بسم الله الرحمن الرحيم
السلام احوالكم
ابتدي مشكلتي
عمري 13 سنه
انا الثني من بعد اختي الكبيره
وطبعاً اختي توفقت وتزوجت الله يهنيها
اهلي عندهم معامله جامحه
واحدد هالشي على امي
ماراح اقول امي معذبتني العكس صحيح
هي حنونه وطيبه وتصرف وتساعد مع ابوي
ومااحسها امي احسها اختي
لكن المشكله هي انها
انسانه تشتغل الشخص وهذا الي مضايقني
انا انسانه اعشق الطبخ تعلمت الطبخ وانا عمري 10
والان مايمر شي الا واعرف اسويه
دايماً احب اطبخ
مشكلتي تعلمت من وانا صغيره الشغل والنفخ والطبخ
اعرف اغسل وامسح وانظف واهتم انا ربية اخوي وانا عمري 11 سنه
مايناديني الا ماما ممكن ماتصدقون
عموماً مو موضوعنا
إمي الله يخليها لي يارب
في هذي الفتره صارت يعني مادري كيف اوصفها
المهم انو امس انا بالمطبخ اسوي كيك
جا لي ابوي وقف يتوضئ وقبل مايبتدي قال لي شنو العشا الي بتسوينه لاخوانك
انا انفتح وجهي مترين ونص انفجعت حسيت بالتفكير كأني خدامه
امي جالسه انا توني صغيره لو اني كبيره مافي مشكله
وشوفو المسؤليه المهم نجي للمشكله الثانيه
قبل امس امي مافيها شي المسأله ومافيها ماغسلت المواعين
لوقت متأخر وشوفو كيف يأمروني
يابنت غسلي المواعين المشكله مو هون المشكله ان انا علي تنظيف البيت مساح ترتيب كنس تغسيل ملابس تنظيف حمامات وانتو بكرامه
ومذاكره للصغار
طيب انا بدي انظف البيت والله اني وقت امسحو ظهري ينكسر
انا صغيره واجلس على ركبي نص ساعه واحياناً ساعه حسب البيت
ركبي تصير حمره ظهري يألمني انا توني صغيره تجيني الالم في الرقبه في الظهر مااقدر اظل عشر دقايق على بعضها بدون مااكون متسنده
تقولون عجوز
قلت لهم انا عندي شغلي راح اتعب
يجلسون يناظروني نظرات معناها كلمه وحده وانتي بالطقاق انتي وراحتك
انا حساسه تخيلو قبل هالعمر كانت معاي اختي تساعدني شوي
كنت انسانه ضحوكه تخيلو الان صرت دائماً كئيبه احب الوحده
ماابتسم كثير , صرت حساسه بشكل غير طبيعي
والله احياناً اجلس اصيح واظل فتره لوقت مايجيني النوم وانام
طيب المشكله الثالثه اكون جالسه بالصاله يابنت قومي سخني العشا
يابنت قومي شوفي اخوانك يابنت الحمامات > وانتو بكرامه
يابنت نشري الغسيل يابنت يابنت يابنت !!!!!
انا مااتحمل سرعه اصيح سرعه يحمر وجهي
المشكله الثالثه يتعشون وانا خلصت قبل فأقوم ادخل الروم
شوي امي تناديني يابنت نعم شيلي ونظفي الي طإح !!!
انا اشيل وانظف وانا ماشيه استغفر وبعدها اهدها دموع
امي الله يعطيها الصحه والعافيه تسببت لي بالنسبه لي بالكئأبه
بالعصبيه عيوني تنفخت شوي من تحت لاني دايماً ابكي
ووقت اروح لاهلي اتكلم كلام احياناً هي ماودها اني اقوله
بالرغم انه عادي يكون جداً تناظرني نظرات واول مانروح البيت
تضربني صرت مااحب اتكلم صرت اسكت وقت يسألوني اجاوب
وليتني سلمت تقعد تتكلم عني تقول مااعرف ليه اسلوبها ثقيل
لا تتكلم وماتضحك انا ادخل اقرب حماما وانتو بكرامه واجلس اصيح واصيح لان مو بيدي حيله
ودي اقول لهم بس مااقدر نادر ماينادوني عشان يعطوني او يسألون عني
على كثر ماينادوني تفكرون انهم يحبوني ويعزوني معزه مااقول لكم الله يخليهم حنونيين ويحبوني يعني اسلوبهم مو قاتل
لكن بقصدي يعني كانهم ينادوني ليعطوني ينادوني ليسألوني ان كنت خلصت شغل البيت عشان يعطوني شغله ثانيه
احياناً من العصبيه وقت يسوون فيني كذا اقعد اقول لهم كأني خدامه
تقعد امي تضحك بكل برود
تحترق اعصابي بشكل غير طبيعي وينحرق قلبي
انا احمد ربي اني بهالنعمه وعندي هالاهل لكن اسلوب امي يقطعني
