فضفضه عشان ارتاح من همي انصحوني يا اخوات

انا عمري 32 سنه كنت متزوجه من ولد جيررانا اللي يشتغل دكتور
و ماكنت اعرفه ابد لكن بعد الزواج حبيته وحباني و عوضني عن كل الحرمان اللي حصلته ببيت اهلي
عوضني عن هم الدراسسه اللي قطعوها عني بحكم ان البنت لازم تضحي عشان اخوها
عوضني عشان صرت اللبس نفس الناس و اهتم بجمالي مو مثل قبل ببيت اهلي دراعه طويله و لها ثلاث سنين بايام العيد اللبس كالعاده التنورة البرتقاليه
عوضني عن ضرب اخواني لي واخذهم مصروفي
واشياء وايد عوضني عنها صرت اطلع معاه مطاعم واتسوق معاه و حتى بالاراضي الترفيهيه كنا نلعب مع بعض
وحملت منه وجبت ولدي سلطان بس قبل ما يطلع سلطان من بطني راح الغالي ابوة راح وخلاني .. كان مريض بالسكلر و راح عني
انصدمت ضليت اربع شهور محبوسه بغرفتي واصيح وولدي ما ذاق حتى من صدري
بعد الاربع الاشهر ترجتني عمتي (ام زوجي ) اقعد بالبيت و شقتي مثل ماهي لي ولولدي بس اخواني مارضوا و اخذني لبيت اهلي
رجعت للمعامله القاسيه رجعت للضرب والاهانه .. حتى راتب ولدي اللي من ابوة الله يرحمه ويغمد روحه الجنه اخذوووة
كل يوم اشوفة بالحلم يوصيني على ولده
صدقوني مو قادره انساه .. حبيته من كل قلبي
و امه درت بحالتي هذي وقررت تخطبني لولدها الثاني بس ما قدرت ما راح اكون له الزوجه الصالحه راح اعيش على ذكرررى زوجي
مو عارفه اتصرف .. وهو بعده شباب اخوة ومو متزوج يعني اكيد يبي اللي ترعاه وتهتم فيه

ابي اتزوجه عشان ولدي يتخلص من ضرب اخواني له و ضيق الغرفه اللي احنا فيها
ضيق الغرفه اللي يقطع الماي عنها بالحمام و الاكل يوصل محترق و اذا في اكل اصلا من اخواني

اكيد مو مصدقين بس اخواني هم طبعهم جذي
ساعدوني متحيرة اضحي بسعادتي وسعاده اخو زوجي عشان ولدي
ولا اضحي بسعاده ولدي عشان عمة

لان هالطفل من اخوه

اعرف وحده مات زوجها وتزوجها اخو زوجها وكان اول مره يتزوج ماسبق له الزواج

والحمدلله عايشه معاه سعيده وجابت من أطفال

وهو كان يحب أطفال اخوه وقال انا اربيهم انا أولى من الغريب

اتوكلي على الله وافقي