الرجل الثقيل
السلام عليكم ورحمة الله ، انا عقدت قراني لي تقريباً شهرين واكثر
ابغى اعرف الوحده كييف تتعامل مع زوجها الثقيل مو ثقيل حركه لا ثقيل هرج يعني مسوي رزه بالقوه يخرج الكلام .. خطيبي صامت وثقيل ومايحب يتكلم معاي كثير وانتم تعرفوا من طبع الانثى انها تحب الاهتمام والكلام الحلو كل مابادرت انا وارسلت له يقول انا مشغول انا ما احب المحادثات الكثيره صرت لدرجة استحي ارسله مع ان قلبي يقول ارسلي وعقلي يقول لاترسلين الا اني تعبت .
وصارت تجيني وساويس انه مايحبني ولاهو مهتم فيني حتى مكالمات مايكلمني.
اللي تعرف كيف يتم التعامل مع هالشخصيه تعلمني لاني صرت احترم رغباته بعدم الكلام ولا صرت ارسله لي اللحين اسبوع ولا واحد ارسل للثاني.
سبحان الله ،،
تأكدي حبيبتي الناس اجناس ، و اساليب التعامل
و الأخذ و العطى متعدده ، مالك حل إلا أنك تتبعي الاسلوب
اللي هو يحبه لأن لو ظليتي ترسلي له بنظره راح تكوني ثقيله
عليه ، و لكن بين الأيام ارسلي له كيفك و شو اخبارك ؟
و لا تبادري باكثر إلا بالتدريج أو لما تحسيه أن بدأ يميل لك
و بدأ يفتقدك ..
و إن طول الموضوع أكثر من كذا و زاد عن حده ناقشيه بهذا الامر
و قولي له من باب الإطمئنان لا أكثر ..
الله يسهل لك حياتكـ
بعض الازواج يستمرون هكذا اختي
وليس هذا دليل على الحب او عدمه
بل هو طبع فيهم وطبعا ان لم يكن
هناك سببا اخرا اي ان كان هكذا معك فقط
فهذا امر اخر اما اذا كان هكذا مع الناس كلهم
فهذا طبعه اذن والله ولي التوفيق
