ي وزير التربيه ممكن سـؤآآآآلـ؟؟

يا (( وزير التربيه )) ممكن بعد اذنك سؤال
والا أقولك دامها زانت معي .. بعض اسئله

قبل اسلم وابتدي ياليت تعطيني مجال
لآ يقاطعني سموّك .. واستمع للمشكله

يعلم الله ما بـِ حرفي شيء يدعو للكمال
كل مافي الأمر " صالح " مانزل في منزله

بأختصر مُجمل كلامي .. وابتدي " نَصْ " المقال
ماعتقد ماراح اقوله .. فيه شخصٍ يجهله

وش تقول بشخص عاطل .. مامعه حتى ريال ؟!
والزمن يجري بعينه .. مالحق يتأمله ؟!

تآه / في عالم كبير .. وصادف ليالٍ طوااااال
مغترب في ديرته .. والوضع ما تتخيّله

كل ما حاول يقوم .. ويعتنز بأقرب مَنَال
طاااح من طوله ولا حرّك طياحه .. مسأله

" كان " من صغره وحلمه " كان " يتعدّى الخيال
" كان " متأمل حياته .. فوق ما تتأمله

ماترك نفسه تضيع .. وصال فالدنيا وجال
وانزوى يدرس وثابر لين جاب [ المُعضله ] ..!!

ايه ياصاحب سمو العلم .. معضلة الرجال
[ هي شهادة جامعيّة .. بس في وضع ارمله ] ..!!

راح من يحمل سناها .. وانعقل بعده عقال
زوّجُوها " للقياس " ومهرها .. منها / إله ؟!!

لآ تعجّب ياسموّك .. مامضى كلّه مثال
والحقايق ماتوازي .. " شيء " مما أنقله

خلّني أسأل .. وركّز في متاهات السؤال
وأغلب أسئلتي تراها كل شيٍ .. تشمله

من يحب الظلم ؟ .. جاوب .. من سبب هم الليال ؟
من سلب ضحكة مواطن .. راح عمره بهذله

من " عمى " عين الجمال .. وصار يدعو للجمال ؟
من " بنى " بيت الأماني .. ؟ مين بيدّه .. زلزله ؟

من تعب عمره دراسه .. لآزمٍ .. يجني عيال !!
حق من ابسط حقوقه .. طووول عمره يأمله

من " زرع " بسمة سنين .. وصار عم وصار خال ؟!!
وكل مانام بمنامه .. جاه طفله / يحمله ؟!!

يوووه .. ياكثر الهموم .. المستبدّه والعُضال
ممتلي وجه الزمن رغم " ضحكي " ململه

ياوزير التربيه .. هذا وهو نص المقال
واللي قلته ياسموّك يُعتبر / عرض .. أمثله

أعتذر منّك سموّك .. انفتح قلبي وقال : –

7
7
7
7
7
7
7
7

[ والله ان الوضع " أكبر " .. من حدود الأسئله ]