امنيه تتمناها النساء ولكن بالنسبه لي نقمه ما الحل والله تعقدة

امنيه تتمناها النساء ولكن بالنسبه لي نقمه ما الحل والله تعقدة

كل وحده بهدنيا اخواتي العزيزات تتمنا انو زوجها يجيب لها اغراض البيت من دجاج او لحم او مواد تموينيه ولكن المشكله عندي انو اذا طلبت كيلو لحمه جبلي عشره واذا طلبت كيس رز جابلي خمسه حاولت اقنعه انو ما يصير هذا الكلام ولكن لا حيات لمن تنادي اغراض مكدسه صعوبه في التخزين ثلاجه فل الفريزر مو قادر اسكره شو هل الوضع والله ودي ابكي حلوها معي كيف اعمل ارجوكم تساعدوني لا يصد ولا يرد على فكره انا بتكلم جد زعلت اعترضت ماااااااااااااااا في حل ارجوكم الحل عندكم ساعدوني

خليه ياخذك معاه وقت اللي يشتري الاغراض عشان انتي تاخذين اللي يعجبك بالكمية اللي تعجبك

أنا كان عندي نفس المشكلة كان يجيب أغراض تكفي قبيلة ، فصرت الحين أروح معه للسوق ، وآخذ الكمية ال نحتاجها وبس .. وانحلت المشكلة ..

اكثر الرجال جذي واذا كلمتيه قال الحق علي الي ما ابي اتعبج او ما ابي ينقص البيت شي زوجي بعد جذي بس لما قام يشوف بنفسه الاكل اشلون يخرب حرام ما قام يكدس مثل الاول وانا تعمدت اطلع معاه وقام يلاحظني الحين اهو يتبع نفس طريقتي بدون ما اروح معاه
بس تبين الصج هم الله يعطيهم العافيه احسن من غيرهم ههههههه

بالعكس يااختي انتي الكسبانه حاولي انك تتصدقي ولو بجزئ بسيط
( تذكري)
الصدقه تطفئ غضب الرب ولك الأجر عند الله

مشكورين خواتي على التفاعل سوزان كيفك وهم انشالله تكوني بعافيه قولدن ومولدي مساالخير والله ما احس الا القصف فوق راسي بدون ما ياخذني للسوق الي افدر افرزه بالفريزر قسابالله وانا اكتب الرد ما حسيت الا ابني جاي بايده صندوق تين كثيييييييير ما شاور ولا قال واذا اعترضت اصبحت السيده الي ما يعجبا العجب بعدين بالنسبه للصدقه الله اعلم اني ما اقصر بس هل استطيع التصدق بدون اذنه او مشورته ارجو منكم الرد الله يخليكم لي

طيب انتي روحتي اتسوقي بنفسك وجيبي الكميه المطلوبه وخلص

الله اعلم والله ياغاليه
ماعندي علم بهالشيء
انا اشوف الأفضل تتفقي مع زوجك على الصدقه