السلام عليكم
صباااااح الخير ي عسولات
أنا متملكه وزواجي بشهر 10 ومهري ثلاثين ألف ريال وتعرفون الثلاثين بالزمن هذا ماتسوي شي الذهب أسعاره طااااايره
أنا طااااالبتكم طلب أبيكم تقسمون لي مهري بالعدد
يعني أبي أعرف كم مثلاً أشتري بلوزه وكم اشتري جزمه وأنتم بكرامه وكم اشتري عطر وكذا
أنا مـــن الريـــاض
صح نسيت أقولكم فوستان الزفاف خذيته من صديقتي نففس فوستان وليام والزفه إلى الأن حاطه بالي ماراح أسوي عاد ماأدري يمكن يتغير رأيي
الله يسسسعدكم ويوفقكم ويسسخرلكم خلقه تكفووووون طلبتكم ساعدوني والله إني بأزمه نفسيه مايعلمها غير ربي
فيه جداول بالنت مرررره حلوه
تسلمين ي قلبي
وين ألاقيه الجـــــدول ي حياتي
الله يعينك وينني وياك انا نفس حالتك وانا وامي كل يوم نتهاوش امي تقول الذهب وانا اقول والله ماله داعي العب بالفلوس بالذهب محنا متل ايام زمان الوحده لازم تمتلي ذهب عادي اظن طقمين ذهب ناعمين بعد يكفون .. والله مدري ؟؟؟
انا ودي فلوسي اسوي منها جلست ليزر لكامل الجسم واروح لاخصائيت بشره بس امي تبي الذهب ..هههه
بس انا زواجي بعيد شوي مو متلك قريب .. الله يوفقك انا اكبر اخواتي وزيك ما افقه شي . (*_*)
الله يعين الرجال يطلبون ثلاثين يحسبون احنا مثلهم كم ثوب ابيض وكم شماغ
مايدرون ان احنا اشيائنا كثيره وممله
اول شيء ترا اقلكم مهر اكثركم بركه
و انا بقووول لك كيف
اول شيء انسي شيء اسمه ماركااات غاليه على غير سنع
وانا بعطيك كيف تقسمينه
اول شيء الذهب خليه 15 الف
<<لا تقووولين واجد ترا ماراح يفيدكم الا الذهب هو اهم شيء
بعد الزواج ان شاءالله بتستفيدين والذهب كل ماله يغلى
نجي للـ 15 الثانيه
قسميه على الباقي الي بتشترينه
والهرم حلو انصحك فيه
فيه اشياء حلوه للبيت وللقمصان
<<ترا خالاتي مثلك نفس مهرك وماخلن شيء م شرنه
شوفيي قمصان النووم عند نعوومي وزي هاذي المحلات غاااليه
وماله داعي تروح فلةس ع قمصان والزوج اكيد مو عارف ماركه اول لا روحي سوق الهرم الي بالسويدي
كبيره ورووووعه قمصانهم ورخيصه شوي وحتى لمساتهم حلووه واغلب اقاربي يرحون له وربي جنان
والملابس اشتري الغالي والرخيص
والذهب صدقيني راح تستفيدي منه بعدين اشتري ع الاقل 2 فقططط ابيض وذهبي
وكل فستان مع جزمته وبلوزتع صيري مرتبه في شراك مو يوم للملابس ويوم للجزم والشنط لا اشتريها بوقتها عشان مو تلاقين لبس والنهايه جزمه متناسب وراح تتحسري
ولا تروح فلوسك ع خلطات غير سنع والله سويت ثم سويت فالجسم مافاد قهررر صح في وقتها تشوفي تفتيح خفيف بس مايتمر اهم شي لاتكون بشرتك جافه دايم دهني نفسك بكريم لان الترطيب يفتح اما الجفاف يسمر مع الوقت وتصير بشرتك لاتعلييييييق زاكلي حبوب فيتامين عشان تكون صحتك حلوووه مثل فيتريت اظن تبع كبد الحوت ب 60 ريال حلووو وقولي للصيدلاني وش تنصحني بالحبوب حلوه وخفيفه وماتضر
ودلعي نفسك وتصدقي ولاتبخلين ع امك بشي وصدقيني ان شاءالله راح تتبارك اتذكر وحده من خواتي ثلاثين الف والثانيه خمسين وسبحان الله الثالثين طخطخت بعمرها ودلعت نفسها ومتباركه اما اختي الثانيه ايل خمسين الف مو متباركه !!
والله يووفقك ودعواتك لي با الله يحقق احلامي ويوفقني
ابتسم وانسى الحزن
اسأل الله ان يجعل لك في كل خطوه توفيق وأن يحقق لك ماتتمنين
اللهم اميييين
