مساء الخير هالمره بـلاش آسـف علـى التأخيـر
مـدام الـرد بعيونـك دمــوع فـكـل تأخـيـره
ثقل دم العذر ، والا كسـح وجـه الخطـا تبريـر
مدامك عارفـه طبعـي . أجـل وشولـه الحيـره
ترى ماجيت لجل اسمع سواليفـك عـن التقصيـر
أعرف ان الخطا منـي (بـلاش نعيـد هالسيـره)
انـا وانتـي بهالدنيـا تحملنـا بعضـنـا كثـيـر
تعوّدتي على عنـادي ، وصـرت آحـب هالغيـره
انا وانتي حكايتنا مثـل : صـدر السمـا والطيـر
كثيـر اللـي يطالعهـا ،، ولحـدٍ طالهـا غـيـره
انا وانتي حكايتنا .. مثـل لعبـه ، وطفـل صغيـر
مـع انـه دوم يهملهـا رفـض يسمحبهـا لغيـره
انا وانتي .. وش اوصفلك ؟ عجز عن وصفنا تعبير!
مثل ! مدري ! مثل وشو ! ولكن صعـب تصويـره
انا وانتي بـلاش انتـي أنـا لـو بفقـدك شيصيـر
ومجـرد طـاري الفرقـا علـي ياصعـب تأثيـره
أحبك ؟ ايـه أحبـك .. ذي بعـد يبغالهـا تفكيـر
يخلـف الله علـى عقـلٍ ملكتـي كــل تفكـيـره
تعالي .. نحترم ( شيبة غلانا ) .. لعنبو التصوير!!
تعالـي نغتنـم فرصـة لقانـا دامهـا قصيـيـره
ومساء اللي تبي ، حاضر ولاتزعل ( صباح الخير )
أنا كـل يـوم بتأخـر .. اذا فـي دمعتـك خيـره
ــــــــــــــــــــــــ
وينكم بنااااااااااااااات
مشكووره حبووبتي ~ْ
بسلموا ع المرو دوودي
انا وانتي حكايتنا مثـل : صـدر السمـا والطيـر
كثيـر اللـي يطالعهـا ،، ولحـدٍ طالهـا غـيـره
تجنن كلماااات ولا اروووع
وتشبيهه بالصميـــم
يعطيك العافيه غــــــلاتي
ابدعتي في طرحك للقصيده
اختيار ذوووووووق
سلمتي لنا
يسلموا ع المرور