سلام عليكم
مرحبا
انا دينا ام عزيز ، عمري 19
بطلة الرواية
كل اللي اقوله حقيقي 100%
راح اكتب قصتي بارتيات ، اذا شفت تفاعلكم وحمستوني بكملكم القصه .
أنأ دينا ، بنت امي دللتني كثير ، وابوي مايقصر علي ب شي ، عيشوني اميرة ، اعطوني كل اللي ابيه وزود ، وكنا نسكن بيت بأحد احياء الرياض الفخمه ،، ماتفشخر والله بس اعيشكم جو وكذا 
لمن كان عمري 15 سنه ، اخذتني امي معاها لعرس ، وانا مرة خجوولة ، جت امي الغرفه عندي واعطتني فستان جديد لونه عودي مخمل واكمامه طويله ولين الركب ، قالت دينا حبيبتي ألبسيه بنروح عرس ، ورحت تروشت وجت امي والخدامه استشورور شعري البني الجميل قولو ماشاءالله 
اصقعوها كف
بس جد انا اقلكم التفاصيل والله
لمن رحنا العرس ، كانت مرايات الحريم ععند باب الشارع مرة قريبه ، بديت اشيل عباتي واحط الروج واتعطر
وفجأه اانفتح باب الشارع 
اثنين شبأب
واحد متلثم ورافع ثوبه ، والثاني رافع ثوبه وحاطه بفمه والشماغ على كتفه ، يوم شفتهم قعدت ابكي مرة خفت اشكالهم تفجع وخفت لان ماما قد دخلت
قالي المتثلم وش فيك ! وقعد يصارخ ع خويه
وش بها البنت
وهو ساكت ومفجوع ويتلفت حوله
قال والله مسويت لها شي وجعلني انداس بشاحنه ماسويت شي
، قال انتي وش بك
قمت هربت جوا
وانا خاييييفه بغيت ابلل على نفسي <
بس بعد كذا اكتشفت انهم يبون يوصلون شي لأمهم < ام العروسة فشله
ودخلت ورى امي ، اول مادخلنا قعدو يغطرفون ، شفت بنت ماعرفها ، مسكت يدي ومسكت يد امي وقعدت ترقصنا وانا متفشله واثار البكاء على وجهي .
عادي مضى العرس كأي عرس رقصنا وتعشينأ وطلعنا ،
بعد يومين اتصلت حرمة على امي ، وانهم يبون يخطبون دينا واني عجبتهم بالعرس ، امم تبون الصدق كان شعور غريب ، قالت امي اعطونا وقت نشوف رد البنت ونسأل ععالولد
قالت خذو راحتكم
امي علطول علمتني بس كنت عارفه لاني قاعده جمبها
، وافقت بعد الاستخارة وشور امي
والاهم من كذا ابوي سأل عنه وطلع كفو
بعد مرور 3 ايام تماما ، دقت وحده ، رديت قالت وين امك ؟ واعطيتها امي ، سلام وكيف الحال ومن هالحكي
ونبي نخطب بنتكم شفناها بالعرس وعجبتنا
قالت امي قد انخطبت البنيه ، قالت تكفين والله مانقصر عليها والله والله والله ….
انتهت المكالمه وعلمتني امي وانا برضه عارفه لاني اتصنت
امي قالت لبوي
ابوي مارد ولا بكلمه بس كان ساكت
، المهم اتصلت ام الولد الاول واخذو موعد وكذا
قمت من االصبح مرتبكه
جا العصر ، اخذت شور هدى اعصابي ، وشربت قهوة وحلى ومن هالحكي ، بديت اتضبط
ولبست فستان اسود دانتيل نفاشي <متعوب عليها
وفكيت شعري وحطيت روج عودي
وعاد جو االضيوف ، دخلت علي امي وبخرتني وقرت علي وقالت يالله يادينا تشجعي وإخذي العصير ودخلي
لما
خذت نفسي العميق ، شلت العصير ، سميت بالله ، دخلت ، شفت مفاجآأأأه
مستحييييييل
توقعاتكم وش شفت 
ماهقيتها والله .
:
واووو ماشاء الله مرة تفاعل
اصلا احسن انتم الخسرانين كان في سر 🙂 خطير
