سلام عليكم
أنا كان ودي أتكلم عن هذا الموضوع من زمان بس قلت لا ما يحتاج بعدين خلاص حسيت لازم
الموضوع هو قلة أدب البنات في الردود خاصة في المشكلات كان ودي أرسل لهم خاص بعدين قلت موضوع أفضل يعني ليش التجريح والسب بالغباء والسذاجة في شيء أسمه أسلوب حلو
تجيك وحدة وتقول هذولي ما يحبونك هذولي خدعوك أسحبي عليهم وقفي لهم لا تسمعين كلامهم المشكلة أنها تتكلم عن أهل البنت تتحملين إنتي ذنب قطيعة الرحم قولي كلمة كويسة ونصيحة لبقة ولا لا تردين على الموضوع إذا بتزودين النار حطب
ولا ببساطة تقولها تتطلقي والسبب يصير تافه وممكن ينحل ما عندك طريقة حلوة تحلين المشكلة أكتبي دعوة وبس تكفي بدل التجريح والحث على قطيعة الرحم
ولا ترد أنتي غلطانة أنتي ما تعرفين تتصرفين ممكن تغيرين أسلوبك عشان يتقبله القلب يعني في بنات كثير يقولون نصايح غلط لكن بأسلوب لبق وتلقين محد منتقدهم وإنتي بسبب أسلوب الغير جيد محد يتقبل منك نصيحة وكلن ينتقدونك
أتمنى من كل قلبي أن كل بنت زي كذا تعدل نفسها وتترك دعوة حلوة وتطلع وتعدل أسلوبها وتتعلم اللباقة لأن الموضوع صدق مضايقني مع ان ما قد صار لي موقف لكن لما أطلع من قسم مشكلتي أو أفتحي قلبك أنقهر من ردود البعض
ج
والله يختي وانتي صادقه انا شغاله مساحه في قسم مشكلتي امس قريت رد قبييييييييييييييييييح وبششششششششششع وحده تقول لوحده اخوانك ما يبغون تتزوجين عشان يعملون كذا ………… معك
او انهم بيغارون من زوجك لو عمل ……… معك
وكلام كثير مال امه لزمه
اعوذ بالله من الشيطان الرجيم وش العقول المريضه
ردي اقول لكل اخت تتفوه بكلام عقيم اتقي الله فيما تقولين
وشكرا لطارحة الموضوع يقيم ويزين بالنجوم
فعلاً الموضوع يضايق فعلاً والله يعينك ويهديهم
بالفعل حبيبتي
المفروض الوحدة تقرأء كلامها قبل تقولوا
وتقول كلمة كويسة والحكي الي ماله داعي بلا منه
صح لسانك
المفروض من البعض يهدئن العضوه ويخففن
عليها بس في البعض يعلمن العكس ويزدون الغركان غطه
الله يعين ويصبر الجميع
محبتي..
اعملي تقرير على الردود اللي مثل كذا !
انا مرة شفت قذف في مشكلة لبنت وعملت تقرير وشكوى عليه !
البنت تشتكي مصيبتها مع حبيبيها وناس تقذف اوكي هي عارفة انها غلطانه ومحد شاهد على غلطها او شافها عشانها قالت لكم قام البعض يسب ويشتم محد له الحق في القذف ابدا محد يعترف بالقيل والقال بإي مكان لو راحت محكمة واشتكت بينصفوها لانكم ماشفت سمعتو واقل شيء عقوبتها 80 جلدة !
عموما اي رد مو مناسب وفيه قلة ادب اعملي له تقرير وبإمكان اي احد يعمل تقرير ،، واتركي هالشيء للمسؤولين !
المسألة ماهي تجريح لاحد المسألة مسؤولية واخلاقك تخليك تقولي هالكلام او لا بيئتك علمتك كذا ! و فيه ناس ماتعرف تنتقي الكلمات ،، مره على مره نعمل تقرير تتعلم ان هذا مو اسلوب يستخدم في الكلام ماعتقد بيننا اطفال كلكم كبار!
اللي قدرها تقول قلة الادب للغير يقدرني اشتكي وانصف الطرف الثاني ،، لان محد يكتب بمشكلتي الا انسان فعلا معاني و يأس ،، الكل يقدر يدافع عن نفسه ولكن احيانا علينا احنا نتخذ الخطوات لغيرنا !
واعترف كثير قدمت تقارير بحق اشخاص بسبب الكلمات والباقة ومخالفة بعض القوانين وهذي حقيقة مافيها تجريح وانا اشوفه واجب على كل فرد يشوف الغلط لازم يغيره !
مثل ماقال النبي محمد صلى الله عليه وسلم
ان أبي سعيد الخدري قال : سمعت رسول الله صلى الله عليه وسلم يقول : من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان . رواه مسلم .
،،
لتقديم اي تقرير بمشاركة سيئة ،، بالصورة المربع الاسود اضغطي على العلامة تجديها اسفل اسم العضو بمحاذاة التوقيع ،، اكتبي الرسالة بالمربع الاورنج وارسليها !
آسفة ذكرى ما أتفق معك يعني مو دائما الحل العقوبة لازم نتكلم أول لازم نوجه نفهم ننصح وحتى لو أستمروا ننصحهم برسائل على الخاص وعلى حسب ردهم نسوي الشيء المناسب
°باختصااار °
🌹قل خير او اصمت 🌹
عباره قصيره ولكن في جعبتها الكثير 🌸
اشكركي اختي متمرده علي طرحج لهالموضوع🍀❤❤