انت . بالنسبة لاهلي

السلام عليكم
انا تعرفت من فتره ال 7 شهور على شخص في قمه الادب والاحترام وعلاقتنا كانت جدا شريفة والحدود كثيره بيننا من اول اسبوع عرفني قال يبي يخطبني وسمحت له يتقدم وصار ظرف طارئ لي ورديته وقبل شهر كرر خطبته لي وتمت الموافقة المبدئية مني ولكن يوم الثلاثاء كانت زيارة اهله لي جايين من بعيد عشان يشوفوني المهم لبست وتزينت ودخلت اختي قبل تضيفهم وكانت اختي الثانية متجهزه عشان تطلع لهم الا اتفأجا ان اختي اللي دخلت تقول الله يلعنها امهم اكرهها وع وقالت انه مره بشعين وانهم بس ساكتين وجلست ابكي وقالوا لي خواتي انتي كثير عليهم انتي ارفع منهم مستوى وماده واجملل بكثير مسحت دموعي ودخلت وانا جدا متضايقة ولا لي خلق وسلمت على الام والبنت وكانت ترحب فيني هي وبنتها والام مره مره طيبة واضح عليها ومرتبه بس غير جميله مثل ماقالوا والبنت حياويه وحليله بس غير جميله مثل ماقالوا لكنهم طلعوا مرتبين وخلوقين بس مستواهم المادي على قد حاله وانا بالنسبة لهم اعتبر غنية جداااا
المهم بعده كانت شوفتي لكن اخوي قال مافيه شوفه ان شاك ان فيهم عرق اسمر مع انهم قبيلة وتأكدنا من نسبهم بس عشان ملامحهم فيها لمحه من السمر ولا أستقل فيهم بس التكافؤ بالنسب مهم جدا المهم خواتي وامي واخواني مستحقرينهم لاخر درجه الله يكرمكم يشوفونهم جزمه عندنا ويقولون بكره عيالك يطلعون شينين بكره عيالك يعيشون بفقر واختلاف المستوى بينا بيأثر عليهم وكلام كثير ما زادني الا حيره وتردد ..
والا الولد خلوق ولا عمره بال 7 شهور طلب صورتي او صوتي او مقابله ولا تطرق لمواضيع سيئة او جريئة وسألنا عنه الكل يمدح بدينه واخلاقه وهو يحبني ويموت بترابي ومدير ماشاء الله وعنده اراضي ومشروع بس ماقال لاحد حتى اهله
انا جدا متردده بين رضى اهلي ورضى نفسي وبين استحقارهم لخطيبي وش السوات ارفض او اوافق ولا تقولون لي استخيري والله انا شبه يوميا استخير لكن ابي رأي صائب

استغفر الله العظيم الذي لا إله إلا هو الحي القيوم و أتوب إليه

اهلك ورايهم مالك دخل فيه مع الايام يسكتون ،، هذي حياتك انتي اللي بتعيشينها عند ثقة انك بتحملين لا تترددين عشان كلام اختك لانه واضح ماعندها عقل ،، طيبين اخلاق كريمين وش اكثر من كذا اخذ وسيم وماعنده اخلاق يجنني او اهله ماعندهم اخلاق يجننوني او اخذ غني قدام الناس ويبخل عليا من جد يعني يصير كذا مو غني خلاص راح افلها او وسيم راح يعاملني كويس بالعكس اكيد مافيه احد بشع اشكالهم مقبوله وايش تبغي اكثر من انهم مرتبين ومهتمين ،، ومو لما بيخطبونك بيطقون حناك معاكم اكيد فيه رسميات شوية ،، برضو جوكم مرتين عشان ظروفك ولا لعبو عليك يعني من جد كلام اختك ماله داعي ،، استخيري ربنا هو يعرف الخيرة فين اذا ارتحتي وافقي واذا لا بطلي والله المستعان