موقف حصل لي اليوم " المديرة و المعلمات قليلات الذوق و الإحترام "

السلام عليكم
أنا درست لحد الصف الأول المتوسط و بعدها توقفت سنة عن الدراسة لأسباب خاصة و بعدها حبيت أكمل دراستي و أنتقل للصف الثاني المتوسط
ولكن لمن جيت أنقل للصف الثاني المتوسط حبيت أكمل دراستي في مدرسة ثانية و فعلاً نقلت ملفي لمدرسة ثانية و هنا بدأت المصيبة
مديرة المدرسة الثانية بعد ما نقلت ملفي عندهم ضيعت ملفي و لهذا لم أدرس الصف الثاني المتوسط ومن وقتها و أنا متوقفة عن الدراسة بسبب ضياع ملفي
و عند سؤالها عن الملف ردت بدون نفس و قالت إنها ضيعته
و للعلم المدرسة إللي ضيعت ملفي أنا ما درست عندهم لأنهم بمجرد ما نقلت ملفي عندهم ضيعوه
المهم إني بعدها كنت ناسية إسم المدرسة إللي ضيعت الملف و اليوم أتذكرت مكانها و رحت لهم اليوم بتاريخ 18/08/1437
و دخلت لغرفة المديرة و كان معها عدد من المعلمات في الغرفة
و لكن لم أجد المديرة التي أضاعت ملفي منذ 8 سنوات ولكن وجدت مديرة أخرى غيرها يعني جات مديرة غيرها مكانها
المهم قلت لها إنه ملفي كان عندهم من 8 سنوات و ضاع في المدرسة و أنا جاية عشان يبحثوا لي عن الملف عندهم
فجلست تقهقه هي و المعلمات إللي معها في الغرفة بمنتهى قلة الأدب والإحترام و كأني قد ألقيت عليهم نكتة
قالت لهم هذه جاية تبحث على ملفها إللي مر عليه 8 سنوات و بعدها جلسوا يضحكوا بأسلوب ساخر و مستفز كما قلت
و قالت لي أنهم لهم هنا 3 سنوات و قبلها ما كانوا موجودين و أنا جاية لهم أسألهم عن ملف ضاع من 8 سنوات
قالت لي إنه كان فيه كذا مديرة قبلها و تقصد أنه في خلال هذه الثمانية سنوات تغيرت أكثر من مديرة في المدرسة
يعني الآن هل هذا شيء يدعو للضحك ؟ و وين المضحك أو المشكلة في إني جيت أبحث عن ملفي بعد 8 سنوات
تعمدت أن تضحك علي المعلمات إللي معاها في الغرفة
و جعلتني نكتة و أضحوكة أمامهم فقالت لهم " هذه جاية تبحث على ملفها إللي مر عليه 8 سنوات و إحنا لنا هنا 3 سنوات "
و ضحكت باستهزاء و بصوت مرتفع و جلسوا المعلمات يضحكوا علي باستهزاء و بصوت مرتفع
صراحة أفكر أكتب هذا الموقف على موقع تويتر و أنشر إسم المدرسة إللي صار فيها هذا الموقف المهزلة إللي أقل ما يقال عنه أنه يفتقر للأدب و الإحترام
إسم المدرسة : المتوسطة الثانية و الستون في حي الصفا بجدة

المشاركة الأصلية كتبت بواسطة الانسه الصغيرة م يمديكي تشتكين ع المدرسه لوزاره التعليم وتقوليلهم انو ضيعوا ملفك وهما يعني اللي م خلوكي تكملي دراستك ويمكن يخلوك تكملينها او شيء كذا او حتى يمكن يدور اسم المديرة عندهم ويعاقبونها

أنا قهرني هذا الموقف إللي صار في المدرسة إللي ضيعت ملفي
و حابة أعرف إذا كان عادي أشهر فيهم على تويتر أو ممنوع لأنه حاسة كرامتي أتهانت
و ما حيبرد قلبي سوى التشهير فيهم

روحي الشؤون وجيبي شهادتك ،، خليها الان قبل تقفل روحي لها ،، بشهر عشرة يبدأ تقديم مدارس والنقل تلاقي زحمة مره هالفترة اعتقد بعد ماخلصت الاختبارات تمام !

اما تشهري ايش تستفيدي ،، ولا شيء ،، اهو انتي شهرتي الان لنا ماصار شيء ،، لو تبي تطالبي بشيء لك وحق غرض تبي توصلي له مااقولك لا تشتكي لا اشتكي واعملي كل حاجة تقدري عليها ،، ولكن شهرتي انتي ايش مستفيدة بدل ما تشهري وتكتبي وتتواصلي ،، جيبي شهادتك اول شيء المجهود اللي بتبذليه بالتشهير ليه ماتبذليه لنفسك وتجيبي شهادتك ،، لانهم ما يستحقو عناك كلها ،،!
وادرسي وكوني بيوم احسن منهم واللي يضحك اخيرا يضحك طويلاً !