تجي لي فتره اعصب لدرجة اني اصرخ بوجها واتندم ندم غير طبيعي
بس مو بأيدي احس لساني يفلت من كثر مااعصب
اعصابي تلفانه كل شي بجسمي تعبان
وشوفو كل هالتعب يصير لو كان بعمر وحده مايقل عن العشرين
وانا عمري 13
مو حرام والله اني مو مدح اصلي الحمدلله واصوم وهاديه ولا لي لا عدو ولا هم يحزنون
صرت احس حالي خدامه بس بدون راتب
الشغل الي تسويه امي ربع من شغلي
ليتها تجيني وقت تبي مني شي تطلبه بشكل حلو
تجيك تقول لك اقول بس ماتنامين الا مسويه كذا وكذا
ونامي وانتي ماسويتي هالشغله انواع الشتم والسب وهذا كوم والضرب كوم تاني
ابوي انسان هادي لكن ماتخليه تقول له رح اضربها روح
احياناً اقول لو انك زوجة ابوي مااستغربت هالشي
لكن انها امي اسلوبها في كل شي زين
الا بهالشي استغلاليه لابعد الحدود
جربت الصمت مافاد وقت اسكت ماارد عليها ماكو فايده
تجلس تصارخ انا اكلمك وانتي ساكته وان تكلمت اخاف اعصب واقول شي يغضب ربي
احتار والله اني القى حل
المشكله مو لاقيه حل وقت اكلمها تقول اقول اسكتي وانطمي وغصباً عليك
انك تشتغلين هذا مايجي ذره في الي تعبته عليك
والله مااعترض ولا اقول ماابي اشتغل
لكن الكلمه الحلوه لها دور
تجيني باستهزاء وتطلب مني باستحقار
انا اقول لها حرام توني صغيره وتسوين فيني كذا
استانس وقت ينامون مافي احد يامرني اسرح وامرح
ووقت افترق عنها اشتاق لها بالرغم كل الي تسويه فيني
حبيت افضفض مالي الا الله من ثم نفسي
والله تعبت وانا افضفض لحالي واحرق بحالي
ياليت ماتقسون علي ××
ولو حسيتو اني انا غلطانه بشي علموني
يمكن الغلط مني مو من امي
اسفه طولتها
القلم لكم 
لا حول ولا قوة الا بالله حاولي تكلمي امك وافهميهاا شنو تحسين وانك مقهورة من معاملتهم لك وان شاء الله تفرج
يعطيكي العافية والله يجعله في ميزان حسناتك يارب
لا حبيبتي انت مو غلطانه بشيء الغلط من الكبار
لمى كنت بعمرك كنت ابكي على لعبتي وشوكولاتي
انت متحملة مسوؤلية كبيرة واتأكدي ازا ابتصبري
الله رح يعوضك بالخير ويبعتلك ابن حلال ويجيبلك 10 خدامات تحت امرك
والله بعرف وضعك صعب والصبر صعب في هيك حال بس ازا ما صبرتي
واحتسبتي اجرك عند الله شو رح تعملي يعني ما في حل
واتذكري
*سأصبر حتى يعجز الصبر عن صبري
*سأصبر حتى يحكم الله في امري
*سأصبر حتى يعلم الصبر اني صبرت على شيئأّ امر من الصبر
والله ياريت عندي بنت متلك عن جد كنت حطيتها على راسي من فوق
الله يكون معك حبيبتي ويهدي امك وابوكي ويجعل قلوبهم فيها رحمة عليكي
ما شاء الله عليكي الله يحفظك ويكفيكي اجرك من الله انشاء الله
اختك سمراء الهند
الله يساعدك ويعينك ويجعلو في ميزان حيناتك
حبيبتي معليش ماتدمري بتضل امك
وبيقول المتل من بعد الام حفير وطم
الله يرضى عليكي اصبري عساه في الجنة
والله يبعت نصيبك عن قريب
حبيبتي والله انت لساتك صغيرة على هالشئ اللي بسنك يتعلمو ويحاولو يدخلون المطبخ ويعملو شئ مووو يحملو شغل البيت كلو لا والله حراااااااااااااام عن جد شوفي يا قلبي حاولي تجلسي مع الماما وتفسريلها حالتك واحكيلها شو بتحسي من غير عصبية وان شاء الله تفهم انك مو قد هالاشياء
حاولي تخرجي تشوفي صحباتك تفرفشي وتمارسي اي شئ رح يريحك انت لساتك بنوتة صغيرة والحياة قدامك لا تياسي
قلبي معك يااااااااااااا قمر
——- للرفع
حلو كثير انك تتحملي المسوليه من الان عشان لما تتزوجي تكوني شاطرة بكل شي وواثقه من نفسك. اشتغلي الشغل رياضه بس ما تنهكي نفسك وتجهديها اكثر من طاقتك
بالتوفيق
حالك نفس حالي السبب امي الله يهديها
