اجيت اليوم اعزمكم عالفطور باكلة معروفة في 
فلسطين هيي المشاط
🌺 نفرم راس زهرة كبير مع الاحتفاظ بشكل الزهرات الصغيرة ونسلقها بماء وملح وكمون
🌺 نخلط في الصحن ٢ بيضة و ٣ حبات بندورة مفرومة ناعم و راس بصل كبير مفروم ناعم + ملح + كمون + نعنع ناشف وبقدونس (( انا ماكان عندي )) + شوية زيت زيتون
🌺 نزيد عليها تقريبا ٢ ونص كاسة من ماء سلق الزهرة + طحين اسمر هو يخليها مقرمشة من الخارج وطرية من الداخل + نص ملعقة تقريبا كربونة او ملعقة باكنغ بودر… الطحين بدون عيار لحد مايصير خليط سميك شوي يمسك بلملعقة ،، بعدين نضيف الزهرة المسلوقة ونحركها بدون ماتتهرس
🌺 نكون حمينا الزيت للقلي (( انا استعمل نص زيت قلي ونص زيت زيتون )) وبننتبه الها لانها مابتاخد كتير وقت
🌺 للردود مع كاسة شاي سخنة وزيتون شغل ايدي يمي يمي اتفضلو
🌺🌺 لو اعجبكم بتمنى ماتنسوني بدعوة في ظهر الغيب 🌺🌺
دمتم بخير
واااو شكلا بيشهي عنجد
شكرا عالحبة لاني اول رد .. دقتا وطلعت طيبة ههه يسلمو ايديكي
طالعة لرفيقتك عائشة شاطرة بالطبخ 😉
شهيه خصوصا فهآلموسم
الله يحفظك عزيزتِي
موفقهّ
|
المشاركة الأصلية كتبت بواسطة الروح الغامضة
 واااو شكلا بيشهي عنجد
شكرا عالحبة لاني اول رد .. دقتا وطلعت طيبة ههه يسلمو ايديكي طالعة لرفيقتك عائشة شاطرة بالطبخ 😉 |
تسلميلي يا رب
الف صحة هههه
|
المشاركة الأصلية كتبت بواسطة nada rayhan
شهيه خصوصا فهآلموسم
الله يحفظك عزيزتِي موفقهّ |
نورتي اختي
حلوة جدااااااااا
تسلم ايديكى
فيها شبه من طريقة عمل القرنبيط المقلى بالطريقة المصريه
حجرب وصفتك ان شاء الله قريباااااا
ايوا بتشبها
انا جربت الطريقة المصرية بلزمانات زاكية كمان
جربيها وان شاءالله تعجبك
نورتي اختي
يم يميييييي شكلها بيشهي 😋😋😋
يسلموووووو😘😘