المشاركة الأصلية كتبت بواسطة ذكرى؟؟ روحي لـ شؤون الطالبات بجدة في وزارة التعليم ،، لو رحتي زمان والله يطلعوه من حلقهم ! لا تسكتي روحي وخليهم يعطوك بدل فاقد لملفك وشهاداتك ! ضيعت ملفك مو عذر تضيع حياتي على اهمال زي كذا مو معقول ! انتي سكتي فترة الله يهديك وان لزم الموضوع اكتبي شكوى في جريدة سبق او قدمي شكواك على قسم وزارة التعليم في الموقع او وسائل التواصل الاجتماعي ! ،، انا شهادتي الثانوية الاصلية في كليتي السابقة وكل ماروح لهم يماطلو فيني مره بالرياض مره نرسلها بالبريد لما جيت اقدم ثاني ماعندي شهادة ولا رجعوها لي من الرياض فرحت بنفس السنة جبت بدل فاقد من شوؤؤن الطالبات بالمدينة ( تخرجت بداية 2024 ودرستها كلها في نهاية 2024 جبت بدل فاقد بنفس السنة ) والكلية اللي درست فيها شوفي الان 2024 ماوصلتني شهادة الثانوي الاولى من 3 سنوات ليه لاني تركتهم مارجعت كم مره وطالبت رغم انهم يملكون كل معلومات التواصل الخاصة فيني وبريدي السعودي ويصعب علي اسافر لرياض عشاان شهادة ! ،، رحت في نهاية 2024 لشؤون الطالبات بالمدينة وطلبت بدل فاقد " بصراحة مارضيو يعطوني هي على طول ماطالوني ساعة وشوي اروح اكلم ذي وذي وارجع السيارة استنى دوري وارجع ثاني وقالو جيبيها من مدرستك ورحت المدرسة وقالو لي انرفعت كلها بنظام نور ماعندنا شهادات كلها بالوزارة ورجعت لهم ثاني والحمدلله في النهاية اعطوني هي ! انتي لما تروحي لشؤون حكيهم قصتك ،، وقولي لهم كم مره تروحي للمدرسة ويقولو لك مفقودة ومافي لك شهادة من اول ماسلمتيهم الملف بانتقالك ضيعوه لك وانك محتاجتها الان واليوم بنفس اللحظة لانك مسافرة او بتقدمي السنة ذي على شيء المهم طلعي لك كذبة وعذر ماعليك منهم " كلميهم بثقة ولاترخي صوتك مو تروحي مستحية وخايفة ،، صممي على قرارك ولا تقبلي اي تاجيل " قولي انا استنيت 8 سنوات قد ايش لازم استنى عشان اكمل دراستي واخذ حق من حقوقي ! ،، لو قالو لك ليش ماجيتي زمان قولي وقتها كنت صغيرة وماكنت اقدر اجي هنا وطالبت بالمدرسة كم مره ومالقى جواب وانا عارفة كل المعومات والشهادات مارشفة في الوزارة بإمكانكم تطلعو شهادتي ! تروحي ماتكلميهم بصوت ركيك ضعيف مستحي وخايف ،، وتقولي هم خلوني اضحوكة لا حبيبتي ،، اعرفي انتي ايش تبغي واطلبي ووضحي كلامك وافكارك ! اما تجي انا ادور عندكم شهادة ضايعة من 8 سنوات ،، الدنيا تتغيرر حبيبتي ،، انا بعد سنة لما جيت استغربو والمديرة ابتسمت وقالت لي ماعندها نسخ اخرى من الشهادات وهذا بديهي ! كل النسخ في الوزارة واسترجاع النسخ او بدل فاقد كلها من الشؤون ! لو اشتكيتي زمان على الحرمة يمكن صار شيء ،، بس الان يمكن ماتت شيء من وين يجيبونها لك ! روحي الشؤون وجيبي شهادتك ،، خليها الان قبل تقفل روحي لها ،، بشهر عشرة يبدأ تقديم مدارس والنقل تلاقي زحمة مره هالفترة اعتقد بعد ماخلصت الاختبارات تمام !

أنا رحت للوزارة و قالوا لي أروح لآخر مدرسة درست فيها و هم يطلعوا لي بدل فاقد
و فعلاً أنا رحت للمدرسة الاولى إللي درست فيها قالوا لي إنهم جالسين يبحثوا عن بياناتي في الأرشيف عندهم و قالوا لي أتصل عليهم يوم الإثنين و أسألهم إذا لقوه أو لأ

المشاركة الأصلية كتبت بواسطة ذكرى؟؟ تروحي ماتكلميهم بصوت ركيك ضعيف مستحي وخايف ،، وتقولي هم خلوني اضحوكة لا حبيبتي ،، اعرفي انتي ايش تبغي واطلبي ووضحي كلامك وافكارك ! !

ما كنت مستحية و لا خايفة و ليش أخاف أصلاً و من إيش ؟ كلمتها بجدية و كلامي كان واضح و مع هذا جلست تضحك