حبيباتي عضوات المنتدى الغالي
انا في موقف صععععب جدا
انا متزوجه ولي سنتين وماعندي عيال الى الان
نبدأ بالمشكله
.
.
.
من يومين زوجي قال لي باسافر بعد اسبوع للبحرين
عاد انا قلت ماتسافر برا السعوديه الا ورجلي على رجلك
قام يضحك ضحكة استهتار ويقول مستحيل تطلعين برا المملكه
انا عصبت وقلت والله ماتطلع برا المملكه الا وانا معاك <<ركبني العناد
وقلت بعد::
لي اكثر من شهر وانا اقولك ودني عند اختي بالشرقيه وتقولي ماعندي فلوس
والحين اشوف طلعت قروشك
قال عنادا لك رايح رايح البحرين ولحالي
ارتفع ضغطي وطلعت برا الغرفه وسكرت الباب بقوه
ورحت ع الصاله وجلست افكر وافكر وعجزت عن التفكير 
ورجعت للغرفه وانا ساكته ولا كلمه
قام يقول والله البحرين فله <<هو راحهها قبل كذا بس قبل لانتزوج
قلت وش اللي فيها فله
بس مافيها مسطحات خضراء زي اللي في اليمن على سبيل المثال بس
قال
اروح هناك عشان السينما واتمشى
قلت خلاص قد رحت قبل كذا مافي داعي انك تروح مره ثانيه
وبعدين انا حبيبتك ومن حقي اغار عليك
وراح احفظك من الحرام
<<بصراحه اللي سمعته عن البحرين وترني
قال لو بخرب كان خربتها هنا اروح اخربها هناك يعني؟
قلت بس المغريات هناك كثيره
<<ولما وصلللت حددي>> قلت لو تبغى تروح للبحرين لحالك
عطني ورقتي وروح
والله مااجلس وياك ولا دقيقه
وطلعت من الغرفه تركته وما رجعت الا وقت النوم وامس كل شوي يقول باروح للبحرييين ويناظرني يبي يرفع ضغطي
سويت نفسي مااسمع 
الحين يابنات وش اسوي لو راح للبحرين
انفذالكلام اللي قلت له واروح عند اهلي واطلب الطلاق عشان ماتنكسر كلمتي؟؟
ولا ايش؟؟
واللي قاهرني انه راتبه على قد حاله
المفروض يصرفها على اشياء تستاااهل
واساسا نفسيتي تعبانه معاه كل يوم يرفع ضغطي بشي واروح لحالي وابكي
وياما تنازلت وتغاظيت عن اشياء نفسي فيهاومع ذلك احبه
بنات تكفون ابي الحل الشافي وبسررعه لانه بيسافر ع الاسبوع الجاي
وماابي كلمتي تنكسر
لو منك مستحييييييييييييل اخليه مع اني الحمدلله واثقة من زوجي واخلاقة ودينة الحمدلله بس بنات الناس الله يستر عليهم محد يسلم منهم .
لما نروح السوق في بنات من جرأتم عين بالعين جدامي يشوفون عليه ويتفصفصون بنظراتهم في والمصيبة انا جنبة ولا حياء وخجل .اخ عليهم هذولا الاشكال الي ما متربيات .مرة كنا مسافرين وحدة تبس بس لرجلي تغازله ؟؟!!!!
شوفي حبيبتي الحل الوحيد الطناش ولاتخربين بيتك على شي تافة وصدقيني دام انك هدديتة بانك راح تطلقين ماااااااااراح يروح انااااااااااااا جربتها واذا اتكلم وحاول يرفع ضغطك لا تردين علية نهائيا وعليك بالدعاء فقيام الليل وانشالله ربي يسخركم لبعض
ما تخربي بيتك مشان هيك اشي !! الله يهدي سركم يا رب
لا تروحي بيت اهلك وتخربين بيتك وطنشي ومن يكولك بسافر اضحكي وغني كانك ماتسمعين واتصرفي عادي والبسي وحطي مكياج وكان شي صار
الله يهديه يمكن بس يبى يرفع ضغطك لان الاوضاع بالبحرين مو كويسه
يعني ما اعتقد بيروح
الله يهديه
أختي الرجال إذا براسه شي مستحيل يتنازل عنه
خصوصا إذا زوجك من النوعية اللي تحب العناد فهو بيعاندك ويروح بعد ماشاف ردة فعلك
وتراها طبيعية غيرتك عليه وزعلك بس اختي ماتوصل للطلاق وتذكري أنه أبغض الحلال عند الله لاتبنين نيتك بطلب الطلاق فقط على تصرفه هذا
وأنصحك أختي بكثرة الدعاء له بأن يحفظه الله من الحرام وأهم شي أستودعية الله مو بس اول مايروح كل وقت رددي (( اللهم أني أستودعك زوجي وحواسه التي لاتضيع ودائعة ))
وحاولي بطريقة تجذبه او تحنن قلبه أن زعلك ماجاء الا من حبك له وغيرتك عليه وبيني له انك واااااااثقه فيه
وصدقيني لما تقولين له أنا واثقة انك مارح تلتفت للي حرمه الله بإذن الله صداها يتردد باذنه والله يبعد عنه الحرام
ولاتخلي فبالك انه رايح علشان الحرام ماهو قالك تمشيه وسينما والله بتتعبين حالك
ومقدره اللي تحسين فيه أسال الله أن يرد هذه السفره عن زوجك ..
