[img]http://www.****************/album/35/w6w_05202156274b6f0a34.gif[/img]
السلام عليكم ورحمة الله وبركاته
شحالكم الغاليات
اليوم حابه انقل لكم تجربتي الخاصه مع هالماسك الخطير والفعال
طبعا انا كنت اعاني من شعر مقصف وباهت وحالته حاله وكنت تجيني نوبات صياح مو طبيعيه بسبب هالشي من كثر مااحب شعري فديته
المهم كنت استخدم ماسك فاشكول وماجاب أي نتيجه ماغير انه طيح شعري واكتشفت بعدين انه مظر للشعر ويسبب تساقط لانه يضعف بويصلات الشعر
طبعا بدت المعاناه والدواره عن شي يحسن من شعري
بخلطة زيوت وانا استخدمة منها زيت السمسم ووااااااايد حسن شعري << ماشاء الله عليه
بس صرت اتملل من الدهن على شعري وصرت ادور بديل
ولله الحمد لقيت شي يجنن وله مفعول حلوو
مكونات الماسك ( حمام الزيت )
3 ملاعق اكل كريم حمام الزيت أي نوع انتي تحبينه وانا افضل النوع اللي فالصوره لانه حلو وريحته تجنننننن
ملعقتين اكل روب
ملعقة اكل عسل
ملعقة اكل زيت اللوز
نخلط المكونات مع بعض والماسك بيجيج سائل
نحطه على الشعر وطبعا يكون الشعر مغسول
وبعد مانحطه على الشعر كامل نبتدي نسوي مساج على الاقل دقيقتين او ثلاث دقايق والله المساج له تاثير خطير
وبعد 15-20 دقيقه نغسله بالماء فقط
وبعدها ومع الاستمرار شوفي شعرج كيف راح يصير ( نعومه ولمعان ومظهر صحي وريحه حلوه << اهم شي خخخ )
ان شاء الله تجربونه ويعجبكم وتدعون لي
[img]http://www.****************/album/35/w6w0421150556578ca46f.gif[/img]
الله يعطيك العافية.
مرحبا الله يعطيك العافية ويبارك فيك
تسلمين على ها الخلطة يعنس أنا لما بجربها لي وحق بنتي البالغة من العمر سبع سنوات إن شاء الله بتستفيد لأني تعبت من أنولع الكريمات والزيوت و………………………….
وهي شعرها مو خشن ولكن خفيف لذلك إلي بيشوفه بيقول عنه خشن وبيتكسر بسرعة أنا ستخدمة زيت الخروع وفاد بس هي ما تحب المساج ولا التدليك.
بجرب وأنشاء الله بستفيدوشكرا .
شكرررررررررررررا حياتي
الله يعطيك العافيه
الله يعطيك العافيه انا رح اقول عليه لبنت خلتي لانه تعني من نفس المشكله