وزني بيدمر زواجي ساعدوني

المشاركة الأصلية كتبت بواسطة ماهيرا

مرحبا.. انا عادة فقط متصفحة ونادرا ما ارد.. لكن احببت ان ارد عليكي من واقع تجربتي.. لكن الفرق ان زوجي لا يحب الضغيفات هه وهو سبب دماري.. تزوجت وزني كان 58وبعد اول بيبي صرت74وثبتت على هدا الوزن.. كنت منزعجة ولكن زوجي كات يحكيلي انا هيك بدي اياكي.. وبعدها جبت البيبي الثاني فوزني بعدها صار 80.. وصرت اعمل رجيمات لوحدي وللاسف بعد ما اقف ازيد اكتر من اول واستمريت على هاي الحال ثلاث سنوات وزني بين 85و90..بس صار الاشي اوفر بصراحة.. صرت اتغلب في شراء الملابس.. وانا بحكم اني معلمة وبقف وبشرح صار ياثر على رجلي الوزن وخواتي وامي كلهن رشيقات ويسمعوني حكي طالع نازل.. وزوجي بقلي ما تردي عليهن.. الله يسامحه بس هه ويخليلي اياه.. المهم.. ثبت وزني على 91وانا بطلت مقتنعة بنفسي وصرت اخجل اطلع اخجل اروح افراح اخجل واخجل مت كل العالم الا من زوجي.. وصحيت على نفسي.. حكيت لزوجي اسمع انت حر اذا انت بتحب المليانات انت حر لكن انا مو راضية عن نفسي.. وطبعا حرب بيني وبينه واقتنع والحمد لله في عنا دكتور مشهور.. رحت عنده واعطاني نظام غذاءي.. كل اسبوعين نظام جديد.. طبعا النزول بده ارادة قوية.. والحمد لله كانت عندي الارادة وتشجيع الدكتور وتشجيع اهلي وخصوصا امي الله يخليها الي.. بديت النزول.. بصراحة مجهود ومشي ثلاث ايام في الاسبوع لمدة نصف ساعة او رقص.. واستمر النزول والحمد لله الحمد لله خلال ست شهور نزلت 30ك..اكرر النزول في الوزن اصعب من الصعود.. وخدي قاعدة انك تنزلي ببطء افضل من انك تنزلي بسرعة.. وانت الحمد لله ما بدك كتير بكفي عشرة كيلو.. انسي العشا او تعشي خفيف لكن قبل النون بثلاث ساعات الخبز اللي بخميره الغيه من حياتك استخدمي بداله خبز الصاج .. الرز قلليه.. الصودا هناك صودا دايت.. خففي السكر والمقالي والشبس والدهون.. واهم شيء الماء يوميا ثلاث لترات مياه… انا على استعداد ان اعطيكي كل نظامي الذي سرت عليه.. او بامكانك متابعة صفحة الدكتور على موقع الفيس بوك اسم الصفحة ابن النفيس للنباتات الطبية.والله يوفقك