ردود ارجوكم عن المس العاشق الي تعرف وحده فيها تقولي اش حركات البنت
هل من حركات الي فيها مس عاشق تضحك بدون سبب وترقص على المرايا وتنام على البطن ابغا الي تعرف مثلا وحده فيها تقولي بضبط وش حركاتها الله يجراها خير وبغا ردود بخصوص المس العاشق كيف تعرفين ان الوحده فيها اولا بدون راقي وشكرا اهم مايكون ابغا رددو
غالبا الي فيهم هذا الشي يحبون العزلة واحلامهم كثيرة وباحلامهم يشوفون اماكن معينة مثل الخرابات او قرى تكون هي مو موجودة بالواقع موجودة باحلامهم ويترددون عليها باحلامهم ويشوفون ناس غريبين بعد مو موجودين بالواقع بس يشوفونهم كثير باحلامهم وغالبا تكون فيهم اشياء مو طبيعية يعني يجون باحلامهم مثلا بشكل خنثى يعني لاهو ذكر ولا انثى او يشوفونهم رجولهم وحدة بشعر ووحدة لا وتصير معاهم اشياء غريبة مثلا يحلمون ان في احد يغتصبهم ويصحون يلقون نسبة المية الي منزلينها فوق الطبيعية او يشمون ريحة كريهة جدا مع الي يغتصبهم باحلامهم ويصحون ويحسون انهم يشمون هذي الريحة وهم صاحين واحيانا يرجعون منها بعد وغالبا يكونون اطوارهم غريبة زي مثلا انهم يتكلمون ويفكرون كثير يعني يجلسون يتحدثون بداخلهم بالساعات كان معهم احد غير نفسهم وينقزون بافكارهم من سالفة لسالفة وسيرة تجر سيرة مرة يضحكون ومرة مواضيع تحزن وكذا ومن كذا مايقدرون ينامون بسرعة يقعدون ساعة ولا ساعتين يسولفون لحالهم قبل النوم ويتخيلون اشياء تضحك ويضحكون ويتخيلون اشياء تضحك ويضحكون بنفس الوقت وهذا مو تفكيرهم هذا الجن الي فيهم يكلمهم وتجيهم وساوس كثيرة عن الموت والامراض وغير كذا لمايجون يقرون القران بالصلاة يحسون لسانهم يتلعثم كثير بالقراءة وتلقينهم ياخرون الصلاة هذا لو ماكانوا يصلون اصلا يعني تجي الوحدة تبي تصلي تقول اول اغسل الصحون وبعد ماتغسلهم تقول لازم اشطف وتظل كذا واذا جت على الصلاة تقول ماني قادرة تعبت مع انها اشتغلت شغل مايسوونه عشرة يعني مو معقول وقف حيلها على الصلاة
وبعضهم تلقين عندهم حدس مو موجود عند احد غيرهم يعني مثلا يعرفون بعض الاحداث قبل ماتصير
وتلقينهم يشوفون شخص يكرهونه كره غريب مع انهم عمرهم ماتعاملوا معاه ولا يعرفونه اصلا بس مجرد مايشوفونه منظره يستفزهم كانه ذابح احد من اهلهم
عموما المس غالبا صاحبه يكون شخصيته غريبة جدا وفيها تناقض غريب
الله يكفينا شره ويكفيكم شره
