السلام عليكم ورحمة الله
انا بنت عمري 14 سنه متفوقه بالمدرسه واطلع دايما الاولى .. وعائلتنا كامله 7 اشخاص ، ثلاث بنات وولدين وام واب ، صرت اخاف من المستقبل حالتنا الماديه صعبه جدا ، انا وافده ساكنه بالخليج ، ابوي تفنش من شغله وكان راتبه قليل جداً يكفي لايجار المنزل فقط ، وكانت امي تصرف عالاكل والملابس هي ما بتشتغل بس تصنع بخور احيانا وما يكفي وعندها صديقه تساعدها بالفلوس ، ابي صار يقعد بالبيت وما يدور على شغل وامي تعبانه تحاول تسوي اي شي والديون فوق راسها ، الصديقه اللي كانت تساعد امي ملت وما عاد تساعدها ، وهلأ محد يقدر سياعدنا فوق هاذ الاقامه على سبع اشخاص ما اعرف كيف كانت امي تدبر الفلوس ؟ ، ويقول ابوي انه مو لاقي شغل بس انا شايفته ما يسوي شي ، والله احنا ابدا مو مستقرين وعايشين بقلق واملنا الوحيد هو الدراسه بس طلع قرار انه الوافدين لازم يدفعو فلوس للمدرسه لاني بحكوميه تعرفو ما نتحمل الخاصه ومصاريفها وطلعت لنا الحكوميه كمان !! ، وقالو معد يدرسون الوافدين والسنه الجايه الاخيره ، وبتصير محاكم على فلوس السنوات اللي راحت ، وحتى ولو اشتغل ابوي مصروف مدرسة واحد منا ما يقدر يدفعو ، فوق هاذ ابوي يضرب امي قدامنا ويهينها بسبب اياء سخيفه مثلا ابوي يضرب اخواني انهم قعدوه من النوم تتقله ابعد عنهم يضربها ، وانا دايما اتدخل وابعد ابوي ويضربني فوقها ، ضرب مبرح ، انا عمري ما شفت وحده تحملت قد امي هالكلام شوي عاللي سوته كثير سوت وضحت عشانا ،وهي كثير متدينه وتقرأ ادعية للرزق وقران وتبكي ،بس مشكلتها لسانها تتكلم وتصرخ وتسب، بس احس فيها من الضغط اللي فيها ، لو اقدر اشتغل شو اسوي بنفسي ، انا ليش اهلي جابوني على هالدنيا ليش اتحمل هالعذاب والقلق ووجع الراس ، احيانا اقول يا ريت اموت واخلص وارتاح ، انا انسانه ما اظهر اللي فيني دايما اسوي نفسي مرحه قدام صديقاتي ، ومن داخلي ابكي انا احاول انسى هالاشياء بس املي كان الدراسه وهالامل تدمر قدامي وصار رماد واسودت الدنيا بعيني ، اريد اروح عن الدنيا وعن المشاكل والصراخ والضرب والشتم والتفرقه بين العرب وعدم المساعده وتقدير ظروفنا والضغط النفسي ، تخيلو نفسكم مكاني بس شو اسوي بحالي انا
لآ حول ولآ قوة الا بالله ..
الله يعينكم وييسر أموركم ويرزقكم من حيث لا تحتسبون /
حبيبتي أصبري واحتسبي الاجر عند الله ..
( ان الله اذا احب قوما ابتلاهم )
حااافظوا على الاستغفار والصلآة وقيام الليل والقرب من الله /
قال تعالى : (وما كان الله ليعذبهم وأنت فيهم وما كان الله معذبهم وهم يستغفرون)
قال تعالى :(( فقلت استغفروا ربكم إنه كان غفارا * يرسل السماء عليكم مدرارا * و يمددكم بأموال و بنين و يجعل لكم أنهارا * ما لكم لا ترجون لله وقارا * وقد خلقكم أطوارا ))
– وأكثري من سورة الواقعة قال رسول الله صلى الله عليه وسلم (من قرأ سورة الواقعة في كل ليلة لم تصبه فاقة أبدا )
ودائماً رددي هذه الأدعية :
( حسبنا الله سيؤتينا الله من فضله إنا الى الله راغبون )
(اللهم إني أعوذ بك من الفقر ، والقلة والذلة وأعوذ بك من ان أَظلِم أو أُظلَم )
(( اللهم اكفني بحلالك عن حرامك , و أغنني بفضلك عمن سواك ))
(اللَّهُمَّ أنت الأول فليس قبلك شيء وأنت الآخر فليس بعدك شيء وأنت الظاهر فليس فوقك شيء وأنت الباطن فليس دونك شيء اقضِ عني الدين , و أغنني من الفقر )
ولآ تكرهييين أبووج , وكوني باره فيه وفي أمج والله يهديه ويرزقه ,
وأدعي لهم دايماً
^^
أختي (الوعد بكره ) ماقصرت الله يجزاها خير
ياحبيبتي هذا امتحان من الله مابعد الضيقه الى الفرج
أستمرو بالاستغفار كلكم وعليك بدعاء الله فأن سهام الليل لاتخطئ صلي وادعي ربي
أبوكي الله يهديه المفروض يتحرك هو رجال البيت لازم يدور على شغل
وامك طيب فيه شغلات كثيره مثلآ تسوي طبخات بالبدايه تخليها للجيران وأهل الحاره يعني تحكي للحريم اذا تبغون فطاير او كبيبا أو كبه انا اعمل والله اكثر الحريم يبدون الشغل من كذا ويصيرون من اغنى الناس والله العظيم انا أعرف وحده عندنا فلسطينيه تسوي فطاير ومقليات الحبه بريال وشغلها حلو احنا نطلب منها دايم ونحجزها للزواجات وكسبت ملايين ماشالله والحين ساكنه فله جديده بحي جديد كله من الله ثم شغل الفطاير للناس والزواجات بدأت من الصفر
انتو بالعاده يالعرب فيه موهبة الطبخ عندكم ماشالله
احكي لامك وان شاء الله راح يتوسع شغلها وتصير تدخل ذهب
والله يوفقكم لما يحب ويرضى
والله لو بيدي أساعدك مااقصر الناس للناس والكل بالله ..
وان شاء الله الخوات مايقصرون
بس لازم تتفائلين وماتشكين حالك لأحد غير ربك وان شاء الله بتنحل
لا حول ولا قوة إلا بالله
الله يعينج حبيبتي وخلي أملج بالله قوي
والله يرزقكم ويفتحها عليكم يا رب
خليكي صبورة ولسة بعدك صغيرة ل حتى تفكري بهده الامور ركزي على صلاتك ودراستك وربنا ييسر لكي امورك انتي وعيلتك
أختي أنا قسمي قانون وأفهم به منيح كلام المدرسة مايخش عقلي
كيف يحاكمونك على السنين اللي طافن !!!!!!
ياقلبي أي قرار أو حكم يصدر جديد مايلحق (بأثر رجعي)
بمعنى اللي كان مسموح ومن ثم منعوة مايجوز قانونا أنهم يعاقبو علية
وسالفة المدارس بفلوس أذا كنتي بالسعودية فهو خبر كاذب….
الله يسر اموركم
أكثروا من الاستغفاار
