لشعر كالحرير طويل وغزير

مساائكم ورد وعسل ولوز

زي منتو عارفين كل وحده مننا تحلم بشعر طويل وغزير ونااااعم وفيه لمعة
وصحي بنفس الوقت

الخلطة هاذي يابنات يستخدموها الفلبينيات واكيد عارفين شعورهم كيف تجنن ماشاء الله

بقولكم شعري كيف كان وكيف صار : باهت , تالف , متقصف , مايطووووووووووووول , منكوش كانو يسموني ام شوشه
والكثير من المشاكل اللي كل بنت او سيدة تعاني منها للاسف

بعد ماسويت الخلطة حق الزيوت والله ياقمرات شعري تحسن بنسبة 90 %
طبعا ماراح اقولك الخلطة تبين بيوم وليله لا الخلطة يبالها مداومة اقل شي 3 شهور

راح اكتبلكم الخلطة وكم نصيحة فادتني بشعري

زيت اللوز الحلو 4 ملاعق +زيت الخروع نص كوب +زيت السمسم 7 ملاعق +زيت اكليل الجبل 7 ملاعق = تخلطيهم مع بعض بعلبة وتستخدميه على شعرك مرتين بالاسبوع
عن نفسي استخدمها يوم السبت والاربعاء مع تدليك فروة الراس 5 الى 10 دقائق عشان تتنشط الفروة وتستفيدي من الزيت اكبر قدر ممكن

تلفي شعرك بنايلون او كيس بلستك زي ماتحبي

تخليها من 3 الى 4 ساعات ووتغسلي شعرك بالشامبو ويفضل شامبو الاطفال لخلوه
من المواد الكيميائية وانا استخدمة صراحة مايعدم الشعر

ثاني خطوة بعد غسيل الشعر والاستحمام
حطي معاكي موية صحة قارورة ابو ريال واشطفي شعرك فيها اخر شطفة

والله راح تحسي بالفرق من اول مرا لان للاسف مويتنا مليانة املامح وبلاوي تطيح الشعر وتسبب تساقط وتخفف الشعر

بعد ماتخلصي استحمامك نشفي شعرك بالمنشفة بلطف
مافي داعي تدعكي المنشفة بالشعر الين الشعر يقول امين

وخلي شعرك ينشف بالهوى الطلق وياخذ راحته ليششش
عشان لما تحطي المنشفة فترا طويلة الشعر ينكتم ويتساقط وغير كذا
يسبب روائح غير مستحبة

بعد هذا كله
1جيبي زيت اللوز الحلو وحطي شوية بيدك وامسحي فيه شعرك من فوق لتحت
2حطي سيروم اي نوع انتي تحبية على اطراف الشعر او من عند دقنك لتحت
حاولي السيروم مايكون من بداية الشعر عشان مايغير في طبيعته كثير
3حطي اي كريم يكون كثيف على الشعر عشان يرطبة مثل بانتين بديل الزيت
4 لاتمشطي شعرك لمية وارفعية بشباصة فوق الين ينشف تمام انشغلي باامور البيت او اي شي وخلي شعرك ملموم على فوق هاذي الحركة تحفز نمو الشعر بعدين فكي شعرك و مشطية فوق وتحت ويمين ويسار بجميع اتجاهات الشعر
5 ممكن تسوي ضفيرة او ممكن تعملي التسريحة اللي تبيها

اخر شي بقولك اياها انتبهي تعتني بشعرك وتستخدمي استشوار راح يعدم شعرك
والاهتمام اللي سويتيه بيروح ع الفاضي شعرك ممكن تتعبي فيه سنين اهتمام وعناية
واغلى المستحضرات وتجي تخربي كل شي بسهولة بسبب الاستشوار

حاولي الاستشوار يكون للظرورة فقط مرتين بالشهر او مرا يكون افضل او وقت المناسبات فقط

كل من شاف شعري زمان والحين يسالني وش مسوية يحسبوني مسوية زراعة شعر وفرد وبلاوي
مايدرو ان بالاهتمام كل شي يتحقق

من اول شهر بتلاحظوا تحسن ملحوظ بالشعر بطوله ونعومته وكثافته والترطيب ولمعان وشعرك حيصير صحي ويهبببل