اذا قالوا جت الحزينة تفرح ما لقت لها مطرح هي انا

السلام عليكم

بقول لكم قصة حياتي بأختصار شديد انا انسانه مرتاحه ماديا عند اهلي لكني غير مرتاحه نفسيا انا عايشة بلحالي وانا ببيت اهلي واعتزلتهم ولا لي علاقه الا مع امي وابوي واخواني خواتي علاقتي معهم سطحيه فهي المطلقه منهم وفيه اللي ما تزوجت لكنهم طينة وحده يحطمون فيني وينكدون علي ولما مرضت وطحت بالفراش شهور وانا بهم ماحد دارى خاطري الا امي جعلني فدوة لها والا هم اللي تضحك واللي تتتطنز ولا احد حاس فيني الا ربي وهذا كافي المهم كبرت وتخرجت من الجامعه وصارت خالتي تلمح لي ولاهلي انها تبيني لولدها وانا رافضه احسه مثل اخوي لكنها غير مقتنعه بكلامي ودخلت واسطات بينا وصارت تتصرف كأني زوجة ولدها وخلاص انا له وانا ما ابيه وخالتي تنشرى بالذهب لكن ولدها ماني متقبلته المهم عشت بعض من كنت بالمتوسط للجامعه خواتي مع بعض وساحبين علي ويغلطون علي قدام كل احد والله قد مره طحت وانا شايلة اكل بيدي واختي تشوفني تاركتني وجوني حريم ساعدوني مع اني والله ما اقصر معهم هدايا واهداءات واحاول اسعدهم بس هم معتبريني ولا شي ونظرتهم للناس شينة ما عندهم زين الا راعي الكاش اما الباقي اكس ..
حاليا انا مخطوبة الله يتمم لي بخير لكن الدنيا قامت وقعدت اهلي مو متحمسين له لانهم ما يعرفونه واهله عاديين ولا هو حلو بنظرهم !
وزودني توتر ولد خالتك افيدك لك وبتندمين اذا خذيتي هذا و و و ..
لكنني غير مقتنعه بولد خالتي 5 بالميه ولا اتخيله الا اخ وهو صغير عمره 20 ولا هو موظف او جامعي ماكون عمره اساسا وشخصيته ما تعجبني سهل استغلاله والناس مستغلينه الصراحه ما يعجبني ابدا ..
وهذا خطيبي صح اني اعرفه شخصيا من 6 شهور وشخصيته عاجبتني وتفكيره وانسان عصامي مسؤول مكون عمره وظيفته راقيه لكنني مترددة جدا اهلي وتروني زيادة مع اني استخرت بس شعوري متضارب لكن احلامي تفسيراتها زينه الحمدلله وانا ادرس بالجامعه وصغيره ..