما هو في اللي مايحفظ العدو وانتي كم سنها وتتزوجين وتبدين حب شريف مافيه تعذيب ضمير ونكد الى الامام اختي
