السلام عليكم
الاهتمام بالعباية يابنات
اللي خلاني افكر اتكلم بالموضوع شفت كثير بنات مهملين نظافة العباية بشكل مقزز
امس واقفة عند الريسبشن بااخذ ملفي
اطالع مو بنت ولا ثنتين ولا حتى عشرة وحتى حرام اشكالهم في العشرين يعني بنت ناضجة
عباية فيها كومةغبار بشكل
اما الشي الاعظم طبعة الروج على النقاب
والشي الثاني زخرفة كم العباية غير عن الطرحة
خلاص دامك تبيغنها بزخرفة خليها نفسي الشي مو نضرب الشرق بالغرب
مع اني افضل العباية السوداء مافيها زخارف ولا بطيخ
مانتي خسرانة شي اذا اهتميني بنظافة عبايتك مو كويس الناس اللي برى تحكم عليك انك وسخة من منظر عبايتك
واحد يقول اعرف البنت نظافتها من عدمها من منظر عبايتها
واخرى تقول اقرف من البنت اللي عبايتها وسخة وكلها كومة غبار كأنها متنقعة في البر
واخر يقول عرفت ان مرت جاري ماهي نظيفة كل ماطلعت عبايتها وسخة وحالتها حالة << شوفوا بس لقافة الرجال
والله العظيم هالكلام مو من راسي
واللي يقهرني اكثر اذا شفت رجال مع زوجتة مهتم في عمرة ومترزز بكشختة وهي ولا حتى كلفت على نفسها تغسل عبايتها
بتكلم الحين بالاهتمام بالعباية بشكل عام
اول شي
الافضل تشتري 3 عبايات وراعي يكون قماش العباية كويس
ماتكون العباية اطول منك بكثير < علشان ماتنظفين غبار السوق بعبايتك وتريحين عمال النظافة
راعي انها تكون بطول معقول
عباية للدوام
عباية للمناسبات الرسمية
عباية للأستخدام اليومي اسواق ومستشفيات و و و الخ
كيفية العناية بنظافة العباية
غسل عباية الاستخدام اليومي مرة كل اسبوع
لاتنشرينها بالشمس بتخرب اللون عليك
ولا تكوينها لانها كمان بتخرب اللون عليك
اذا لازم لها كوي اقلبيها واكويها
او عند اقرب مغسلة كوي بالبخار
والله لايهينك اذا جيتي من مشوارك بالسلامة علقي عبايتك بالشماعة
لاترمينها بالممرات او قريب المطبخ ترى ريحة الكشنة بتنشب
شامبو مخصص للعباية
,افضل شامبو للعباية مافية ريحة عطر قوية ( الشامبو الاحمر القديم )بعض الشامبو يصير ريحة عطرة قوية
اغسلي عبايتك قبل الطلعة بيوم علشان ريحة العطر تخف
واذا جاك مشوار فجاءة اغسلي العباية بالشامبو المخصص لها بعدها نقعي العباية بموية علشان ريحة العطر تروح
ملاحظة : بعض البنات تبخر عبايتها او تعطرها
مايحتاج اقولك راح تمرين من عند رجال وريحتك بتصير واصلة عندهم
انتي عاقلة وكبيرة وعارفة حديث الرسول عليه الصلاة والسلام
( اي امراءة تعطرت فخرجت على قوم فشموا ريحها فهي زانية )
وبس هذا موضوعي المتواضع اتمنى يعجبكم
كلاااااااااااااام جميل ورائع من ذهب
ثاااااانكس
شـــكـــرا
شكررررررررررررررررررررررررا
كلام جميل ياريت كل البنات يشوفون ها الطرح علشان يقومو بيه
تسلمي على الموضوع
جزاك الله خيرا على الموضوع الرائع.
اختي وحبيبتي اذا كانت العبايه نظيفه زياده عن اللزوم فهذا من التبرج لانها تلفت النظر فقد قال النبي صلى الله عليه وسلم (وليخرجن تفلات ) اي لايهتممن بمظهر الحجاب لكي لإيلفت نظر الرجال الأجانب
شكرا لك على هذا الطرح الجميل